1 Korenti 13:4 - U TIENU MAAMA TILI 2013

⁴ Mi buama pia li juunli ki go ŋanbidi. Mi buama ki pia nunponli. Maa kpiagidi mi yuli. Maa gbengidi mi yuli mo.

Gourmanchéma Bible

⁴ Mi buama pia li juunli ki go ŋanbidi. Mi buama ki pia nunponli. Maa kpiagidi mi yuli, Maa gbengidi mi yuli mo.

1 Korenti 13:4 ပူးပေါင်းရင်းမြစ်များ

Mi cilima 30:1

Raseli n den laa ke waa mali Jakob po, li nunponbiadili den cuo o kelima o kpelo po, ke o den yedi Jakob: «Pa nni a bila, lani yaa ka n baa kpe.»

Mi cilima 37:11

O kpeliba den pia o po li nunponbiadili, ama o baa den tiani laa bonla, ki naa sundi.

Nehemi 9:17

Bi den yie baa tuo ma, Ki sundi ŋan den tieni bi po yaa ŋanma. Bi den juagi bi tuli. Bi yiema nni, bi den gandi o yudaano, Ki baa guani ban den ye ti yonbidi nni naanpo. Ama fini, a tie yaa Tienu n puuni sugili, Ki juogidi ki gba mi ninñima, Ke a pali ki be tontoni, ki pia li ŋanbili mo. Lani yaa po, ŋaa den ŋaa ba,

Pisomi 10:5

Wan jagi yaala kuli cuoni o po yogunu kuli. A buudi kpedi ki kandi ki kan nandi o. O puudi o koanginkaaba kuli.

Mi Kpanjama 10:12

Ki nanga kpendinni a koana, Ama mi buama piindi tudima kuli.

Mi Kpanjama 13:10

Ti japaadi n tendi ke bi niba cidi a koana, Ama mi yanfuoma ye yaaba n tuo i tundi nni.

Mi Kpanjama 17:14

Yua cidi mi janjanma tie Nani yua n padi a ñinkoala yeni. Hali ke mi janjanma daa fii, Ŋan sani ki foagidi.

Mi Kpanjama 17:9

Yua n bua o ŋantaado yen sundi i tagili po, Ama yua n tiadi i tagili po yogunu kuli, Paadi danlinba leni biyaba.

Mi Kpanjama 19:22

Yaala n ŋani o nisaalo po ki cie N tie wan yaa tie papiendaano. O luodo mo cie o tuofaadaano.

Mi Kpanjama 31:20

O todi bi ninñinniba, O nuu mo tiani o luodo po.

Mi Kpanjama 31:26

O maadi leni mi yanfuoma, Yaa bangima n ŋani mo ña o ñoabu nni.

O Yanfuodaano 10:4

A yudaano pali yaa fii a po, ŋan da ña a kaanu, kelima mi yandingima paandi ti tuonbiaciandi.

Matie 27:18

O den bani ke bi cuo Jesu ki cuani o li bujiali kani, kelima li nunponbiadili po.

Jesu Tondiba Tuona 7:9

Ti yaajanba den pia li nunponbiadili bi waalo Josefi po. Bi den kuadi o, ke bi gedini o Ejipiti ti yonbidi.

LOMA YAABA 1:29

Yaala n kaa tiegi kuli gbie bi pala nni, yaala n bia, mi ŋaliŋabuama leni mi biadima. Bi pala go gbie leni li nunponli, mi kukpama, li koanli, mi niama buoli kuli, bu nunfanbiadibu leni ku tugutongu.

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli.

1 Korenti 3:3

Nani li nunponli leni li koanli n da ye yi siiga yeni, laa doagidi ke yi ŋua li nisaali-yantiali, ki tiendi nani bi nisaaliba n tiendi maama ka?

1 Korenti 4:18

Yi siiga bi nitianba fiini ti japaadi, ki tama ke n kan go cua yi kani.

1 Korenti 4:6

N kpiiba, n maadi mini leni Apolosi maama na, nani mi kpanjama yeni, ke yin togidi tin tie maama, ki da tua japaadanba. Min maadi yaala tie ke yin da kpiagi niyendo ki fali o lielo.

1 Korenti 5:2

Ama ba yeni, yi gbengidi yi yula, kaa biidi yi pala ki mua i kumoe, ki ñani yi siiga yua n tieni laa cagindi.

1 Korenti 8:1

Moala, yaala n tie ti padinandi po, moamoani, «tikuli pia mi bandima.» Ama mi bandima kpendinni ti japaadi, mi buama mo kpedi li dandanli.

2 Korenti 12:20

N jie ke n yaa cua yi kani, n kan sua ke yi tie nani min bua yin yaa tie maama, ki go jie ke yinba mo kan sua ke n tie nani yin bua min yaa tie maama. N jie ke n baa le yi kani ku mafuugu, li nunponli, li pabienli, mi paadima, ti sugidi, ku tuotabigu, ti japaadi leni yaala n tie sisindi sindi kuli.

2 Korenti 6:6

Ti moandi ki pia laa siediŋamo, kelima ti yantugupiendi po, mi bancianma po, li juunli po, li ŋanbili po, U Tienu Fuoma Yua po leni mi buamoanma po.

Galati 5:26

Tin da gbengidi ti yula, ki da ñundi tiyaba li mutuoli, ki da pia li nunponbiadili tiyaba po.

Efesa 4:2

Yin yaa ye leni yiyaba leni li yumiinli, mi dingima leni li juunli. Juuni mani leni yiyaba leni mi buama.

Efesa 4:32

Yin yaa mani leni yiyaba, ki gba yiyaba po mi ninñima, ki tiendi yiyaba po sugili nani U Tienu n den tieni yi po sugili, Kilisiti nni maama.

Filipi 1:15

Li tie moamoani ke bi siiga bi tianba wangi Kilisiti Laabaaliŋamo, kelima bi pia n po li nunponli, ki bua ki cie nni. Ama bi tianba mo li wangi o leni li yantiaŋanle.

Kolosi 1:11

Ti go miadi o ke wan pa yi u paalu li bonla kuli po, kelima o paalu yuu n pia ti kpiagidi yaa po, ke yin yaa pia li toli leni li juunli yogunu kuli.

Kolosi 2:18

Yin da tuo niloba kuli n fie yi nuama panpaani, nani wan bua maama, ba yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

1 Tesaloniki 5:14

Ti kpiiba, ti go tundi ki mia yi yin tuodi ki yaa tundi yaaba n ye sindi-sindi yema, ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.

1 Timote 6:4

o gbie leni ti japaadi ki naa bani puu. O pia i buali leni mi niama mi maama po, ke li tie o po nani u yianu yeni. Lani kuli cuani li nunponli, li koanli, ku tuotabigu leni mi yanmaalibiadima.

2 Timote 2:25

Wan go yaa tie yua n tundi yaaba n yiedi o po leni mi dingima, ki yaa sugini U Tienu n pa ba ban lebidi bi pala, ki fidi ki bandi i moamoani.

2 Timote 3:10

Ama fini, a den ŋoadi n bangima, n tagu, n jaga, n dandanli, n dingima, n buama, n juunli,

2 Timote 4:2

ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Jaki 4:5

Naani yi tama ke i Diani maadi fanma fanma yo? I yedi ke U Tienu bua wan kuani yaa Fuoma ti niinni, hali ki pia li nunponli mi po.

1 Pieri 2:1

Lani yaa po, yin ŋaa mi biadima, i boandi buoli kuli, palalie yantiali, li nunponbiadili leni ti sugidi buoli kuli.

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

1 Pieri 4:8

Yaala n cie likuli tie ke yin yaa bua yiyaba leni yi pala kuli, kelima mi buama doagini ti tuonbiadi boncianla.

2 Pieri 1:7

ki yaa pugidi U Tienu tuoma po mi buama yi kpiiba po, ki go yaa pugidi mi buama yi kpiiba po mi buamoanma.

1 Jan 4:11

N buakaaba, U Tienu yaa bua ti yeni, li pundi timo n yaa bua tiyaba.