1 Korenti 1:2 - U TIENU MAAMA TILI 2013

² ki diani li tili U Tienu Nitaanli, yaali n ye Korenti dogu nni po. O den gagidi ki ŋanbi yi Jesu Kilisiti nni, ke yin yaa tie o nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.

Gourmanchéma Bible

² ki diani li tili U Tienu n yini yaaba, yaaba n ye Kolinta dogu nni po. O den gagidi ki ŋanbi yi Jesu Kilisiti nni, ke yin yaa tie o *nigagidiŋanba. N fuondi yi leni yaaba n jaandi ki miadi ti Diedo Jesu Kilisiti i kaani kuli, wani yua n tie bi Diedo leni ti yaa Diedo.

1 Korenti 1:2 ပူးပေါင်းရင်းမြစ်များ

Mi cilima 12:8

O den fii ki fuadi lankani, ki gedi yaa juali n ye Beteli puoli po. O den tii o gbandiena lankani, ke Beteli ye o nintuali, ke Ayi mo ye o puoli. O go den maa li padibinbinli lankani, ki jaandi ki kpiagi Li Miali Diedo yeli.

Mi cilima 4:26

Seti moko den mali bonjaga ki yini o Enosi. Lanyogunu yo, ke bi niba den cili ki jaandi Li Miali Diedo yeli nni.

Pisomi 45:11

Cengi n bisalo, diidi ki go diadi A tubili bonŋanla. Da sundi a buolu leni a baadiegu yaaba po.

Jesu Tondiba Tuona 10:36

U Tienu den soani u tondu Isidayeli yaaba po, ki waani ba mi yanduanma Laabaaliŋamo, kelima Jesu Kilisiti yaa po. Wani n tie bi niba kuli Diedo.

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

Jesu Tondiba Tuona 18:1

Li yaa puoli, Poli den fii Ateni ki gedi Korenti.

Jesu Tondiba Tuona 22:16

Moala a go guu be? Fii ki gaa mi batisima, a tuonbiadi n ŋuudi ki ña, kelima a jaandi o Diedo yeli po.›

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

Jesu Tondiba Tuona 9:13

Ananiasi den guani ki yedi o: «N Diedo, bi niba boncianla waani nni, o joa yeni maama leni wan tieni a nigagidiŋanba yaaba n ye Jerusalemi yaa biadima kuli.

Jesu Tondiba Tuona 9:14

Bi kopadicianba yudanba puni o li bali u naa dogu nni moko, ke wan cuo ki loli yaaba n jaandi, ki taagi a yeli kuli.»

Jesu Tondiba Tuona 9:21

Li den lidini yaaba n gba o maama kuli, ke bi tua: «O naa joa ka den faligidi yaaba n ye Jerusalemi ki jaandi ki taagi Jesu yeli yeni? Waa den cua ne ki baa loli ba ki gedini Jerusalemi bi kopadicianba yudanba po ka?»

LOMA YAABA 1:7

N diani yi po, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi o po. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

LOMA YAABA 10:12

Lanwani, mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla.

LOMA YAABA 3:22

U Tienu saagi i moamoani bi niba po ke bi tiegi kelima li dandanli Jesu Kilisiti nni yaa po, bani yaaba n tuo ki daani kuli yaa po. Mi gagidima ki ye bi niba siiga,

LOMA YAABA 8:28

Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 10:32

Yin da tieni yaala n baa teni Jufinba, bi nilanba leni U Tienu Nitaanli kuli n tuudi ki baa ti tuonbiadi nni.

1 Korenti 12:27

Yikuli taani ki tie Kilisiti gbanandi, yi siiga yuakuli tie o gbananbuoli.

1 Korenti 8:6

Ama tinba yaa po wani, Tienyendu bebe n ye, yua n tie Baa. Wani n den tagi li bonla kuli, timo ye o yaa po yo. Diediyendo bebe n ye, wani n tie Jesu Kilisiti. Li bonla kuli den tagi kelima o po, timo ye kelima wani yaa po.

2 Korenti 1:1

Mini Poli, yua n tie Jesu Kilisiti tondo, kelima U Tienu yanbuama po, n taani leni ti kpiilo Timote, ki diani ki fuondi yinba U Tienu Nitaanli yaali n ye Korenti leni yaa nigagidiŋanba n ye Akayi diema nni kuli.

2 Korenti 4:5

Ti mawangima nni, tii wangi ti yula ka, ama ti wangi Jesu Kilisiti o Diedo, ki yi ti yula yi naacenba, kelima wani Jesu yaa po.

Galati 1:2

Mini leni n kpiiba, yaaba n ye ne leni nni kuli, taani ki fuondi yi yinba Kilisiti Nitaana ya n ye Galati diema nni.

Efesa 5:26

O den tieni yeni ki baa ŋuudi ki ŋanbi li leni mi ñima leni U Tienu maama.

1 Tesaloniki 1:1

Mini Poli, Silasi leni Timote n diani li tili yinba Kilisiti Nitaanli, yaali n ye Tesaloniki dogu nni, ki ye U Tienu yua n tie Baa niinni leni o Diedo Jesu Kilisiti niinni po. U Tienu ŋanbili leni o yanduanma n yaa ye lenli yi.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

2 Tesaloniki 1:1

Mini Poli, Silasi leni Timote n diani li tili Kilisiti Nitaanli yaali n ye Tesaloniki, ki ye U Tienu ti Baa leni o Diedo Jesu Kilisiti nni.

1 Timote 2:8

Lani yaa po, n bua ke bi jaba n yaa jaandi i kaani kuli, ki yugidi yaa nii n ŋani cain, ki naa pia pabienli leni niamiba kuli.

1 Timote 3:15

Ama n yàá fidi ki cua tonma, n bua ŋan bandi ŋan baa yaa tiendi maama U Tienu diegu nni. Lani n tie U Tienu yua n fo Nitaanli, lini yaali n tie i moamoani benjielu leni i dasaali.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

2 Timote 2:19

Ba yeni, U Tienu n puu yaa tanpuuli se bonŋanla, ki ñii mi naa maama po: «O Diedo bani o yaaba.» Li go yedi: «Yua n yedi ke o tie o Diedo yua kuli, n sani ki ŋaa mi biadima.»

2 Timote 2:22

Ŋan sani ki ŋaa bi nipanba bonbuaka-biadila, ki yaa lingi mi teginma, li dandanli, mi buama, mi yanduanma, ki taani leni yaaba n jaandi o Diedo leni li papienli.

Hebilunba 10:10

U Tienu yanbuama yeni po Kilisiti den puni o gbanandi, ki tua li padili ki kpe ti po yenma, ke li dagidi yogunu kuli po, ki gagidi ki ŋanbi ti.

Hebilunba 13:12

Li tie lani yaa po yo, ke Jesu moko den laa fala ki kpe u dogu niinpo, ki baa gagidi ki ŋanbi bi niba leni o soaceli.

Hebilunba 2:11

Jesu yua n gagidi ki ŋanbidi bi niba U Tienu po leni wan gagidi yaaba yeni kuli, taa Baayendo. Li tie lani yaa po ke waa jie i fe ki yini ba o waamu,

Jude 1:1

Mini Juda, yua n tie Jesu Kilisiti naacemo ki go tie Jaki waalo, n diani li tili yi po, yinba, U Tienu yua n tie Baa n yini yaaba ki bua ba, ki kubi ba Jesu Kilisiti po.

Mi Doagidima 19:16

O yeli yaali n tie ne, diani ki taabi o kpalibu leni o panli kuli po: “Bi badiba Bado Leni bi diediba Diedo.”