1 Korenti 1:9 - U TIENU MAAMA TILI 2013

⁹ U Tienu tie tin fidi ki dugi yua yaa po, wani yua n den yini yi ke yin yaa pia yanyenma leni o Bijua Jesu Kilisiti ti Diedo.

Gourmanchéma Bible

⁹ U Tienu tie tin fidi ki dugi yua yaa po, wani yua n den yini yi ke yin yaa pia yanyenma leni o Bijua Jesu Kilisiti ti Diedo.

1 Korenti 1:9 ပူးပေါင်းရင်းမြစ်များ

Pisomi 100:5

Yeni de! O Diedo ŋani, O buama mo ki pia bianu, Nifiima n tuu nifiima, Li pundi ban dugi o po.

Esayi 11:5

Mi teginma n baa tua o gbanñagidigu, Ku yantugupiengu mo n tua o cañagidu.

Esayi 25:1

O Diedo! A tie n Tienu, N baa yaa jigini a ki kpiagidi a yeli, Kelima a tieni li bonlidinkaala. Ŋan taa yaa jaga hali yogunu se Bonŋanla ki kan lebidi.

Esayi 49:7

O Diedo Isidayeli Tienu Yua n Gagidi ki ŋani, Bi daafaabika yedi: «Ban fali yua, I nibuoli kuli n nua ke yua n joagini, Ki tie bi tugutondanba yonbo, Bi badiba baa le o ki fii ki sedi, Bi badijaba mo yaa laa o, Bi baa gbaani ki pugi o, Kelima o Diedo yua n tie dugika po, Leni wani Isidayeli Tienu yua n Gagidi Ki ŋani ki gandi o po.»

Mi Coadima 23:19

U Tienu ki tie nisaalo ka, ki baa pua mi faama, Waa tie nisaalo ka, ki baa lebidi o yantiali. Waa bili bonla, ki daa tieni la! Naani o baa niani ñoanianu, kaa baa kuani o cuu?

Matie 24:35

Tanpoli leni ki tinga kuli baa pendi, ama n maama kan pendi abada.

Jan n diani U Tienu Laabaaliŋamo maama 17:21

Min mia ŋa bi po yaala tie line: bikuli n yaa tie yendo nani fini Baa n ye n niinni, ke nmoko ye a niinni maama. Bani mo n yaa ye ti niinni, ke ŋanduna yaaba n daani ke fini n soani nni.

LOMA YAABA 11:17

Ama li yaa tie ke i bentiami jia ki ñani, ke fini yua n tie olivie tilianbu yaa benu tugini bi yaa kaanu ki baadi olivie tiŋuukaabu yaa jiini n puuni yaa sinma,

LOMA YAABA 8:28

Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

LOMA YAABA 8:30

Lanwani, U Tienu den yini wan den tuodi ki gandi yaaba. Wan den yini yaaba, o go den saa bi po i moamoani. Wan den saa yaaba yaa po i moamoani, o den teni ke bi baa ti kpiagidi moko.

LOMA YAABA 9:24

Lani n tie tinba, wan yini yaaba. Waa yini ti yaaba n tie Jufinba siiga bebe ka. Ama o go yini ti yaaba n kaa tie Jufinba moko siiga.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 10:13

Tulinmiba kuli kan cua yi kani, kaa tie yaama n kpendi bi nisaaliba kuli po. U Tienu tie dugika, o kan tuo yaa tulinma n cie yi fidu bianu n cua yi kani. Ama mi biigima yaa cua yi kani, o baa ŋanbi yi po u sanu, ke yin fidi ki juuni ki ña lienni.

1 Korenti 10:16

Li seli tadiñokaaga, tin tuondi U Tienu yaaga yaa po, naani kaa taani ti yenma leni Kilisiti soama? Tin cabidi yaa dupen, naani waa taani ti yenma leni Kilisiti gbanandi?

2 Korenti 1:18

U Tienu tie n siedi, ke tin den waani yaa maama naa den tie: «Mm,» leni: «Aa-a.»

Galati 1:15

Die U Tienu den ŋanbi n po ki gandi nni ki gagidi nni hali n naa tugu nni, ki go ti yini nni o tuonli po.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Efesa 3:6

Laa bondoaginkaala tie line: O Laabaaliŋamo po, bi nilanba leni Jufinba taani ki dini faayenli, ki tua gbananyendi, ki baa U Tienu ñoaniani Jesu Kilisiti nni.

Mi Tiadima 32:4

O tie Tanciangu yo, o tuonli mo ŋani cain Kelima o sani kuli tiegi. O tie ti dugidi Tienu, waa go pia tagiliba, Wani n tiegi ki go ŋani mo.

Mi Tiadima 7:9

Lani, yi baa bandi ke Li Miali Diedo yi Tienu n tie U Tienu, yaa Tienu n tiegi. O kubi o ŋantaado leni o ŋanbili yaaba n bua o, ki kubi o bali maama hali nifiima tudili.

Kolosi 1:24

N mangidi n pali moala leni min laadi yi po yaa fala. N tiendi yeni ke min gbieni n gbanandi nni yaala n poadi Kilisiti yaa fala o gbanandi nni, yaadi n tie o Nitaanli.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

2 Tesaloniki 2:14

U Tienu den yini yi lani kuli po, kelima tin den waani yi yaa Laabaaliŋamo po, ke yin baa yi biinu ti Diedo Jesu Kilisiti kpiagidi nni.

2 Tesaloniki 3:3

Ama o Diedo tie tin fidi ki dugi yua yaa po. O baa teni yin yaa se ke li pa bonŋanla, ki kubi yi ke o Biado n da paadi yi.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

2 Timote 2:13

Ti yàá tie wan baa fidi ki dugi yaaba yaa po, Wani wani tie tin fidi ki dugi yua yaa po, Kelima o kan tieni yaala n baa nia wan tie maama.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

Hebilunba 10:23

Tin yaa se ke li pa, ki tiendi siedi tin pia yaa suginma po ki da cedi, kelima yua n niani ti u ñoanianu yeni, tie dugika.

Hebilunba 11:11

Li tie li dandanli yaa po ke U Tienu den puni Sala u fidu ke o baa u buolu. Ba ke o den podi, wani yua n den tie ŋoaliga, kelima o den nua ke yua n niani u ñoanianu yeni tie dugika.

Hebilunba 2:17

Lani yaa po, li den tie tiladi wan tua nani o waamu yeni li bonla kuli nni. Yeni, o baa yaa tie yaa kopadicianba bado n gba bi po mi ninñima, ki go tie o nidugika wan tuuni bi po yaa tuonli U Tienu kani leni wan go den padi i candanbaani padili ki baa sugili bi niba tuonbiadi po maama.

Hebilunba 3:1

Lani yaa po, n kpiiba, bi nigagidiŋanba, yinba U Tienu n yini yaaba yin kpaagi mani Jesu po, wani yua n tie o Tondo leni tin tiendi siedi yaa dandanli po, yaa kopadicianba bado.

Hebilunba 3:14

Kelima ti taa leni Kilisiti, ki tie yenma leni o li yaa tie ke ti kubi tin den kpa pia yaa dugidi hali mi juodima.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

1 Jan 1:3

Tin laa ki go gbadi yaala ti wangi lane, Ki bua yimo n yaa pia yanyenma leni ti, Nani tin pia yaa yanyenma leni Baa Leni o Bijua Jesu Kilisiti maama yeni.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 4:13

Line n teni ke ti bani ke ti ye o niinni ke omo ye ti niinni: Lani n tie ke o puni ti o Fuoma.

Mi Doagidima 19:11

Lani n den laa ke tanpoli luodi ki yaa, ke o tanpieno se. Yua n jagi o, yi o Dugika leni o Moamoandaano. O bujiali tiegi, o togidi bu toabu mo leni mi teginma.