1 Pieri 1:13 - U TIENU MAAMA TILI 2013

¹³ Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

Gourmanchéma Bible

¹³ Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 1:13 ပူးပေါင်းရင်းမြစ်များ

1 Bi Badiba 18:46

O Diedo den puni Elia u fidu ke o fii ki ñagini o ciaga ki gaa Akabi teligu liiga, ki sani ki ban pundi hali Yisireyeli bilinciamu buliñoabu kani.

2 Bi Badiba 4:29

Elise den yedi Gehasi: «Ñagini a ciaga, taa n gbiamu ki fii ki gedi. A yaa tuogi nilo, ŋan da sedi ke a baa fuondi o. Nilo yaa fuondi a mo, ŋan da sedi ke a baa gaa. Ŋan ban maani n gbiamu ki biga nunga po.»

Jobi 38:3

Ñagini ku gbanñagidigu Nani o jakoando yeni, Ke n baa buali a i buali ŋan guani n po.

Jobi 40:7

Ñagini a gbanñagidigu nani o jakoando yeni N baa buali a i buali, ŋan guani nni.

Mi Ñama 12:11

Yin baa ŋmani ti maama nne: yin kpa ñagini yi ciamu ti gbanñagiditi, ki pili yi cacaadi, ki mubini yi gbiami yi nii nni. Yi baa ŋmani ti tontoni. Li tie o Diedo yaa Pendima jaanma.

Esayi 11:5

Mi teginma n baa tua o gbanñagidigu, Ku yantugupiengu mo n tua o cañagidu.

Jeremi 1:17

Fini mo, fii ki ñagini a ciaga ku gbanñagidigu, Ki gedi ki ban yedi min baa puogi a yaala kuli. Ŋan da digibi bi nintuali, Lani yaa ka, mini n baa teni ŋan digibi bi nintuali.

Matie 20:4

O den yedi ba: ‹Yimo n gedi mani n kuanu po, n baa pa yi lan dagidi.›

Luki 12:35

Ñagini mani yi ciamu ku gbanñagidigu, ki teni yi fidisanmu n yaa co.

Luki 17:30

Li go baa tua yene o Joa Bijua n baa doagidi o yuli yaa daali.

Luki 17:8

Ama o baa yedi o: ‹Ŋanbi n po mi jiema, ki bogidi aba ki yaa tendi nni ma hali min je ki go ño ki gbeni no. N yaa gbeni, amo baa je ki go ño.›

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli.

LOMA YAABA 8:19

Mi tagima kuli guu leni mi sugincianma U Tienu n baa doagidi o bila yaa yogunu.

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 13:13

Moala, bonlitaa n ye ki kan pendi, Lani n tie li dandanli, Mi suginma leni mi buama. Likuli siiga yaala n cie tie mi buama.

Efesa 6:14

Lanwani, bogini mani ki yaa se ke li pa. Yin yaa ñaagi i moamoani nani ku gbanñagidigu, ki yaa la mi teginma nani li kuliadili,

Kolosi 3:4

Kilisiti, yua n tie yi miana, yaa go cua ki doagidi o yuli yaa yogunu, yimoko baa taani ki doagidi leni o o kpiagidi nni.

2 Tesaloniki 1:7

O baa taani ki pa tinba leni yinba yaaba n laadi fala mi fuodima, o Diedo Jesu yaa ñani tanpoli po leni o malekinba yaaba n pia u paalu, ki doagidi o yuli yaa daali.

2 Timote 4:5

Ama fini wani, ŋan kubi a yuli li bonla kuli nni, ki tuo ki yaa laadi fala ki juuni lienni. Ŋan yaa tuuni o Laabaaliŋamo wangika tuonli, ki soani a tuonli bonŋanla.

2 Timote 4:8

Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.

Hebilunba 10:35

Lanwani, yin da ŋaa mani yin pia yaa dugidi, yaadi n pia yaa panpaani n yabi.

Hebilunba 3:6

Ama Kilisiti, wani n tie nidugika kelima o tie Bijua ki die U Tienu diegu. Tinba n tie o diegu li yaa tie ke ti kubi leni li papaali hali mi juodima tin kpiagidi ti yula yaa suginma yaa po.

Hebilunba 6:19

Laa dugidi tie ti po nani ku ñinbiagu kubikpiagili yaali n siendi ku bonŋanla yeni. Mi se ki go pa bonŋanla ki piani bu kpalidoaginkaabu ki pendi ki kua liiga po, u kaangagidiŋanmoanu nni,

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

1 Pieri 1:10

Bi saawalipuaba yaaba n den pua saawali, U Tienu n bili yi po yaa ŋanbili po, den lingi ki buali, ki bua ki bandi laa tindima maama fuuli.

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Pieri 4:7

Li bonla kuli juodima nagini. Yin faami ki yaa kubi yi yula, lani n tie yin fidi ki yaa jaandi.

1 Pieri 5:12

Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni.

1 Pieri 5:8

Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.