1 Korenti 4:5 - U TIENU MAAMA TILI 2013

⁵ Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

Gourmanchéma Bible

⁵ Lani yaa po yin da ja ti buudi liba kuli po hali ke li yogunu daa pundi. Yaa gu mani o Diedo cuama, wani yua n baa yendi yaala n wuo li*biigili nni, ki go doagidi yaala n den wuo a pala nni. Laa yogunu nilo kuli baa baa U Tienu kani lan pundi wan baa yaa pagidi.

1 Korenti 4:5 ပူးပေါင်းရင်းမြစ်များ

Jobi 12:22

O doagidi yaala n bi duagi li biigili nni. O taa mi kuuma jinjingu, Ki cuani mi yenma nni.

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

O Yanfuodaano 11:9

Fini o jawaalo, ŋan mangi a pali a jawaama yogunu. Ŋan yaa ye mi yemanma nni a panma dana nni. Ŋan tieni a pali n bua yaala kuli, yaala n mani a kuli, ŋan tieni la. Ama ŋan yaa bani ke U Tienu baa ti bu leni a bontienkaala kuli po.

O Yanfuodaano 12:14

U Tienu baa jia ti bontienkaala kuli buudi, ba yaala n wuo, li yaa ŋani leni li yaa bia kuli.

Jeremi 16:17

Kelima n nuni diidi ban tiendi yaala kuli. Bi tuona naa duagi n nuni po, n nua bi tagili kuli mo.

Jeremi 23:25

N gbadi yaa saawalipuaba n pua mi faama n yeli nni ki tua: «N dangi! N dangi!»

Ose Tili 8:13

Bi padi n po ti yandi, Ki ŋmani li nandi. O Diedo pali ki mani li po. N tiani bi biadima, Ki baa waani ba fala kelima bi tuonbiadi po. Bi baa guani ki gedi Ejipiti.

Malaki 3:18

Lani, yi baa le yaa paadima n ye bi niteginkaaba leni bi nibiadiba siiga. Yi baa le yaa paadima n ye yaaba n tuuni U Tienu po leni yaaba n ki tuuni o po siiga.»

Matie 10:26

Lanwani, yin da jie ba, kelima liba kuli ki ye ki wuo ki kan wuodi. Liba kuli ki ye ki duagi, ke bi kan bandi la.

Matie 24:30

Lani, o Joa Bijua sinankeene baa doagidi tanpoli, ŋanduna nibuoli kuli baa mua. Bi baa le ke o Joa Bijua ye ti tawadi nni, ki kpendi leni u paalu leni ti kpiagiciandi.

Matie 24:46

Li pamanli ye leni laa naacemo, o canbaa yaa kpeni ki sua ke o tiendi yeni.

Matie 25:21

O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.›

Matie 25:23

O canbaa den yedi o: ‹Li ŋani, n naacendugika, a teni ke n dugi a po li bonwaala po, n baa teni ŋan diedi boncianla. Cua ki taani ki mangi a pali leni nni.›

Luki 6:37

Yin da ja mani ti buudi, ke U Tienu n da ti jia yimo yaa buudi. Yin da bu ki cuo oba, ke ban da ti bu ki cuo yimo. Lani, bi kan jia ki bili yimo yaa cuonu. Yaa tiendi mani yi nisaalilieba tagili po sugili, lani bi baa tieni yimo yaa tagili po sugili.

Jan n diani U Tienu Laabaaliŋamo maama 21:22

Jesu den yedi o: «N yaa bua wan yaa ye hali min go baa cua, li ŋua ŋa bi? Fini, ŋoadi nni!»

Jan n diani U Tienu Laabaaliŋamo maama 21:23

Lani yaa po, mi maama den yadi bi kpiiba siiga, ke laa ŋoadika kan kpe. Ama Jesu naa den yedi Pieli, ke laa ŋoadika kan kpe ka, ama o den yedi: «N yaa bua wan yaa ye hali min go baa cua, li ŋua ŋa bi?»

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n ki pia lielo kani. Yin tiendi maama yeni, yi baa gaa lede ki dugi n po?

LOMA YAABA 14:4

A tie ŋme, fini yua n ja nitoa naacemo buudi? O yaa se bonŋanla leni o yaa baa, li tie o canbaa maame. Ama o baa yaa se, kelima o Diedo pia u paalu, ki baa teni wan yaa se.

LOMA YAABA 2:1

Fini, ŋan tie yua kuli, ki ja a lielo buudi, a kan baa ŋan baa tabi yaala ki gaa a yuli. Ŋan ja nitoaba buudi yeni, a cuo a yuli, kelima amoko tiendi nani bani yene.

LOMA YAABA 2:16

Lani n baa doagidi, U Tienu n baa teni Jesu Kilisiti n jia bi nisaaliba n wuoni yaala kuli buudi yaa daali. Min wangi yaa Laabaaliŋamo moko yedi ke li baa yaa tie yeni.

LOMA YAABA 2:29

Yua n tie Jufi moamoani, tie yua n tie yeni hali o pali tugu nne. Ku koanciagu moko ŋua U Tienu Fuoma n tieni yaala o nilo pali nni, ke laa ŋua li bali maama. Yua n tie Jufi moamoani naa baadi ti pagidi bi niba kani ka, ama U Tienu kani.

LOMA YAABA 2:7

Yaaba n tiendi yaala n ŋani kaa cedi, ki lingi U Tienu kani ti kpiagidi, ti jigidi leni yaa miali n ki pia kuuma, U Tienu baa pa ba yaa miali n kan gbeni.

1 Korenti 1:7

Yeni U Tienu paabu kuli siiga, ba bonyenbu ki poadi yi po, yin guu ke U Tienu baa doagidi ti Diedo Jesu Kilisiti yaa yogunu.

1 Korenti 11:16

O nilo yaa bua ki nia laa maama, wan bandi ke tinba leni U Tienu Nitaana kuli, ki pia laa bogidili.

1 Korenti 11:26

Lanwani, yaa yogunu kuli ke yi ŋmani dupen ki go ñuni ki tadiñokaaga nni na, yi wangi o Diedo kuuma, hali wan go baa cua.

1 Korenti 15:23

Ama yuakuli o kaanu, Kilisiti o kpialo, li yaa puoli, wan cua yaa yogunu, yaaba n tie o yaaba baa fii.

1 Korenti 3:13

kelima ti buudi daali baa waani la. U mu baa doagidi yuakuli n soani yaala. U baa biigi yuakuli tuonli ki waani lani n tie yaala.

1 Korenti 3:14

Yuakuli n ŋuani yaala li tanpuuli yuli po yaa fidi ki ñani u mu biigima nni kaa buodi, o baa baa i panpaani.

1 Korenti 3:8

Yua n buli leni yua n kpidi kuli de yenma, yuakuli baa baa o panpaani nani o tuonli n tie maama.

2 Korenti 10:18

Laa tie yaa nilo n tieni o yuli siedi ka, baa baa o Diedo n saa o po i moamoani. Ama o Diedo n tieni yua yaa po siedi n baa baa wan saa o po i moamoani.

2 Korenti 10:9

Mii bua lan yaa tie nani n bua ki jieni yi leni n tila yeni.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

2 Korenti 5:10

Li tie tiladi ke tikuli n sedi Kilisiti bujiali kaanu kani, ke yuakuli n gaa wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

1 Tesaloniki 5:2

Yi bani bonŋanla ke o Diedo daali baa cua nani o suudo yeni, ku ñiagu.

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Jaki 4:11

N kpiiba, yin da maadi yiyaba po yaala n bia. Yua n maadi yaala n bia o kpiilo po, bi ki jia o buudi, o maadi yaala n bia li bali maama po, ki go ja mi buudi. Ama a yaa jia li bali maama buudi, ŋaa go tie li bali maama kubido ka, ama mi bujialo.

Jaki 5:7

N kpiiba, yin yaa pia li juunli hali o Diedo n baa cua. Diidi mani, o kpakpaalo yen guu ki tinga bonluonkaala, yaala n pia mayuli hali boncianla, ki juuni li po hali wan baa baa ki takpiaga leni ki tajuodikaaga kuli.

Jaki 5:9

N kpiiba, yin da yenbidi yiyaba po, ke U Tienu n da bu ki cuo yi lipo. Wani o bujialo tuodi ki se bu buliñoabu kani.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

1 Pieri 5:4

Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.

2 Pieri 3:12

Yin yaa guu wani U Tienu daali cuama, ki yaa tiendi yaala n baa teni li daali yeni n jaligi ki cua. Landaali, tanpoli kuli baa cuo ki buodi, yaala n ye kuli baa nandi.

2 Pieri 3:4

Bi baa yaa tua yi: «Waa den niani u ñoanianu ke o baa guani ki cua te? O nan ye le? Hali ti yaajanba n kpe, ki taa ki pundi hali moala, li bonla kuli tie nani lan den tie maama, mi tagima cilima yogunu yeni.»

Jude 1:14

Li go tie bani yaa po yo, ke Enoki yua n den ŋua Adama, ki tie mi nifiileleedima yua, den pua saawali ki yedi: «Diidi ki le, o Diedo kpendi leni o nigagidiŋanba tuda tuda bam.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!

Mi Doagidima 20:12

N go den laa bi tinkpiba kuli, bi paatieba leni taliginba kuli, ke bi se li bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia bi tinkpiba buudi nani bi bontienkaala n den tie maama, ki ŋua ban den diani bi po yaala a tila yeni niinni.