1 Pieri 1:17 - U TIENU MAAMA TILI 2013

¹⁷ Yi yaa miadi U Tienu ki go yini o yi Baa, wani, waa tiendi gagidima bi niba siiga, ki ja yuakuli buudi nani o tuona n tie maama. Lani yaa po, yin yaa ye leni li fangili o nintuali yin ye ŋanduna nni ki tie canba yaa yogunu bianu kuli.

Gourmanchéma Bible

¹⁷ Li yaa tie ke yi miadi U Tienu ki go yini o yi Baa, wani yua n ja nilo kuli ti buudi nani o tuona n tie maama, ki naa tiendi gagidima bi niba siiga, lani yaa po yin yaa ye mani leni li fangili o nintuali yin ye ŋanduna nni ki tie canba yaa yogunu bianu kuli.

1 Pieri 1:17 ပူးပေါင်းရင်းမြစ်များ

Mi cilima 47:9

Jakob den guani Faraon ki yedi o: «N candi ŋanduna nni bina pundi bina kobiga n piitaa. N miali bina naa yabidi. N laa fala a bintiama, ŋaa pundi n baanba candi ŋanduna nni yaa bina.»

1 Bi Badiba Jama 29:15

Ti tie a nintuali canba leni nilanba, nani ti baanba yeni. Ti miali dana ki tinga nni mo tie nani u soangu yeni, ke suginmiba ki ye.

2 Bi Badiba Jama 19:7

Moala, yin yaa pia mani o Diedo po li fangili. Yin yaa faami yin tiendi yaala mo, kelima bu subu, u nigagidu bi suuliba kuli naa ye o Diedo ti Tienu kani.»

Jobi 34:19

Waa diidi bi badijaba nunbu, Waa tiendi gagidima o piado leni o luodo siiga, Kelima wani n tagi bikuli.

Pisomi 39:12

A waani o nisaalo fala o tagili po, Ki tundi o. A biidi o bonbuadimoanla kuli, Nani ki kudiga yeni. O nisaalo li tie fawaama bebe yo. Joma

Pisomi 89:26

N baa teni wan diedi, ki cili mi ñincianma, Ki yaa caa hali i kpenciami.

Mi Kpanjama 14:16

O yanfuodaano jie li bonbiadila, Ki foagidi leni la. Ama o yanluodaano jaligi, Ki tiendi li bonla kelima waa pia wan jie yaala.

Mi Kpanjama 28:14

Li pamanli ye leni yua n ye Li fangili nni yogunu kuli! Ama yua n juagi o pali wani, Fala baa nandi o.

Jeremi 3:19

N den yedi n yuli: «N sugini hali bonŋanla fine n tua N bijaba kuli liiga yua. N baa pa ŋa yaa diema n mani hali boncianla, Yaa tinga n ŋani ki cie mu tinmu kuli.» N den tama ke a baa yini nni: «N baa!» Ki kan go buli nni a nunga mo.

Sofoni 3:9

O Diedo go yedi: «Lani, n baa lebidi i nilanbuoli niba maama Ki teni man tua maŋanma. Bi baa yaa ŋua mini Li Miali Diedo bebe Ki kpiagidi nni leni payenli.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 22:16

Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Matie 6:9

Diidi mani yin baa yaa jaandi maama: Ti Baa yua n ye tanpoli, Teni bi niba kuli n bandi ke a gagidi ki ŋani.

LOMA YAABA 11:20

Li tie moamoani. Bi den jia ki ñani bani, kelima bi dandanluoma po, fini mo ye lienni, kelima li dandanli yaa po. Lanwani, ŋan da kpiagi a yuli, ama ŋan yaa jie.

2 Korenti 1:2

Ti Baa U Tienu leni ti Diedo Jesu Kilisiti yaa ŋanbili leni o yanduanma n yaa ye leni yi.

2 Korenti 5:6

Lani yaa po, ti jigi co yogunu kuli. Ti bani ke tin da ye ti gbanandi na niinni yaa yogunu, ti da foagi leni o Diedo.

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

2 Korenti 7:11

Diidi mani laa pabiidili, U Tienu n bua yaali yaa buolu yeni, n cuani yaala: Li tigini yi ke yi moandi. Li go cie yeni, kelima li teni ke yi mia sugili, yi pala mo biidi lipo. Li go teni ke ti jawaandi cuo yi, ki teni ke yi go bua ki le nni, ki go teni ke yi baa li yankuali, ki tundi i tagili daano leni tundifala. Yi doagidi li bonla kuli nni, ke yii pia tagili laa bonla nni.

Galati 2:6

Ban den nua yaaba ke bi tie bi yudanba, (to, ban tie yaaba ki tie n po liba, kelima U Tienu naa tiendi gagidima bi niba siiga,) yaaba n den tie bi yudanba yeni naa bili n po bontoala.

Efesa 1:17

Ti Diedo Jesu Kilisiti Tienu, wani Baa yua n pia ti kpiagidi kuli, n teni o Fuoma n yendi yi yantiana, ki go doagidi yi po U Tienu, yin bandi o moamoani.

Efesa 3:14

Li tie lani yaa po yo, ke n gbaa Baa kani ki jaandi o,

Efesa 6:9

Yinba canbaanba mo, yin yaa tiendi yeni yi yonbi po. Yin da fu leni ba, kelima yi bani ke yinba leni bani kuli pia Canbaa tanpoli po, yua n naa gagidi bi niba leni biyaba.

Mi Tiadima 10:17

Li Miali Diedo yi Tienu tie ban pugi yaala kuli Tienu, bi diediba kuli Diedo. O tie yaa Tienu yaa yeli n yabi, ki pia u paalu leni i jeje. Waa tiendi gagidima bi niba siiga, waa gaani suuli mo.

Filipi 2:12

Lanwani, n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima, ki yaa ye yi tindima yema.

Kolosi 3:25

Yua n tieni yaala n bia kuli baa baa o biadima panpaani, kelima U Tienu naa gagidi bi niba leni biyaba.

Hebilunba 12:28

Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu, ki ŋua o leni li fangili leni i jeje, ke li mani o po,

Hebilunba 4:1

Lanwani, hali ke U Tienu n den niani yaa ñoanianu o fuodima nni kuama po da baa ki ye, tin fangi mani ti yula, ke yi siiga ba niyendo n da ti sua ke li pendi.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.