1 Jan 2:8 - U TIENU MAAMA TILI 2013

⁸ Ba yeni, n diani yi po li bali mapanma, yaama n doagidi Kilisiti niinni leni yi yaa niinni, kelima li biigili pendi, ke mi yenmoanma mo yendi.

Gourmanchéma Bible

⁸ Baa yeni, n diani yipo balimapanma, yaama n doagidi Kilisiti niinni leni yi yaa niinni, kelima li *biigili pendi, mi yenmoanma yendi no.

1 Jan 2:8 ပူးပေါင်းရင်းမြစ်များ

Pisomi 27:1

Davidi yanbu. O Diedo n tie n yenma leni n faabima. N go baa yaa jie ŋme yo? O Diedo n tie n miali wuonkaanu. N go baa yaa digibi ŋme yaa kane? O Diedo n tie yua n kubi n miali, Mii bangi liba kuli po.

Pisomi 36:9

Bi dini a diegu nni jemanma ki guo. A teni ke bi ñu a ŋanbili kpenu kani.

Pisomi 84:11

N yaa tieni dayenli a luoli nni, Li cie n po min tieni dana tudili poto. N yaa ye U Tienu diegu buliñoabu kani, Li mani n po ki cie, Min yaa ye bi nibiadiba gbandiena nni.

Esayi 9:2

A teni ke u buolu yabidi, Ke a puni u niba li pamancianli. Bi pala mangi a nintuali nani U jetaagu pamanli, bi nani bi niba N yen mangidi bi pala Ti fagidi boagidima yogunu maama yeni.

Matie 4:16

Yinba yaaba n den ye li biigili nni, Yi laa mi yencianma. Laa yenma yendi bani, Yaaba n den kaa mi kuuma biigili diema nni.»

Luki 1:79

Ki baa yendi yaaba n ye li biigili nni Leni mi kuuma jinjingu nni po, Ki gobidi ti ke tin kua ki yaa cuoni Mi yanduanma sanu nni.»

Jan n diani U Tienu Laabaaliŋamo maama 1:9

Mi den tie mi yenmoanma, yaama n cua ŋanduna nni, ki yendi nisaalo kuli po.

Jan n diani U Tienu Laabaaliŋamo maama 12:35

Jesu den guani ki yedi ba: «Mi yenma da baa yaa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li biigili n da ludi yi. Yua n cuoni li biigili nni naa bani wan caa naani.

Jan n diani U Tienu Laabaaliŋamo maama 12:46

Mini n tie mi yenma, ki cua ŋanduna nni ke yua n daani nni kuli n da go ye li biigili nni.

Jan n diani U Tienu Laabaaliŋamo maama 13:34

N bili yi po yaa mabilikapanma n tie ne: Yin yaa bua mani yiyaba. Nani min bua yi maama, Yimoko n bua yiyaba yeni.

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.»

Jesu Tondiba Tuona 17:30

U Tienu ki faami bi niba n den ye yaa yanpiima nni. Ama moala o wangi bi niba kuli leni i kaani kuli, ke ban lebidi bi pala.

Jesu Tondiba Tuona 26:18

N soani a bi kani ke ŋan ŋubidi bi nuni, ki ñani ba li biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani, ban baa bi tuonbiadi sugili, ki baa bi u kaanu U Tienu gagidi ki ŋanbi yaaba kelima li dandanli po siiga.›

LOMA YAABA 13:12

Ku ñiagu bii ke li waagi, mi faama nagini. Lanwani, tin landi li biigili yaa tuonbiada, ki nan la mi yenma tuonŋama, nani ti toatiadi yeni.

2 Korenti 8:9

Yi bani ti Diedo Jesu Kilisiti ŋanbili, wani yua n den tie piado den tua luodo kelima yi yaa po, ke o luoma yeni teni ke yimo n baa lan kandi.

Efesa 5:8

Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

2 Timote 1:10

Ti Candaano Jesu Kilisiti cuama ŋanduna nni doagidi ti po laa ŋanbili moala. Wani Jesu den paadi mi kuuma paalu, ki doagidi ti po li miali, yaali n baa ye, hali yaa yogunu kuli, kelima o Laabaaliŋamo wangima po.

1 Pieri 1:21

Li tie wani Kilisiti yaa po ke yi daani U Tienu wani yua n den fiini o bi tinkpiba siiga, ki puni o ti kpiagidi, ke yin yaa pia li dandanli leni ti dugidi wani U Tienu po.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili ti po yaa bali maama n yedi maama.

1 Jan 4:11

N buakaaba, U Tienu yaa bua ti yeni, li pundi timo n yaa bua tiyaba.

1 Jan 4:21

Tin baa Kilisiti kani yaa bali maama tie mine: Li pundi ke yua n bua U Tienu n yaa bua o kpiilo moko.