1 Jan 3:3 - U TIENU MAAMA TILI 2013

³ Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.

Gourmanchéma Bible

³ Yua n pia laa suginma kuli baa ŋanbidi o yuli, nani wani o Diedo n ŋani maama yeni.

1 Jan 3:3 ပူးပေါင်းရင်းမြစ်များ

2 Samueli 22:27

A ŋani cain yua n ŋani po. Bi nibiadiba po, a baa waani ba ke a fani ki cie ba.

Matie 5:48

Yin gagidi ki yaa ŋani nani yi Baa yua n ye tanpoli n gagidi ki ŋani maama.

Luki 6:36

Yin yaa tiendi mani mi ŋanma nani yi Baa moko n tiendi mi ŋanma maama yeni.

Jan n diani U Tienu Laabaaliŋamo maama 17:19

N gagidi ki ŋanbi n yuli a po, ke bani moko n gagidi ki ŋanbi a po i moamoani nni.

Jesu Tondiba Tuona 15:9

Waa den tieni gagidimiba tinba leni bani siiga. Ban den daani yeni po, o den ŋuudi ki ŋanbi bimoko yaa pala.

LOMA YAABA 15:12

Esayi moko yedi: «Li benkpeli baa pudi Isayi jiinu nni, Yua n baa fii ki diedi i nibuoli kuli. I nibuoli baa bili bi suginma o yaa kani.»

2 Korenti 7:1

N buakaaba, kelima tin pia laa ñoaniani yeni, tin yaa ŋanbidi mani ti yula. Tin yaa ñandi ti gbanandi leni ti yantiali kuli joagindi. Tin yaa tiendi ania ki suagi liiga leni mi gagidiŋanma, hali ki pundi li bianu U Tienu fangili nni.

Kolosi 1:5

Yi baa la kelima U Tienu n bili yi po yaa suginma tanpoli po, i moamoani maama, yaama n tie o Laabaaliŋamo n den kpa cua yi kani, ki bangi yi yaama.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

Titi 3:7

Lani, tinba yaaba n baa li moamoansaali kelima o ŋanbili po, baa baa yaa miali n kan gbeni, tin sugini ki baa yaali.

Hebilunba 12:14

Yin lingi mani mi yanduanma leni bi niba kuli, ki go lingi mi gagidiŋanma, kelima yua n naa pia mani, kan le o Diedo.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Jaki 4:8

Yin nagini U Tienu kani, omo baa nagini yi kani. Yinba ti tuonbiadi danba, nidi mani yi nii. Ŋanbi mani yi pala, yinba yamilie danba.

1 Pieri 1:15

Ama, nani yua n yini yi n gagidi ki ŋani maama, yimo n gagidi ki yaa ŋani yeni, yi tagi kuli nni.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.

2 Pieri 1:4

Li tie lani yaa po yo, ke o puni ti wan den niani yaa ñoaniani, yii n tie bonmoanla, ki taani ti leni U Tienu, ki faabi ti leni ti gbanandi bonbuakaala n cuani yaa joagindi ŋanduna nni.

2 Pieri 3:14

Lanwani, n buakaaba, nani yin guu laa bonla kuli yeni, yin moandi o yaa cua, wan sua ke yii pia joagindiba leni tagiliba kuli, ama ke yi pia mi yanduanma leni o.

1 Jan 2:6

Li ŋani ke yua n yedi ke o ye o niinni n yaa cuoni nani wani o Diedo n den cuoni maama.

1 Jan 4:17

Diidi mi buama n ŋanbi cain ti niinni maama, ke ti baa fidi ki yaa pia li papaali li bujiali daali. Nani wani Kilisiti n tie maama, timoko tie yeni ŋanduna nni.