1 Korenti 8:1 - U TIENU MAAMA TILI 2013

¹ Moala, yaala n tie ti padinandi po, moamoani, «tikuli pia mi bandima.» Ama mi bandima kpendinni ti japaadi, mi buama mo kpedi li dandanli.

Gourmanchéma Bible

¹ Moala yaala n tie ti padinandi po. Yi tua: «Tikuli pia mi bandima.» Mi bandima kpendinni ti japaadi, ama mi buama todi mi kpedima li *dandanli nni.

1 Korenti 8:1 ပူးပေါင်းရင်းမြစ်များ

Esayi 47:10

Yi den dugi yi biadima po, Ki den tua: «Niloba ki nua ti!» Yi yanfuoma leni yi bancianma lebidi yi yula, Ki teni ke yi go den li baa ki tua yi pala nni: «Tinba, tinba bebe lige, Yaala n sieni kuli tie fanma.»

Esayi 5:21

Mi yebiadima baa ŋmaa yaaba N nua bi yula yandanba, Ki tama ke bi tie yanfuodanba.

Mi Coadima 25:2

Moabi yaaba bisiaba yeni den yi Isidayeli yaaba bi buli pada po. Isidayeli yaaba den dini bi padijiedi, ki go gbaani ki pugi bi buli.

Jesu Tondiba Tuona 15:10

Lanwani, be yaa po ke yi moandi ki baa biigi U Tienu, ki tuni bi ŋoadikaaba yaa tugili, ke tinba leni ti yaajanba kuli n kaa den fidi ki tugi yaali.

Jesu Tondiba Tuona 15:29

‹Yin kubi yi yula ki da je i buli padijiedi, ki da ŋmani mi soama leni ti yansoadikaadi, ki go kubi yi yula leni conconbuolu kuli. Li baa yaa ŋani yi po yin yaa kubi yi yula, ki da tieni lani kuli. U Tienu n waani ti tiyaba!› »

Jesu Tondiba Tuona 21:25

Bi nilanba siiga yaaba n tuo ki daani yaa po, ti den diani bi po li tili, ki yedi ke ti jagi ki bili ke ban kubi bi yula ki da je i buli padijiedi kuli, ki da ŋmani mi soama leni ti yansoadikaadi, ki go kubi bi yula leni mi conconma buoli kuli.»

LOMA YAABA 11:25

N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

LOMA YAABA 12:16

Yin yaa pia yantiayenli leni yiyaba. Yin da bua ki yaa tie niciama. Yin da fiini yi yula, ama yin cedi li yumiinli n diedi yi. Da nua mani yi yula ke yi tie yanfuodanba.

LOMA YAABA 14:10

Lanwani, fini, be yaa po ke a ja a kpiilo buudi? Be yaa po ke a fali a kpiilo yeni? Tikuli baa sedi U Tienu bujiali kaanu kani,

LOMA YAABA 14:14

N daani ki go bani cain o Diedo Jesu nni, ke liba kuli ki joagini li yuli po. Ama o nilo yaa nua ke bonliba joagini, li joagini laa nilo yaa po.

LOMA YAABA 14:19

Lanwani, tin moandi ki yaa tiendi yaala n baa teni tin yaa mani leni ti lieba, ki go paagidi tiyaba pala U Tienu sanŋoadima nni.

LOMA YAABA 14:22

Ŋan pia yaa dandanli, kubi li a yuli po U Tienu nintuali. Li pamanli ye leni yua n ki buni ki cuo o yuli, wan saa yaala yaa po i moamoani nni.

LOMA YAABA 14:3

Lanwani, yua n tama ke o fidi ki je li bonla kuli, n da fali yua n kaa di jetianma. Yua n kaa di jetianma mo, n da jia yua n daani ke o baa fidi ki je li bonla kuli yeni buudi, kelima U Tienu tuo ki gaa omoko yaa cangu.

LOMA YAABA 15:14

N kpiiba, n bani ke yi pala gbie leni li ŋanbili, ke yi bani cain yin baa yaa tiendi yaala kuli, ki go baa fidi ki tundi yiyaba.

1 Korenti 1:5

O yaa niinni, yi den baa li seli li bonla kuli nni, lan tie mi maama leni mi bancianma kuli po.

1 Korenti 10:15

N maadi leni yi kelima yi tie yanfuodanba. Lanwani biigi mani min maadi yaa maama na.

1 Korenti 10:28

Ama o nilo yaa yedi yi: «Yaa nandi n tie, ne tie padinandi,» da je mani, kelima yaa nilo n waani yi yeni po leni li pali siedi po.

1 Korenti 14:20

N kpiiba, da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni, yin yaa tie nikpela.

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni, ke i fe n cuo yi li po.

1 Korenti 4:10

Tinba, ti tie yanluodanba kelima wani Kilisiti po. Ama yinba wani tie yanfuodanba Kilisiti nni. Ti tadi, ama yinba wani pa. Bi kpiagi yinba, ama bi yuandi tinba.

1 Korenti 4:18

Yi siiga bi nitianba fiini ti japaadi, ki tama ke n kan go cua yi kani.

1 Korenti 4:6

N kpiiba, n maadi mini leni Apolosi maama na, nani mi kpanjama yeni, ke yin togidi tin tie maama, ki da tua japaadanba. Min maadi yaala tie ke yin da kpiagi niyendo ki fali o lielo.

1 Korenti 5:2

Ama ba yeni, yi gbengidi yi yula, kaa biidi yi pala ki mua i kumoe, ki ñani yi siiga yua n tieni laa cagindi.

1 Korenti 5:6

Yin gbengidi yi yula maama yeni, laa ŋani. Yii bani ke li dabinli waamu bebe baa teni ti yonbudi kuli n pili yo?

1 Korenti 8:2

O nilo yaa tama ke o bani li bonla, o daa bandi nani lan pundi wan bandi maama.

1 Korenti 8:4

Moala n baa maadi ti padinandi maama. Ti bani ke bulo naa ye ŋanduna nni, ke tiento mo ki ye, se Tienyendu bebe.

1 Korenti 8:7

Ama bi niba kuli daa pia laa bandima. Bi nitianba n den maani i buli ŋoadima maama teni ke ba moala, bi yaa ŋmani laa nandi, bi ji nua ti ke ti tie padinandi o bulo po. Lanwani, bi pala siedi ya n tadi yeni yen joagini lienni.

Efesa 4:16

Li tie wani leni o yaa todima po yo, ke ti gbanandi kuli taani ki tuugi yenma, kelima ti gbanandi tuga kuli ya n kubi ti, ke ti pa bonŋanla po. Yeni yaa po ti kpedi kelima gbananbuolu kuli tuuni u tuonli nani lan pundi maama, ki ŋanbidi tiba mi buama nni.

Kolosi 2:18

Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

Mi Doagidima 2:14

Ama min jaligidi a yaa bonla po, tie ke a pia a kani yaaba n ŋua Balaam bangima, yua n den bangi Balaki ke o tulini Isidayeli yaaba, ke bi ŋmani ti padinandi ki go conbi.

Mi Doagidima 2:20

Ama min jaligidi a yaala po, tie ke a cedi yaa pua n yi Jesabeli, yua n tua ke o tie saawalipualo, bangi n naacenba ki tulini ba, ke bi tiendi mi conconma ki go ŋmani ti padinandi.