1 Jan 3:5 - U TIENU MAAMA TILI 2013

⁵ Yi bani ke wani o Diedo n den doagidi ki baa ñani ti yaa tuonbiadi. Tuonbiadiba kuli ki ye o niinni baa waamu.

Gourmanchéma Bible

⁵ Yi bani ke wani o Diedo n den doagidi ki baa ñani tin yaa tuonbiadi. Tuonbiadiba kuli ki ye o niinni baa waamu.

1 Jan 3:5 ပူးပေါင်းရင်းမြစ်များ

Ose Tili 14:2

Isidayeli yaaba, lebidi mani ki guani O Diedo yi Tienu kani, Kelima yi tuonbiadi n teni ke yi tuudi ki baa.

Matie 1:21

O baa maa bonjaga, ŋan yini o Jesu, kelima wani n baa faabi o buolu yaaba leni bi tuonbiadi.»

Luki 23:41

Tinba yaa cuonu wani tiegi, kelima ti gaa ti tuona panpaani yo. Ama one wani naa tieni bonbiadiliba kuli.»

Luki 23:47

Minteela kobiga yudaano n den laa yaala n tieni, o den pagi U Tienu ki yedi: «Moamoani, o joa na den li tiege!»

Jan n diani U Tienu Laabaaliŋamo maama 1:29

Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jan n diani U Tienu Laabaaliŋamo maama 1:31

Mii den bani wan tie yua, ama n cua ki batisi bi niba leni mi ñima, ke wan doagidi Isidayeli yaaba po.»

Jan n diani U Tienu Laabaaliŋamo maama 14:30

N kan go maadi leni yi boncianla, kelima ŋanduna bado kpendi. Waa pia n po baliba kuli.

Jan n diani U Tienu Laabaaliŋamo maama 8:46

Yi siiga nni, ŋme n baa fidi ki doagidi ke n pia ti tuonbiadi? N yaa maadi i moamoani, be yaa po ke yii dugi n maama po?

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

1 Timote 1:15

Yaa maama n tie ne tie mi madugikaama, ki pundi bi niba n gaa ma cain, ke Jesu Kilisiti den cua ŋanduna nni ki baa tindi ti tuonbiadi danba. Bi siiga nni mini n cie.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 1:3

Wani Bijua yeni n yadi U Tienu kpiagidi yenma. U Tienu n tie maama, o Bijua moko tie yene cain. O go kubi mi tagima kuli ke mi ye kelima o maama paalu po. Wan den soani ti tuonbiadi ŋuudiñanma tuonli ki dudi, o den kali hali tanpolijoma, U Tienu yua n pia ti kpiagidi jienu po.

Hebilunba 4:15

Tii pia yaa kopadicianba bado n kan fidi ki gbadi ti ninñima ti tadingu nni ka. Bi den tulini o li bonla kuli nni nani tinba, ama waa den tieni tuonbiadi.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Hebilunba 9:26

Li yaa den tie yeni, Kilisiti den baa cili ŋanduna tagima yogunu, ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

Hebilunba 9:28

li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den guu o tindima po.

1 Pieri 1:18

Yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki daa ki faabi yi leni yaa yema n tie fanma fanma, yin den baa yaama yi yaajanba kani.

1 Pieri 1:20

U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

1 Pieri 2:22

Wani, waa den tieni tuonbiadiba kuli, Baa den gbadi boandiba kuli o ñoabu nni.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

1 Jan 1:2

Li miali yeni den doagidi ke ti laa li. Ti tiendi li po siedi, Ki wangi yi yaa miali n kan gbeni, Yaali n den ye Baa kani, Wan den doagidi ti po yaali yeni.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 2:1

N bibuadimu, n diani yi po yaala n tie ne ke yin da tieni tuonbiadi. Yi siiga nilo yaa tieni tuonbiadi, ti pia o candanbaalo ti Baa U Tienu kani. Lani n tie Jesu Kilisiti o niteginka.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

1 Jan 2:29

Yi yaa bani ke o tiegi, yin bandi ke yua n tiendi yaala n tiegi kuli, tie wan mali yua.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,