1 Korenti 3:5 - U TIENU MAAMA TILI 2013

⁵ yii ŋua li nisaali-yantiali ka? Apolosi tie ŋme? Poli tie ŋme? Ti tie o Diedo naacenba bebe, yaaba n den cuani yi po o Laabaaliŋamo, ke yi daani nani o Diedo n puogi yuakuli maama.

Gourmanchéma Bible

⁵ yii ŋua li nisaali-yantiali kaa? Apolosa tie ŋme? Polo tie ŋme? Ti tie o Diedo naacenba bebe, yaaba n den cuani yipo o Laabaaliŋamo, ke yi daani nani o Diedo n puogi yua kuli maama.

1 Korenti 3:5 ပူးပေါင်းရင်းမြစ်များ

Matie 25:15

O den teni yendo wula kujapiena kobimuu, o lielo wula kujapiena kobilie, o taalo mo wula kujapiena kobiga, ki ŋoadi yuakuli n baa fidi maama. Li yaa puoli, o den fii ki gedi.

Luki 1:2

Bi den diani la ki ŋoadi hali mi cilima, yaaba n den laa laa bonla leni bi nuni, ki tua o Laabaaliŋamo wangikaaba, n togidi ti maama.

Jan n diani U Tienu Laabaaliŋamo maama 3:27

Jan den guani ki yedi ba: «O nilo kan fidi ki baa li bonla, li yàá tie U Tienu n puni o yaala yaa ka.

Jesu Tondiba Tuona 18:24

Lanyogunu Jufi yendo yua n den tie Alekisandri dogu yua ke bi yi o Apolosi den cua Efesi. O den bani mi maama, ki go bani i Diani hali bonŋanla.

Jesu Tondiba Tuona 19:1

Apolosi n den ye Korenti yaa yogunu, Poli den tagi ki poandi Asi diema yaama n pia a juana, ki ban pundi Efesi. O den laa bi ŋoadikaaba bi tianba likani,

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

1 Korenti 12:28

U Tienu kpa bili Kilisiti Nitaanli siiga bi tondiba, miliema bi saawalipuaba, mitaama bi bangikaaba. Li yaa puoli, li pia yaaba n baa mi bancianma paabu, tianba baa a yiama paagima paabu, tianba mi todima paabu, tianba mi gobidima paabu, tianba malanma maama paabu.

1 Korenti 16:12

Ti kpiilo Apolosi yaa maama po, n den tigini o ke wani leni ti kpiiba n yegi ki gedi yi kani, ama waa bua ki cua yi kani moala. O yaa ti baa u sanu, o baa cua.

1 Korenti 3:10

Nani U Tienu n puni nni yaa ŋanbili po, n den puu li tanpuuli nani o diemaa-yanfuodaano yeni, ke nitoa mo ŋuandi lipo. Die yuakuli n fangi o yuli leni wan ŋuandi lipo maama.

1 Korenti 3:22

Li yaa tie Poli, li yaa tie Apolosi, li yaa tie Sefa, li yaa tie ŋanduna, li yaa tie li miali, li yaa tie mi kuuma, li yaa tie yaa yogunu n tie ne, li yaa tie yaa yogunu n baa ti cua, likuli tie yi yaa yaala.

1 Korenti 3:7

Lanwani, yua n buu ki tie puu, yua n kpidi mo ki tie puu, kali U Tienu yua n tendi ke li kpedi, wani n tie likuli.

1 Korenti 9:17

N yaa bi wangi o Laabaaliŋamo n yama po, n bi baa gaa i panpaani, ama min wangi o Laabaaliŋamo tiladi, ke laa tie n yama po yeni, n tuuni U Tienu n puogi nni yaa tuonle.

2 Korenti 11:23

Bi tie Kilisiti naacenba ka? N maadi nani o gaado yeni, nmoko tie yene, ki cie ba. Li tuonli po, N cie ba boncianla, A kpaadidiena kuama po, N cie ba boncianla, Ti puadi po, N cie ba boncianla. I yogini boncianla Mini leni mi kuuma ki den foagi.

2 Korenti 3:3

Li doagidi bi niba kuli po, ke yi tie Kilisiti tili, tin soani yaali. Laa tili naa den diani leni tidianñima ka, ama leni U Tienu yua n fo yaa Fuoma. Lii den diani a tana yaa walimu po ka, ama ti gbanandi yaa walimu po, lani n tie yi pala nni.

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

2 Korenti 4:1

Nani U Tienu n gbadi ti ninñima, ki puogi ti li naa tuonli yeni, ti kan luo papaali.

2 Korenti 4:5

Ti mawangima nni, tii wangi ti yula ka, ama ti wangi Jesu Kilisiti o Diedo, ki yi ti yula yi naacenba, kelima wani Jesu yaa po.

2 Korenti 4:7

Laa bonmoanla, ti kubi la ti tandi tiadi nni, ke lan doagidi ke laa paacianmoanu tie U Tienu yaa paalu yo, ke laa tie ti yaa yu ka.

2 Korenti 5:18

Lani kuli ñani U Tienu kani, wani yua n teni ke ti mangi leni o, kelima Kilisiti yaa po, ki puogi ti yaa tuonli n tie, ki teni bi niba n guani ki mangi leni o.

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu ŋanbili paabu yaabu.

2 Korenti 6:4

Ama li bonla kuli nni, ti moandi ki pia yaa siedi n ŋani bi niba kani nani U Tienu yaa naacenba yeni, kelima tin pia yaa juunli o falaciamo nni po, mi luoma nni leni li paboanli nni kuli yaa po.

Efesa 3:7

U Tienu den ŋanbi n po, ki puni nni ke n tua o Laabaaliŋamo naacemo, kelima o paalu po.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 1:25

N tua Kilisiti Nitaanli yaa tuonsoanlo, kelima U Tienu den puogi nni ke min yaa wangi yi U Tienu maama kuli.

1 Timote 1:12

N tuondi ti Diedo Jesu Kilisiti yua n puni nni u paalu, ki sua ke n tie nidugika ke o kuani nni o tuonli nni,

1 Pieri 4:10

Yi siiga yuakuli n yaa todi o lieba leni wan den baa U Tienu kani yaa ŋanbili paabu buolu. Yeni, yi baa yaa tie U Tienu naacen-juoginkaaba leni wan puni yuakuli yaa paabu buolu po.