1 Korenti 14:3 - U TIENU MAAMA TILI 2013

³ Ama yua n wangi U Tienu n yedi o yaala maadi leni bi niba, ki todi ba ke bi suagi liiga, ki tundi ba ki paagidi bi pala, ki go baagidi ba.

Gourmanchéma Bible

³ Ama yua n wangi U Tienu n yedi o yaala maadi leni bi niba, ki todi ba ke bi suagi liiga, ki tundi ba ki go paagidi bi pala, ki baagi baa mo.

1 Korenti 14:3 ပူးပေါင်းရင်းမြစ်များ

Luki 3:18

Jan den wangi bi niba o laabaaliŋamo ki go tundi ba tunditoe boncianla.

Jesu Tondiba Tuona 13:15

Bi yudanba n den cogi li bali maama leni bi saawalipuaba maama ki gbeni, bi den soani Poli leni o lieba kani ki yedi ba: «Ti kpiiba Jufinba, yi yaa pia tundiba bi niba po, yin maadi.»

Jesu Tondiba Tuona 14:22

I kaani kuli, bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla, ki baa ki kua U Tienu diema nni.»

Jesu Tondiba Tuona 15:32

Jude leni Silasi, yaaba n tie bani bi ba saawalipuaba, den tundi bi kpiiba ki paagi bi pala, ke ban yaa se ke li pa li dandanli nni.

Jesu Tondiba Tuona 4:36

Josefi, Jesu tondiba n den cili yua yaa yeli Barnabasi, lani n tie yua n paagidi bi niba pala. O den tie Levi buolu yua ki ñani Sipiri diema nni.

Jesu Tondiba Tuona 9:31

Lani, Kilisiti Nitaanli den ye leni mi yanduanma Jude, Galile leni Samari diema nni kuli. Kilisiti Nitaanli yeni den fandi ki pugidi o Diedo sanŋoadima nni, ki go fangi o boncianla. U Tienu Fuoma Yua den paagidi li niba pala, ke bi coali pugidi.

LOMA YAABA 12:8

Yua mo n pia ki yaa paagidi o lieba pala yaa paabu, wan yaa paagidi bi pala. Yua n pia ki yaa puuni yaaba n luo bu paabu mo, wan yaa puuni ba leni ti bulicindi. Yua n baa mi gobidima yaa paabu mo, wan yaa gobidi leni li yankuali. Yua mo n baa mi ninñingbadima yaa paabu, wan yaa pia li pamanli li po.

LOMA YAABA 14:19

Lanwani, tin moandi ki yaa tiendi yaala n baa teni tin yaa mani leni ti lieba, ki go paagidi tiyaba pala U Tienu sanŋoadima nni.

LOMA YAABA 15:2

Li pundi ke ti siiga yendo yendo kuli, n yaa tiendi yaala n baa yaa mani o lielo po, ki tiendi o po yaala n baa todi o, wan suagi liiga U Tienu sanŋoadima nni.

1 Korenti 10:23

Yin tua: «Liba kuli ki go kua yeni,» ama li bonla kuli ka ŋani. Moamoani, «Liba kuli ki go kua,» die li bonla kuli ka todi.

1 Korenti 14:12

Lanwani, yinba mo, nani yin lingi U Tienu Fuoma Yua paabu leni li yankuali yeni, lan yaa tie Kilisiti Nitaanli todima po yo ke yi lingi ki baa boncianla.

1 Korenti 14:17

Moamoani, a tuondi U Tienu bonŋanla, ama laa todi a lielo wan suagi.

1 Korenti 14:26

N kpiiba, ti baa tieni lede? Yi yaa taani, one baa yaa pia bu yanbu, one mi bangima, one mi doagidima, one mi malanma, one mi malanma soaginma. Likuli n tieni ke Kilisiti Nitaanli n baa mi todima.

1 Korenti 14:31

Yikuli baa fidi ki waani U Tienu maama yendo yendo ki ŋoadi yiyaba, ke yikuli n baa mi bangima leni i tundi U Tienu sanŋoadima nni.

1 Korenti 8:1

Moala, yaala n tie ti padinandi po, moamoani, «tikuli pia mi bandima.» Ama mi bandima kpendinni ti japaadi, mi buama mo kpedi li dandanli.

2 Korenti 1:4

Wani n baagidi ti ti fala kuli nni, ke tin fidi ki yaa baagidi yaaba n ye leni fala, kelima tinba ti ba, n baadi yaa baagi U Tienu kani yaa po.

2 Korenti 2:7

ke li ji pundi moala yin tieni o po sugili ki baagi o, ke li pabiidicianli n da ti je o.

Efesa 4:29

Majoagindiba kuli n da ña yi ñoana nni. Ama yin fidi yaa yogunu kuli, yin maadi yaa maama n ŋani, yaama n baa ŋanbi ki go seligi yaaba n gbadi ma.

Efesa 6:22

N soani o yi kani lani yaa po bebe, ke yin bandi ti yema n tie maama, ke wani mo n paagi yi pala.

Kolosi 4:8

N soani o yi kani lani yaa po lige, ke yin bandi lan tie ti po maama, wani mo n paagi yi pala.

1 Tesaloniki 2:11

Yi go bani ke ti den ye yi siiga ki tie yuakuli po nani o jamado n tie o bila po maama.

1 Tesaloniki 2:3

Tin den tundi yi yaa tundi naa den ŋua leni boandi, bi leni yantiajoagindi ba, bi leni janbi mo.

1 Tesaloniki 3:2

ki soani ti kpiilo Timote yi kani. O taa ki tuuni leni U Tienu, ki tie ti tuonsoanlielo Kilisiti Laabaaliŋamo wangima nni. Ti soani o wan paagi yi pala, ki tundi yi yin yaa se bonŋanla yi dandanli nni,

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa yaa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po, ke yin go yaa tiendi yeni ki pugidi.

1 Tesaloniki 4:18

Lanwani, yin yaa baagidi mani yiyaba pala leni laa maama.

2 Tesaloniki 3:12

Ti waani ki tundi laa niba o Diedo Jesu Kilisiti yeli nni, ke ban yaa tuuni li tuonli leni mi yansoangima, ki baadi bi jiema.

1 Timote 1:4

Ŋan go yie bi po ke ban da pa bi yula i telimi togida leni bi yaajanba togida, ya n ki pia gbenma po, kelima laa bonla kuli fiindi mi niama, ki naa todi ke U Tienu tuonli suagi liiga li dandanli nni.

1 Timote 4:13

Hali min baa cua, ŋan tieni ania ki yaa cogi U Tienu maama, ki yaa tundi ba ki go bangi ba.

1 Timote 6:2

Yaa yonbi n tuuni yaa canbaanba n daani po n da fali ba, kelima bi tie bi kpiiba po. Ama ban yaa tuuni bi po bonŋanla ki cie, kelima bi tie yaaba n daani ki go tie bi buakaaba. Lani n tie ŋan baa bangi, ki go bili ban yaa tiendi yaala.

2 Timote 4:2

ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

Titi 1:9

Wan yaa kubi i moamoani maama, yaama n tie mi madugikaama nani ban den bangi o maama. Lani n tie wan fidi ki bangi mi bangiŋanma, ki yaa paagidi bi niba pala. O go baa fidi ki maadi ki guli yaaba n bua ki nia ma kuli.

Titi 2:15

Lani n tie ŋan baa maadi maama, ki tundi ba ki tigini ba, ki fu leni ba leni li bali. Ŋan da tuo oba kuli n fali a.

Titi 2:6

Ŋan go yaa tundi bi jawaaba mo ke ban yaa pia mi yama li bonla kuli nni.

Titi 2:9

Ŋan tundi i yonbi ke ban yaa fangi bi canbaanba li bonla kuli nni, ki go yaa mangidi bi pala, ki da nia leni ba,

Hebilunba 10:25

Tin da ŋaa mani ti taanma, nani bi tianba n maani ki tiendi maama. Ama tin yaa paagidi mani tiyaba pala ki pugidi, kelima yi nua ke o Diedo daali nagidi.

Hebilunba 13:22

N kpiiba, n mia yi ke yin juuni ki gaa i naa tundi, kelima min diani yi po yaa maama ki fuu.

Hebilunba 3:13

Ama hali tin da ye i Diani n yini yaa yogunu: «Dinla» yeni, tin yaa paagidi tiyaba pala, ki da tuo ti tuonbiadi boandi n juagi ti pala.

1 Pieri 5:12

Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni U Tienu Fuoma Yua yaa paalu.