1 Pieri 1:20 - U TIENU MAAMA TILI 2013

²⁰ U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

Gourmanchéma Bible

²⁰ U Tienu den tuodi ki gandi wani Kilisiti lankuli po hali ke ŋanduna daa tagi, ki doagidi o ŋanduna juodima yogunu yinba yaa po.

1 Pieri 1:20 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Mi Kpanjama 8:23

O den tagini nni hali yogu, Hali mi cicilima, hali ke ki tinga daa ye.

Mise 5:2

Lani yaa po, U Tienu baa ŋaa O niba bi yibalinba nuu nni, Hali yaa pua n baa maa ki bonjaga yeni, Yaa mali ka yaa yogunu. Lanwani, ki biga yeni kpiiba yaaba n sieni, Ki ye foagima baa guani ki kpeni, Bi kpiiba Isidayeli yaaba diema nni.

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Jesu Tondiba Tuona 2:23

Bi den taa laa joa ki teni o yi, ke yi kpa o, ki teni ke yaaba n kaa fangi U Tienu den joani o li dapoanpoanli po, nani U Tienu n den jagi ki bili maama, ke li ŋua leni wan den tuodi ki bani bonla kuli maama.

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba ti po.

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni, ke o pua mali o, ke li bali maama n diedi o,

Efesa 1:10

Lani n tie ke u yogunu yaa pundi, wan taani li bonla kuli, yaala n ye tanpoli po leni yaala n ye ŋanduna nni kuli, ke likuli n tua yenma, ke Kilisiti n yaa die likuli.

Efesa 1:4

U Tienu den tuodi ki gandi ti Kilisiti nni, hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama po,

Efesa 3:11

U Tienu den jagi ke o baa tieni la hali yogu, ki go tieni la ki dudi, kelima ti Diedo Jesu Kilisiti yaa po.

Efesa 3:9

O go teni ke n doagidi bi niba kuli po laa bondoaginkaala n baa tieni maama. U Tienu yua n tagi li bonla kuli wuoni o bondoaginkaala yeni, hali yaa yogini n kpeli.

Kolosi 1:26

Mani n tie yaa bondoaginkaala n den wuo hali yogu, yaa jamaani n pendi kuli po, ki doagidi moala o nigagidiŋanba po.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

Hebilunba 1:2

Ama moala, mi juodima dana nni, o maadi leni ti o Bijua yaa ñoabu nne. O tagi li ŋandunli kuli o yaa niinne, ki bili ke wan diedi li bonla kuli.

Hebilunba 2:14

A bila n tie nisaaliba ki pia ti gbanandi leni mi soama yeni, Jesu moko den tua nisaalo, ki pia ti gbanandi leni mi soama. O den tua yeni ki kpe, ke o kuuma n bolini Sutaani paalu, wani yua n pia mi kuuma paalu.

Hebilunba 9:26

Li yaa den tie yeni, Kilisiti den baa cili ŋanduna tagima yogunu, ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.

1 Jan 1:2

Li miali yeni den doagidi ke ti laa li. Ti tiendi li po siedi, Ki wangi yi yaa miali n kan gbeni, Yaali n den ye Baa kani, Wan den doagidi ti po yaali yeni.

1 Jan 3:5

Yi bani ke wani o Diedo n den doagidi ki baa ñani ti yaa tuonbiadi. Tuonbiadiba kuli ki ye o niinni baa waamu.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.