1 Jan 2:29 - U TIENU MAAMA TILI 2013

²⁹ Yi yaa bani ke o tiegi, yin bandi ke yua n tiendi yaala n tiegi kuli, tie wan mali yua.

Gourmanchéma Bible

²⁹ Yi yaa bani ke o tiegi, yin bandi mani ke yua n tiendi yaala n tiegi kuli tie wan mali yua.

1 Jan 2:29 ပူးပေါင်းရင်းမြစ်များ

Jeremi 13:23

Naani Etiopi yua baa fidi ki lebidi o boanu? Naani ki gbiiga wani baa fidi Ki lebidi ki gbanu lega? Naani yinba wani n maani ki tieni Yaala n gundi yeni, Yi go baa fidi ki tieni yaala n ŋani?

Sakari 9:9

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Jan n diani U Tienu Laabaaliŋamo maama 1:13

Ban tua U Tienu bila yeni, laa tie nani nisaalo n mali maama ka. Laa ŋoadi ti gbanandi yanbuama. Laa didi ŋoadi nisaalo yanbuama mo. Ama li tie U Tienu yaa yanbuama po yo.

Jan n diani U Tienu Laabaaliŋamo maama 7:18

Yua n maadi o yuli po, lingi o yuli po ti kpiagidi. Ama yua n lingi yua n soani o yaa kpiagidi, tie moamoandaano, waa pia boandiba.

Jesu Tondiba Tuona 10:35

Yua n fangi o ki tiendi yaala n tiegi, wan tie yaa nibuolu kuli, baa fidi ki cua o kani.

Jesu Tondiba Tuona 22:14

O go den yedi nni: ‹Ti yaajanba Tienu tuodi ki gandi a, ki bili ke ŋan bandi o yanbuama, ki le o Niteginka, ki gbadi o ñoabu nni maama.

Jesu Tondiba Tuona 3:14

Ama yi den yie o, wani o Nigagidiŋamo leni o Niteginka. Yi den mia ban faabi yi po o nikpalo.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Hebilunba 7:2

Abalahama n den baa yaa fagidi kuli, o den ñani li diim, ki puni Melikisedeki. A yaa soagini o yeli, Melikisedeki yeni tie mi “teginma bado,” ki go tie Salem bado, lani n bundi “mi yanduanma bado.”

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Jaki 1:18

O yanbuama po, o den mali ti, kelima i moamoani maama po, ke tin yaa tie o tagima kuli siiga li bonkpiala.

1 Pieri 1:23

Lani yaa po, yi pia li miapanli. Yii pia li ke li ŋua leni yaa bonbuoli n baa bedi ka. Ama li tie leni yaali n kan bede. Lani n tie U Tienu maama yaama n fo, ki baa yaa ye hali yaa yogunu kuli po.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.

1 Pieri 3:18

Kilisiti moko den laa fala yenma ti tuonbiadi po, ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den guani ki baa li miali, kelima mi Fuoma po.

2 Pieri 1:4

Li tie lani yaa po yo, ke o puni ti wan den niani yaa ñoaniani, yii n tie bonmoanla, ki taani ti leni U Tienu, ki faabi ti leni ti gbanandi bonbuakaala n cuani yaa joagindi ŋanduna nni.

1 Jan 2:1

N bibuadimu, n diani yi po yaala n tie ne ke yin da tieni tuonbiadi. Yi siiga nilo yaa tieni tuonbiadi, ti pia o candanbaalo ti Baa U Tienu kani. Lani n tie Jesu Kilisiti o niteginka.

1 Jan 3:5

Yi bani ke wani o Diedo n den doagidi ki baa ñani ti yaa tuonbiadi. Tuonbiadiba kuli ki ye o niinni baa waamu.

1 Jan 3:7

N bibuadimu, yin da tuo mani ke oba kuli n boandi yi. Yua n tiendi yaala n tiegi, o tiegi nani Kilisiti n tiegi maama.

1 Jan 4:7

N buakaaba, tin yaa bua mani tiyaba, kelima mi buama ña U Tienu kane. Yua n pia mi buama kuli, U Tienu mali o, omo bani U Tienu.

1 Jan 5:1

Yua n daani ke Jesu tie U Tienu n Gandi Yua, tie U Tienu biga. Yua n bua ki biga baa kuli baa bua o biga mo.

1 Jan 5:18

Ti bani ke U Tienu n mali yua, waa tiendi tuonbiadi, kelima U Tienu Bijua kubi o ke o Biado kan sii o.

1 Jan 5:4

kelima U Tienu n mali yua kuli paani ŋanduna. Yaala n teni ke ti paani ŋanduna tie ti dandanli.

3 Jan 1:11

N buado, ŋan da togidi yaala n bia, ama ŋan yaa togidi yaala n ŋani. Yua n tiendi yaala n ŋani tie U Tienu yua, ama yua n tiendi yaala n bia daa laa U Tienu.