1 Jan 5:6 - U TIENU MAAMA TILI 2013

⁶ Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani.

Gourmanchéma Bible

⁶ Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani.

1 Jan 5:6 ပူးပေါင်းရင်းမြစ်များ

Esekieli 36:25

N baa mii yi po yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi leni yi buli kuli.

Levi 17:11

kelima gbanandi kuli miali ye mi soama nne. N puni yi ma, ke man yaa ye li padibinbinli po, ke man pa yi sugili ki faabi yi miana, kelima li tie li miali po yo, ke mi soama puuni ti tuonbiadi sugili.

Sakari 9:11

O Diedo yedi: «N ñani yi yonbi yaaba n ye Yaa kpaadidieli n tie nani li caakuonli yeni nni. N faabi ba kelima yaa ŋantaado n ye Mini leni yinba siiga, A pada soama n doagidi Ke yaa ŋantaado n ye moamoani yeni.

Matie 26:28

kelima line n tie n soama, o Ŋantaadipaano yaa soama yaama n baa wuli yaa niba n yabi po, ban baa bi tuonbiadi sugili.

Matie 3:16

Wan den batisi o yaa yogunu, Jesu den ñani mi ñima nni. Tanpoli den luodi ke Jesu laa ke U Tienu Fuoma Yua ñani lipo ki ji nani ki kpaajiega yeni ki ti jagini o po.

Marki 14:24

O den yedi ba: «Yaa bonñokaala n tie ne tie n soama, yaama n teni ke U Tienu o ŋantaado soama, yaama n baa wuli bi niba boncianla po.

Luki 22:20

Ban den dini ki gbeni, o go den taa ki tadiñokaaga ki teni ba ki yedi: «Yaa bonñokaala n tie ne tie n soama, yaama n wuli yi po, ki teni ke U Tienu kuani leni yi o Ŋantaadipaano.

Jan n diani U Tienu Laabaaliŋamo maama 14:17

Wani n tie i moamoani Fuoma. Ŋanduna yaaba kan fidi ki gaa o cangu, kelima baa nua o, baa bani o mo. Ama yinba wani, yi bani o kelima o ye leni yi, ki baa ki ye yi niinni.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 15:26

O Todika yaa cua, min baa soani yi po yua, wani i moamoani Fuoma, yua n ñani Baa kani yeni, wani n baa yaa tiendi n po siedi.

Jan n diani U Tienu Laabaaliŋamo maama 16:13

O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki yaa wangi yi yaa bonla n baa ti cua.

Jan n diani U Tienu Laabaaliŋamo maama 3:5

Jesu den guani ki yedi o: «N yedi a i moamoani, o nilo yàá mali mi ñima leni U Tienu Fuoma Yua po, o kan kua U Tienu diema nni.

Jan n diani U Tienu Laabaaliŋamo maama 4:10

Jesu den guani ki yedi o: «A yaa bi bani U Tienu paabu n tie yaala leni mini yua n yedi a: ‹Pa nni min ño› yeni n tie yua, fini n bi baa mia. Lani, o bi baa pa a yaa ñima n pia li miali.»

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñuñuunu kan go cuo o abada. Min baa pa o yaa ñima baa tua ñinbunli o niinni, ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 6:55

N gbanandi tie jemoanma, n soama mo tie bonñokamoanla.

Jesu Tondiba Tuona 8:36

Ban den ŋua bi sanu ki suagi liiga, bi den pundi mi ñima kani. Ki moagiliga den yedi: «Diidi mi ñima. Be n yie n po ke n kan gaa mi batisima?» [

LOMA YAABA 3:25

U Tienu den tuodi ki bili ke wani Jesu baa tua i candanbaani padili yaaba n pia li dandanli o soama po kuli yaa po. U Tienu tieni yeni ke wan fidi ki doagidi o teginma, kelima o den juuni leni bi niba n den tieni yaa tuonbiadi u yogunkpelu kaa cuo ba ti po.

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Kolosi 1:4

kelima tin gbadi ke yi pia yaa dandanli Jesu Kilisiti po leni yaa buama bi nigagidiŋanba kuli po.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

Titi 3:5

o den faabi ti. Laa tie kelima ti den tieni yaa tuona n tiegi ka, ama li tie o ninñingbadima yaa po. O den faabi ti kelima mi maaliema yaa batisima leni U Tienu Fuoma Yua n guani ki pandi ti maama po.

Hebilunba 10:29

Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li ŋanbili paabu Fuoma, naani o yaa cuonu ka baa yaa bia ki cie?

Hebilunba 12:24

Yi cua Jesu kani, wani yua n tie o ŋantaadipaano yaa candanbaalo leni o soama kani, yaama n mii ki maadi yaa maama n ŋani ki cie Abeli yaa soama n den maadi yaala.

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Hebilunba 9:7

Bi kopadicianba bado bebe n yen kua binli kuli yenma li gbandieli kaanlielu nni. O kan kua lienni, se o kubi mi soama yaama n baa padi wani o ba po leni ku niligu n tieni yaa tagili, kaa bani kuli po.

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.

1 Pieri 3:21

Mi ñima yeni den tie yaa batisima n faabi yi moala yaa nannanli. Laa tie ke mi batisima ŋuudi ki ñani ti gbanandi joagindi ka. Ama mi baa teni o nilo n pa o yuli U Tienu leni yaa pali n ki pia joagindi. Yi baa ki faabi kelima Jesu Kilisiti fiima bi tinkpiba siiga yaa po.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,

Mi Doagidima 5:9

Bi den yiini bu yanpanbu ki tua: «A pundi ki gaa li tili ki tabidi mi maalima, Kelima bi den kodi a, Ke a daa bi niba U Tienu po leni a soama. Lani, a faabi ba i buoli leni i mabuoli kuli nni, Ki go faabi ba i nibuoli leni mi diema kuli siiga.

Mi Doagidima 7:14

N den guani ki yedi o: «Canbaa, fini n bani!» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga soama nni, ki pendi a.