1 Jan 3:22 - U TIENU MAAMA TILI 2013

²² Tin miadi yaala kuli, ti baadi la o kani kelima ti kubi o bali maama, ki go tiendi yaala n mani o po.

Gourmanchéma Bible

²² Tin miadi yaala kuli, ti baadi la o kani kelima ti kubi o bali maama, ki go tiendi yaala n mani opo.

1 Jan 3:22 ပူးပေါင်းရင်းမြစ်များ

Jobi 22:26

Yeni, a baa teni U Paaciamu Daano N tua ŋan bua yua hali boncianla, A baa yaadi a nunga ki nuali wani U Tienu.

Pisomi 10:17

O Diedo gba bi yumiindanba miabu, Ki cengi ba bonŋanla, ki paagi bi pala,

Pisomi 34:4

Taani mani leni nni tin pagi o Diedo. Tin taani ki kpiagi o yeli.

Pisomi 50:15

Yi yaa tieni yeni, Yin mia nni mi todima yi paboanli daali, N baa faabi yi, yimo n kpiagi nni.

Mi Kpanjama 15:29

O Diedo foagidi leni bi nibiadiba, Ama o cengi bi niteginkaaba jaandi.

Mi Kpanjama 28:9

Nilo yaa biini o tuba kaa bua Ki cengi li bali maama, Ba o jaandi mo tie caginde.

Esayi 1:15

Yi yaa yugidi yi nii ki baa jaandi, Se min buli n nunga, Ba yi yaa figili yi jaandi n kan cengi yi, Kelima yi nii kuli tie soame.

Jeremi 33:3

«Yini nni, n baa tuo, n baa waani a yaa bonla n yabi, yaa bonla n wuo ke ŋaa bani la.

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Matie 21:22

Yin baa jaandi ki mia yaala kuli leni li dandanli, yi baa baa la.»

Marki 11:24

Li tie lani yaa po ke n yedi yi, yin jaandi ki mia yaala kuli, yin daani ke yi baa la. Lani, yi baa baa la.

Jan n diani U Tienu Laabaaliŋamo maama 14:13

Yin baa mia yaala kuli n yeli nni, n baa tieni la, ke Baa n baa ti kpiagidi kelima Bijua po.

Jan n diani U Tienu Laabaaliŋamo maama 15:10

Yi yaa kubi n bali maama, yi baa ye n buama nni, nani nmo n kubi n Baa yaa bali maama ki ye o buama nni maama.

Jan n diani U Tienu Laabaaliŋamo maama 15:7

Yi yaa tuugi leni nni ki ye n niinni, ke n maama mo ye yi niinni, mia mani yin bua yaala kuli, yi baa baa la.

Jan n diani U Tienu Laabaaliŋamo maama 6:29

Jesu den guani ki yedi ba: «U Tienu n bua yin soani yaa tuonli tie ke yin daani wan soani yua yeni.»

Jan n diani U Tienu Laabaaliŋamo maama 8:29

Wani yua n soani nni yeni ye leni nni, waa ŋaa nni nbebe, kelima yogunu kuli n tiendi yaala n mani o po.»

Jan n diani U Tienu Laabaaliŋamo maama 9:31

Ti bani ke U Tienu ki cengi ti tuonbiadi danba maama, ama o cengi yua n jigini o ki tiendi o yanbuama.

Jesu Tondiba Tuona 17:30

U Tienu ki faami bi niba n den ye yaa yanpiima nni. Ama moala o wangi bi niba kuli leni i kaani kuli, ke ban lebidi bi pala.

Jesu Tondiba Tuona 20:21

N den wangi Jufinba leni Girekinba kuli, ke ban lebidi bi pala U Tienu po, ki tuo ki daani ti Diedo Jesu.

Filipi 4:18

N diani yeni ki waani yi ke yin den soani n po yaala kuli pundi n kani, ke n pia ke li kandi. Min den gaa yin den soani Epafroditi ke wan teni nni yaala yeni, mii go luo liba kuli. Yi paabu yeni tie nani yaa tulale yaa nuulu n mani leni U Tienu n gaa yaa padili ke li mani o po yeni.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.

Jaki 4:3

Yi miadi o mo ki naa baadi, kelima yi mia ki tudi, ki bua ki yaa biandi la yi gbanandi bonbuakaala po.

Jaki 5:16

Lanwani, yin tuo yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandi pia u paalu hali boncianla.

1 Jan 2:3

Yaala n baa doagidi ke ti bani U Tienu n tie line: Ti yaa kubi o bali maama.

1 Jan 5:14

Tin pia yaa dugidi U Tienu kani tie tine: Tin mia yaala ke li tie o yanbuama bonla kuli, o cengi ti.