1 Korenti 5:8 - U TIENU MAAMA TILI 2013

⁸ Lanwani, tin jaani laa jaanma ke laa tie leni li dabinkpeli, mi biadima dabinli bi leni ti cagindi dabinli. Ama tin jaani ma leni yaa dupen n ki pia dabinli, lani n tie li papienli leni i moamoani.

Gourmanchéma Bible

⁸ Lanwani tin jaani laa jaanma ke laa tie leni li dabinkpeli lani tie mi conconma, ama leni yaa dupen n ki pia dabinli lani n tie li papienli leni i moamoani.

1 Korenti 5:8 ပူးပေါင်းရင်းမြစ်များ

Pisomi 32:2

Li pamanli ye leni o Diedo, N ki go coadi yua yaa tagili, Ke o yantiali mo ki pia boandiba!

Pisomi 42:4

N nunsiidi n tie n jiema u yensiinu Leni ku ñiagu kuli, Kelima bi tua nni yogunu kuli: «A Tienu ye le yo?»

Mi Ñama 12:15

Hali danalele, yi baa yaa di yaa dupen n ki pia dabinli. Hali laa dana cilima daali, dabinli kan yaa ye yi diena nni, kelima yaa nilo n dini yaa dupen n pia dabinli a daleleeda yeni siiga, bi baa ñani o Isidayeli buolu nni.

Mi Ñama 12:19

Danalele yeni, yin da pia dabinli yi diena nni ba waamu. Yaa nilo n dini yaa dupen n pia dabinli kuli, bi baa ñani o Isidayeli nitaana siiga, wan tie caano bi dotielo.

Mi Ñama 12:8

Laa ñiagu, bi baa puli ti nandi ki go ŋmani ti. Bi baa ŋmani ti leni yaa dupen n ki pia dabinli leni yaa muadi n to.

Mi Ñama 13:6

Hali damunalele, yi baa yaa di yaa dupen n ki pia dabinli, li daleleeli baa yaa tie jaanma o Diedo yeli kpiagima po.

Mi Ñama 13:7

Yi baa yaa di yaa dupen n ki pia dabinli laa daleleeda kuli. Yin da pia yi diedi nni yaa dupen n pia dabinli ba waamu. Ban da le dabinli yi diema nni kuli mo.

Esayi 25:6

Li Miali Diedo U Paaciamu Kuli Daano baa tieni Mi jaanjiema i nibuoli kuli po, Li naa juali po. Mi jaanma leni yaa jiema n mani bonŋanla, Mi jaanjemanma leni mi damanma, Mi jemanma yaama n gbie leni o lonlogo, Mi damanma yaama n baani.

Esayi 30:29

Yi baa yiini nani Mi jaanma daali ñiagu yeni. Yi pala baa yaa mani, Nani yua n cuoni ki ŋua Ki yeliga piebima yeni, Ki caa o Diedo juali po, Wani Isidayeli Tanciangu.

Levi 23:6

Laa ŋmaalo yaa piiga n damuuli, baa yaa tie yaa dupen n ki pia dabinli jaanma o Diedo kpiagidi po. Yi baa ŋmani yaa dupen n ki pia dabinli hali danalele.

Matie 16:12

Lanwani, bi ji den bandi ke laa tie ke o yedi ban fangi bi yula leni dupen yaa dabinli ka, ama ke li tie Farisieninba leni Sadusieninba bangime.

Matie 16:6

Jesu den yedi ba: «Fangi mani yi yula bonŋanla leni Farisieninba leni Sadusieninba dabinli.»

Marki 8:15

Jesu den tundi ba ki yedi: «Fangi mani yi yula bonŋanla leni Farisieninba leni Herodi dabinli.»

Luki 12:1

Lanyogunu ku niligu den taani tuda tuda hali ki ŋmaadi biyaba. Jesu den cili ki maadi leni o ŋoadikaaba ki yedi: «Fangi mani yi yula bonŋanla ki da kubi Farisieninba dabinli, ki da tie palalie danba.

Jan n diani U Tienu Laabaaliŋamo maama 1:47

Jesu n den laa Natanayeli ke o kpendi o kani, o den yedi: «Diidi, yua n kpendi na tie Isidayeli buolu yua moamoani, waa pia boandiba kuli o pali nni.»

1 Korenti 3:3

Nani li nunponli leni li koanli n da ye yi siiga yeni, laa doagidi ke yi ŋua li nisaali-yantiali, ki tiendi nani bi nisaaliba n tiendi maama ka?

1 Korenti 5:1

I kaani kuli bi niba tua ke ti cagindi ye yi siiga, yaa cagindi buolu n kaa ye ba bi nilanba siiga. Lani n tie ke yi siiga, yendo ye leni o baa pua.

1 Korenti 5:6

Yin gbengidi yi yula maama yeni, laa ŋani. Yii bani ke li dabinli waamu bebe baa teni ti yonbudi kuli n pili yo?

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 8:8

Mii bili yi po n ñoamabonbilikaali ka, n togidi nitoaba yaa yankuale, ki bua ki biigi ki le yi buama yaa tie buamoanma.

Efesa 6:24

Li ŋanbili n yaa ye leni yaaba n bua ti Diedo Jesu Kilisiti leni yaa buama n kan lebidi abada.

Mi Tiadima 16:16

Binli kuli taalimitaa, yi siiga bi jaba kuli baa cua o Diedo yi Tienu nintuali, wan gandi yaa kaanu yeni kani, yaa dupen n ki pia dabinli jaanma po, danalele taalimilele jaanma po leni a suga jaanma po. Bi kan cua o Diedo nintuali leni nikuomi.

Mi Tiadima 16:3

Mi jaanma yogunu, yi kan ŋmani yaa dupen n pia dabinli, ama yi baa yaa ŋmani yaa dupen n ki pia dabinli, hali danalele, li paboanli dupen, kelima yi baa yaa tiadi yi miana yema kuli nni, yin den sani ki ñani Ejipiti diema nni yaa daali.

Josue 24:14

Lanwani, Josue go den yedi ba: «Moala yin fangi o Diedo, ki yaa ŋua o leni payenli leni yaa yantiali n ki pia janbi. Yin ñani yi siiga yi yaajanba n den ŋua yaa tieni Efrati kpenciamu duoli po leni Ejipiti po, ki yaa ŋua Li Miali Diedo.

1 Pieri 4:2

Lani yaa po, yaa dana n sieni yi po ki tinga ne niinni, yin da go ye ki ŋua ti gbanandi bonbuakaala ka, ama yin yaa ye ki tiendi U Tienu yanbuama.