1 Pieri 1:1 - U TIENU MAAMA TILI 2013

¹ Mini Pieli, Jesu Kilisiti tondo, n diani li tili yinba U Tienu n gandi yaaba ke yi yadi yadi ki ye ku cangu Ponti, Galati, Kapadosi, Asi leni Bitini diema nni kuli.

Gourmanchéma Bible

¹ Mini Pieli, Jesu Kilisiti tondo, n diani li tili yinba U Tienu n gandi yaaba ke bi yayadi ki ye ku cangu Ponta, Galati, Kapadosi, Asi leni Bitini diema kuli nni.

1 Pieri 1:1 ပူးပေါင်းရင်းမြစ်များ

Esiteri 3:8

Li yaa puoli, Hamani den yedi o bado Asuerusi: «U nibuolu ye ki yadi yadi a diema nni kuli kaa taa leni yaa nibuolu n sieni. Bi pia yaa bali maama n ki taa leni yaa nibuoli n sieni, baa kubi fini o bado bali maama mo. Bi yaa cedi ba suo, li kan yaa ŋani a po.

Pisomi 44:11

A teni ke ti sudi puoli yibali nintuali, Yaaba n nani ti mo fagi ki kpabidi ti cain.

Esekieli 6:8

Ama bu toabu n baa kpa ki sieni yaaba, ba bi yaa yadi yadi i nilanbuoli nni, n baa yaa guu bi siiga bi tianba ban da bodi.

Levi 26:33

N baa yadi yikuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.

Matie 10:2

Bi piiga n tondiliediba yeni yela n tie ne: Yua n kpia, Simon ban go yi yua Pieli leni o waalo Andre, Sebede bijua Jaki leni o waalo Jan,

Matie 24:22

U Tienu yàá bi wadi laa dana, nisaaloba kuli kan bi faabi. Ama wan gandi yaaba po, o baa wadi laa dana.

Matie 4:18

Jesu n den cuoni ki baali Galile ñincianma, o den laa jabilie, Simon ban go yi yua Pieli leni o waalo Andre, ke bi lu i taali mi ñincianma nni, kelima bi den tie jankpaanba.

Luki 18:7

N buali yi, naani U Tienu kan tuu wan gandi yaaba po bi panli, bani yaaba n kpaani ki miadi o u yensiinu leni ku ñiagu kuli? Naani o baa waagi ki kan todi ba?

Jan n diani U Tienu Laabaaliŋamo maama 11:52

Laa tie Jufinba buolu po bebe ka, ama o kuuma baa taani U Tienu bila yaaba n yadi yadi i kaani kuli, ban taani ki tua yenma.

Jan n diani U Tienu Laabaaliŋamo maama 7:35

Lanwani, Jufinba den buali biyaba: «One baa gedi hali le, ke ti kan go le o? Naani o baa gedi Jufinba yaaba n yadi yadi, ki ye bi nilanba siiga, ki ban bangi bi nilanba yeni bi?

Jesu Tondiba Tuona 18:2

Lankani, o den laa Jufi yendo ke bi yi o Akilasi. Bi den mali o Ponti diema nni, ama Poli n laa o yaa yogunu, li sua ke o ñani Itali diema nni, wani leni o pua Prisili. Bi den cua Korenti, kelima Loma badiciamo Kilodi den bili ke Jufinba kuli n ña Loma. Poli den gedi ki ye bi deni,

Jesu Tondiba Tuona 18:23

Poli n den tieni likani yogunuba, o den fii ki goadi Galati leni Filiji diema nni, ki paagi bi ŋoadikaaba pala li dandanli nni.

Jesu Tondiba Tuona 19:10

Poli den caa likani daali, kuli ki maadi leni bi niba hali binalie, ke yaaba n ye Asi nni kuli, Jufinba leni Girekinba kuli, den gbadi o Diedo maama.

Jesu Tondiba Tuona 6:9

Bi nitianba yaaba n tie li bali maama bangima dieyenli yaaba, ban yi yaaba bi Nifaabikaaba, den fii ki nia leni Etienni. Bi den taani leni yaa Jufinba n ñani Sireni leni Alekisandri dogi nni leni yaaba n ñani Silisi leni Asi diema nni kuli.

Jesu Tondiba Tuona 8:4

Yaaba n den yadi yadi yeni, den caa i kaani boncianla ki wangi U Tienu Laabaaliŋamo.

1 Korenti 16:19

Kilisiti Nitaana Asi diema nni kuli fuondi yi. Akilasi, Prisili leni Kilisiti Nitaanli, yaali n taandi bi diegu nni, fuondi yi o Diedo nni.

2 Korenti 1:8

N kpiiba, n bua yin bandi ke ti den laa o falabiado, tin den ye Asi diema nni yaa yogunu. Laa falabiado den kpiagi ki pendi ti fidu banlu, hali ke ti den tama ke ti kaa pia miali.

Galati 1:2

Mini leni n kpiiba, yaaba n ye ne leni nni kuli, taani ki fuondi yi yinba Kilisiti Nitaana ya n ye Galati diema nni.

Efesa 2:12

Lanyogunu yi den foagi leni Kilisiti. Yii den pia liba Isidayeli buolu diema nni. Yi den tie canba U Tienu leni Isidayeli buolu ŋantaado nni, yaala n ŋua wan den niani ba yaa ñoanianu. Yi den ye ŋanduna nni, kaa pia suginmiba kuli, kaa pia ŋantaadi leni U Tienu.

Efesa 2:19

Lanwani, yii go tie nilanba leni canba ka, yi ji tie tanpoli diema yaaba, ki taa buolu leni U Tienu nigagidiŋanba, ki tie U Tienu deni yaaba.

Mi Tiadima 28:64

O Diedo baa yadi yadi yi i nilanbuoli nni, hali ki tinga bianu kuli nni. Lanpo yo, yi baa n kpiagi yinba leni yi baanba n ki bandi yaa buli, yii n tie ti daadi leni a tana.

Mi Tiadima 32:26

N den tua ke n baa teni ban tua wagima, Ki teni ban sundi bi po bi niba siiga.

Mi Tiadima 4:27

O Diedo baa yadi yi i nibuoli siiga. Lanwani, yi baa yaa tie niba waamu bebe o Diedo n baa gedini yi yaa nilandiema yeni niinni.

2 Timote 1:15

A bani ke yaaba n ye Asi diema nni, lebidi ki ŋaa nni. Fijeli leni Elimojeni tie bi siiga yaaba.

Hebilunba 11:13

Laa niba kuli den kpe ki kubi li dandanli. Bi daa den baa U Tienu n den niani ba yaala. Ama bi den tuodi ki laa la hali foagima, ki mangi bi pala li po. Bi den tuo yeni ke bi tie canba, ki ye ŋanduna nni u yogunu waamu po.

Jaki 1:1

Mini Jaki, U Tienu leni o Diedo Jesu Kilisiti naacemo, n diani yinba i piiga n buoliedi, yii n yadi yadi ki ye ŋanduna nni kuli po. N fuondi yi bonŋanla.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.

Mi Doagidima 1:11

U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»