1 Korenti 2:6 - U TIENU MAAMA TILI 2013

⁶ Min bangi yaala, tie yanfuoma bangima yo Kilisiti niba yaaba n kpeligi li dandanli nni po. Laa yanfuoma naa tie o naa jamaano yaama ka, laa tie ŋanduna bali danba yaaba n ye mi bodima sanu nni yanfuoma mo ka.

Gourmanchéma Bible

⁶ Baa yeni, ti wangi yaa maama n tie mi yanfomaama yaaba kpeligi ki dagidi li dandanli po yaa siiga. Laa yanfuoma naa tie o naa jamaano yaama ka, laa tie ŋanduna bali danba yaaba n ye mi bodima sanu nni yanfuoma mo ka.

1 Korenti 2:6 ပူးပေါင်းရင်းမြစ်များ

Jobi 1:1

O joa den ye Utisi diema nni, ke bi yi o Jobi. Laa joa den tie papiendaano, ki go tiegi mo. O den fangi U Tienu, kaa tiendi yaala n bia.

Jobi 12:19

O caani bi kopadicianba ti yonbidi, Ki tudi ki lu yaa badiba n se bonŋanla.

Jobi 12:21

O teni ke bi badijaba laa i fe, Ki lodi bi gbanmandanba gbanñagiditi.

Pisomi 146:4

Bi miana fuoma yen sedi, Ban guani mi tama nni, Bi jaga kuli mo n bodi landaali.

Pisomi 33:10

O Diedo fidi i nilanbuoli n jagi yaala. O biani bi niba jaga fanma.

Pisomi 37:37

Yaa kpaagi o papiendaano, Ki yaa diidi yua n tiegi. Yua n lingi mi yanduanma, Yema baa faa ki yaa mani o po.

Esayi 40:23

Wani n jiini bi badiba ke baa tie puu, Ki teni ke ki tinga bujiaba mo tua fanma.

Matie 13:22

Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu.

Matie 19:21

Jesu den yedi o: «A yaa bua ki yaa ŋani cain, ŋan gedi ki ban kuadi ŋan pia yaala, ki pa a luoda li ligi, lane a baa yaa pia ŋalimani tanpoli po. Lani, ŋan cua ki ŋoadi nni.»

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Luki 16:8

O canbaa den pagi laa ŋalimankubilo yua n kaa tiegi, kelima o den tieni u fanu.» Jesu den pugini ki yedi: «Ŋanduna yaaba fani leni bi lieba ki cie yaaba n tie mi yenma yaaba.

1 Korenti 1:28

O gandi bi nisaaliba n nua yaala ke li tie bonfanla ki fali la ke laa tie puu, ki baa bolini ban nua yaala ke li tie bonmoanla.

1 Korenti 12:8

O Fuoma puni niyendo mi yanfuomaama. Mi Fuoyenma yeni go puni nitoa mi bancianma maama.

1 Korenti 14:20

N kpiiba, da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni, yin yaa tie nikpela.

1 Korenti 2:1

N kpiiba, min den cua yi kani yaa yogunu, ki wangi yi U Tienu moamoani yii n duagi, mii den cua leni mi mabanma, bi leni mi yanfuocianma ka.

1 Korenti 2:13

Tii maadi laa bonla nani mi nisaali-yanfuoma n bangi yaala ka, ama nani U Tienu Fuoma Yua n bangi ti yaame ki doagidi li moamoani yaaba n pia U Tienu Fuoma Yua po.

1 Korenti 2:8

Ŋanduna bali danba siiga oba kuli naa den bani laa yanfuoma. Bi yaa den bandi ma, bi kan den kpaa ti kpiagiciandi Diedo li dapoanpoanli po.

1 Korenti 3:1

N kpiiba, mii den fidi ki maadi leni yi nani yi tie U Tienu Fuoma Yua n die yaaba, ama n den maadi leni yi nani yi da ŋua li nisaali-yantiali, nani a canpanda yeni Kilisiti nni.

2 Korenti 1:12

Tin jigini ti yula yaala yaa po tie ke ti pala siedi doagidi, ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni, yimoko yaa siiga. Tii den pia laa tagiŋamu, kelima o nisaalo yanfuoma po ka, ama kelima U Tienu ŋanbili po.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani, mi buama leni mi yanduanma Tienu baa ye leni yi.

2 Korenti 4:3

Tin wangi yaa Laabaaliŋamo yaa baa ki duagi, o duagi yaaba n bodi yaa po,

2 Korenti 4:4

bani yaaba n kaa daani po. Sutaani, yua n die ŋanduna na, juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendima.

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Kolosi 1:28

Ti tuodi ki wangi nilo kuli wani yaa maame, ki go bangi laa maama leni mi yanfuoma, ki bua ki cuani nilo kuli U Tienu kani, ke o dagidi cain Kilisiti nni.

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

Hebilunba 5:14

Ama yaa jiema n juagi tie yaaba n kpedi ki dagidi yaa po yo. Bani n tie yaaba n pia yaa yantiali n maani ki biigidi, ki gagidi yaala n ŋani leni yaala n bia.

Hebilunba 6:1

Lanwani, tin cedi Kilisiti maama bangicilikaama, ki suagi ki pundi yaa bangima n tie yaaba n kpedi ki dagidi yaa po. Tin da go puu yaa tanpuupanli n tie: Ki lebidi ki ŋaa yaa tuona n baa cuani mi kuuma leni li dandanli U Tienu po,

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani.

Jaki 3:2

Tikuli tudi yaa tudima buoli n yabi. O nilo yàá tudi o maama nni ba waamu, o tie yaa nilo n ŋani ki dagidi cain, ki fidi ki paani o gbanandi kuli.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.