1 Jan 4:9 - U TIENU MAAMA TILI 2013

⁹ U Tienu n den doagidi o buama ti po maama n tie line: U Tienu den soani o Bijayenyenga ŋanduna nni ke tin yaa pia li miali kelima o po.

Gourmanchéma Bible

⁹ U Tienu n den doagidi o buama tipo maama n tie line: U Tienu den soani o *Bijayenyenga ŋanduna nni ke tin yaa pia li miali kelima o yaa po.

1 Jan 4:9 ပူးပေါင်းရင်းမြစ်များ

Mi cilima 22:2

U Tienu den yedi: «Ŋan taa a bijua, a bonjayenyenga, ŋan bua yua yeni, Isaaka, ki gedi hali Moriya diema nni, ki padi o li padijuukaali min baa waani a yaa juali po.»

Pisomi 2:7

N baa kpaani o Diedo ñoamabonli. O yedi nni: «A tie n bijua. Mini n mali a dinla.

Marki 12:6

O koadaano bibuadiga bebe n ji den sieni. O den juodi ki soani o bi kani ki yedi: ‹Bi baa fangi n bijua wani.›

Luki 4:18

O Diedo Fuoma ye n niinni Kelima o gandi nni Ke min yaa wangi a luoda o Laabaaliŋamo. O soani nni ke min kpaani i yonbi faabima, Ke min pa a juama mi nunnualima. O soani nni ke min yaa faabidi ban miabi yaaba,

Jan n diani U Tienu Laabaaliŋamo maama 10:10

O suudo kpendi ki baa su, ki kpa, ki go bolini i pe. Mini n cua, ke ban baa li miali, ki yaa pia li ke li dua bi po.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla, hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 3:18

Bi kan jia yua n daani o buudi, ama yua n kaa daani o, U Tienu tuodi ki jia o buudi, kelima waa tuo ki daani U Tienu Bonjayenyenga.

Jan n diani U Tienu Laabaaliŋamo maama 5:23

Lani, ke bi niba kuli n yaa jigindi Bijua nani ban jigindi Baa maama yeni. Yua n kaa jigindi Bijua kuli, waa jigindi Baa yua n den soani o.

Jan n diani U Tienu Laabaaliŋamo maama 6:29

Jesu den guani ki yedi ba: «U Tienu n bua yin soani yaa tuonli tie ke yin daani wan soani yua yeni.»

Jan n diani U Tienu Laabaaliŋamo maama 6:51

Mini n tie yaa jiema n fo, ki ñani tanpoli po ki jiidi ki puuni li miali. Yua n di laa jiema kuli, baa yaa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po, ke ban baa li miali.»

Jan n diani U Tienu Laabaaliŋamo maama 6:57

Baa yua n soani nni fo, nmoko fo, kelima wani yaa po. Li go tie yeni leni yua n di nni, omo baa yaa fo, kelima n yaa po.

Jan n diani U Tienu Laabaaliŋamo maama 8:29

Wani yua n soani nni yeni ye leni nni, waa ŋaa nni nbebe, kelima yogunu kuli n tiendi yaala n mani o po.»

Jan n diani U Tienu Laabaaliŋamo maama 8:42

Jesu den yedi ba: «U Tienu n yaa bi tie yi Baa, yi bi baa yaa bua nni, kelima n ñani U Tienu kani ki cua. Mii cua n yuceli po ka, wani n soani nni.

Jan n diani U Tienu Laabaaliŋamo maama 9:3

Jesu den guani ki yedi ba: «Laa tie ke wani o ba bi o danba n tieni ti tuonbiadi, ama li tie ke U Tienu tuonli n doagidi o niinne.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

Hebilunba 1:5

U laa yogunu yo ke U Tienu maadi leni o malekinba siiga ba yendo ki yedi o: «A tie n Bijua, Mini n mali a dinla?» U laa yogunu yo ke o maadi malekoba maama ki yedi: «N baa yaa tie a Baa, Amo baa yaa tie n bijua?»

1 Jan 3:16

Line n teni ke ti bani mi buama n tie yaala: Lani n tie ke Jesu Kilisiti den puni o miali ti yaa po. Li pundi timo n yaa puuni ti miana ti kpiiba po.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

1 Jan 4:16

Tinba, ti bani U Tienu n pia ti po yaa buama, ki dugi mi po. U Tienu tie buama. Yua n ye mi buama nni ye U Tienu niinni, U Tienu mo ye o niinni.

1 Jan 5:11

Laa siedi n tie ne: U Tienu puni ti yaa miali n kan gbeni, laa miali ye o Bijua niinni.

1 Jan 5:13

N diani yi po lani ke yinba yaaba n daani U Tienu Bijua yeli nni n yaa bani ke yi pia yaa miali n kan gbeni.