1 Korenti 1:8 - U TIENU MAAMA TILI 2013

⁸ Wani U Tienu n baa teni yin yaa se ki pa hali mi juodima yogunu, ke ban da fidi ki kuli yi leni liba kuli, ti Diedo Jesu Kilisiti cuama daali.

Gourmanchéma Bible

⁸ Wani U Tienu n baa teni yin yaa se ki pa hali mi juodima yogunu, ke bi kan fidi ki kuli yi liba kuli ti Diedo Jesu Kilisiti cuama daali.

1 Korenti 1:8 ပူးပေါင်းရင်းမြစ်များ

Pisomi 37:17

Kelima bi nibiadiba paalu baa gbeni, Ama o Diedo kubi bi niteginkaaba wani.

Pisomi 37:28

Kelima o Diedo bua mi teginma. O kan ŋaa o ŋoadikaaba, O kubi ba yogunu kuli. Ama bi nibiadiba puoliŋuani baa bodi.

Luki 17:24

Nani mi tañigima n yen ñuliti ki pelini napo tinbianu, ki poandi ki yaa caa hali une maama yeni, li baa tua yene o Joa Bijua daali yaa pundi.

Luki 17:30

Li go baa tua yene o Joa Bijua n baa doagidi o yuli yaa daali.

LOMA YAABA 14:4

A tie ŋme, fini yua n ja nitoa naacemo buudi? O yaa se bonŋanla leni o yaa baa, li tie o canbaa maame. Ama o baa yaa se, kelima o Diedo pia u paalu, ki baa teni wan yaa se.

LOMA YAABA 16:25

Tin yaa kpiagidi U Tienu, wani yua n baa fidi ki teni yin yaa se ke li pa o sanŋoadima nni, nani min wangi yaa Laabaaliŋamo, ki doagidi Jesu Kilisiti, n yedi maama. N wangi o nani U Tienu bondoaginkaala, yaala n den duagi ŋasiili nni hali yogu. Laa bondoaginkaala doagidi moala.

LOMA YAABA 8:19

Mi tagima kuli guu leni mi sugincianma U Tienu n baa doagidi o bila yaa yogunu.

1 Korenti 3:13

kelima ti buudi daali baa waani la. U mu baa doagidi yuakuli n soani yaala. U baa biigi yuakuli tuonli ki waani lani n tie yaala.

1 Korenti 5:5

Yin teni laa nilo Sutaani, ke wan bolini o gbanandi ke o naano n tindi o Diedo Jesu n baa cua yaa daali.

2 Korenti 1:13

Tii diani yi po bontoala, kali yin cogi ki gba yaala. N sugini ke yi baa yaa bandi ki pugidi, hali ki ban bandi la cain.

2 Korenti 1:14

Nani yin bandi waamu maama, tinba n tie yi jigidi, ke yimo baa faa ki tua ti yaa jigidi o Diedo Jesu cuama daali.

2 Korenti 1:21

Yua n teni ke ti taani leni yinba ki se ke li pa Kilisiti nni, tie U Tienu, wani yua n den gandi ti,

Efesa 5:27

Lani ke wan teni o Nitaanli yeni, n pundi ki sedi o kani ki pia ti kpiagidi, kaa pia joagindiba, golimiba leni yaala n gundi kuli. Ama lin gagidi ki yaa ŋani cain, kaa pia ban baa fidi ki kuli li leni yaala.

Filipi 1:10

Lani n tie yin bandi ki gagidi ki gandi yaala n ŋani ki cie. Lani n baa teni, yin yaa ŋani cain, ki naa pia ban baa fidi ki kuli yi leni yaala Kilisiti guacuama daali.

Filipi 1:6

N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali.

Kolosi 1:22

o teni ke yi mangi leni o moala kelima o Bijua n den kpe yaa kuuma o gbanandi nni yaa po. U Tienu tieni yeni ki bua ke yin sedi o nintuali ki ŋani cain, ki da pia tagiliba kuli, kaa pia ban baa kuli yi leni yaala.

Kolosi 2:7

ki yaa pia yi jiini o niinni, ki suagi liiga o sanŋoadima nni. Yin go yaa se ke li pa yi dandanli nni, nani ban den bangi yi maama. Yi pala n yaa gbie leni i tuondi o po, hali ke li kandi.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

1 Tesaloniki 5:2

Yi bani bonŋanla ke o Diedo daali baa cua nani o suudo yeni, ku ñiagu.

2 Tesaloniki 2:2

yin da tuo laa bonla n jaligi ki lengidi yi yantiana. Yin da tuo lan jieni yi leni yaa maama n naani leni saawali maama, bi maamiba, bi ke tiliba ñani ti kani, ki maadi ke o Diedo daali pundi.

2 Tesaloniki 3:3

Ama o Diedo tie tin fidi ki dugi yua yaa po. O baa teni yin yaa se ke li pa bonŋanla, ki kubi yi ke o Biado n da paadi yi.

2 Timote 1:12

Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli, hali li daali n pundi.

2 Timote 1:18

O Diedo n gbadi o po mi ninñima o guacuama daali. A bani ki cie nilo kuli wan den todi nni yaa todima kuli, min den ye Efesi dogu nni ya yogunu.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

2 Pieri 3:10

O Diedo daali baa cua ki ludi bi niba, nani o suudo yeni. Landaali, tanpoli baa bodi leni ku fuciangu. Yaala n ye lienni kuli baa cuo u mu, ki nandi. Ki tinga leni yaala n ye lienni kuli mo baa cuo, ki buodi.

2 Pieri 3:14

Lanwani, n buakaaba, nani yin guu laa bonla kuli yeni, yin moandi o yaa cua, wan sua ke yii pia joagindiba leni tagiliba kuli, ama ke yi pia mi yanduanma leni o.