1 Korenti 6:3 - U TIENU MAAMA TILI 2013

³ Yii bani ke ti baa jia malekinba buudi? Lanwani, laa pia kuli tama, ke ti baa fidi ki jia ti buudi yaa jamaano n tie ne yaa maama po.

Gourmanchéma Bible

³ Yii bani ke ti baa jia ti buudi leni malekinba yoo? Lanwani laa pia kuli tama ke ti baa fidi ki jia ti buudi yaa jamaano n tie na yaa maama po.

1 Korenti 6:3 ပူးပေါင်းရင်းမြစ်များ

Pisomi 17:14

O Diedo, deli ki ñani ba ŋanduna ne niinni, Lani n tie bi biinu yaa jamaano n tie ne niinni. Guoni ba leni ŋan sieni ba yaala, Ki teni bi bila mo n je la ki guo, Ki sieni la bi yaabila po.

Danieli 7:22

hali ke o jakpelo den cua ki jia ti buudi ki puni wani tanpolijoma Tienu nigagidiŋanba i moamoani. U yogunu n den pundi, bi nigagidiŋanba den baa li bali.

Matie 25:41

Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po.

Luki 21:34

Fangi mani yi yula, ki da tuo mi jekandikaama, li dañokandikaali leni mi yema yanyagidi n fie yi yantiana, ki guli yi ke landaali cuama n da ludi yi.

Luki 8:14

Yaa bonbii n baa ti konkondi nni tie yaaba n gbadi U Tienu maama, ama bi yaa suagi liiga, bi cedi ke bi yema yanyagidi, ŋalimani leni mi yemanma yankuali dini laa maama, ke bi bonluonkaala liba kuli ki beni.

LOMA YAABA 6:16

Yii bani ke yi yaa taa yi yula ki teni yua, ki tua o yonbi, ki ŋua o maama kuli, se yin tuo ki tua o yonbi cain? Li tie tiladi, yin ŋoadi ti tuonbiadi yaadi n kpendinni mi kuuma, bi U Tienu tuoma yaama n baa cuani yi po li moamoansaali.

1 Korenti 6:15

Yii bani ke yi gbanandi tie Kilisiti gbananbuoli ka yo? Naani n baa taa Kilisiti gbananbuoli ki teni yin tua li puokpagili gbananbuoli? Kalam!

1 Korenti 6:16

Yii bani ke yua n taani leni li puokpagili, tua gbananyendi leni o ka? Li diani: Bani nibilie baa tua gbananyendi.

1 Korenti 6:19

Yii bani ke yi gbanandi tie U Tienu Fuoma Yua yua n ye yi niinni dieli, U Tienu n puni yi yua, ke yii go die yi yula?

1 Korenti 6:4

Lanwani, yi yaa pia o naa jamaano yaa maama leni yiyaba, yi yen taa Kilisiti Nitaanli n ki pia leni yaaba ŋantaado yene, ban tua yi bujiaba.

2 Timote 2:4

Yua n tie minteeli, ki bua ki mangi o toagoli yudaano pali, kan pa o yuli mi yema bonbuakaala po.

2 Timote 4:10

Demasi den ŋaa nni ki gedi Tesaloniki po, kelima o bua yaa jamaano n tie na yaa bonla. Kilesensi fii ki gedi Galati, Titi mo fii ki gedi Dalimati diema nni.

2 Pieri 2:4

U Tienu naa den cedi yaa malekinba n den tieni ti tuonbiadi, ama o den luni ba li biigili yaa kuli nni, ban kubi ba naankani hali ti buudi daali.

Jude 1:6

Yaa malekinba n naa den kubi ban pia yaa bali, ki ŋaa bi yekaanu, U Tienu kpaa ba yaa kpaadi n baa yaa ye hali yaa yogunu kuli, ki kubi ba li biigili nni, hali ti buudi dacianli n cua.