1 Jan 2:16 - U TIENU MAAMA TILI 2013

¹⁶ Yaala n ye ŋanduna nni kuli, ti gbanandi bonbuakaala, i nuni bonbuakaala leni mi yema japaadi, laa ñani Baa U Tienu kani, die li ñani ŋanduna nne.

Gourmanchéma Bible

¹⁶ Kelima yaala n ye ŋanduna nni kuli, ti gbanandi bonbuakaala leni o nuni bonbuakaala leni mi yema japaadi, laa ñani U Tienu kani, li ñani ŋanduna nni.

1 Jan 2:16 ပူးပေါင်းရင်းမြစ်များ

Mi cilima 3:6

O pua den laa ke bu tibu bonluonkaala mani mi jiema po, ki go ŋani bu nunbu po, ki tie yaa bonbuadila n baa teni o nilo n baa mi yanfuoma. O den cie bu bonluonkaala ki ŋmani, ki puni o calo yua n den ye o kani, ke omo ŋmani.

Mi cilima 6:2

U Tienu bijaba den laa ke bi niba bisiaba ŋani hali bonŋanla, lane bi den taa bi siiga ban bua yaaba ke bi tua bi puoba.

Jobi 31:1

N den kuani n nuni yaa kuali n tie Ke n kan diidi jafaano n yama n kua o niinni.

Pisomi 73:6

Bi la ti japaadi nani i laani yeni, Ki goli ku tugumoangu nani bu kpalibu yeni.

Pisomi 78:18

Bi den biigi U Tienu bi pala nni, Ki miadi ban bua yaa jiema.

Pisomi 78:30

Ama hali ke bi daa den dini ki guo cain, Ke mi jiema da den baa ki ye bi ñoana nni,

Mi Kpanjama 27:20

Nani bi tinkpiba diema n ki pia ke mi guo maama, O nisaalo moko yaa nuni ki pia ke yi guo yene.

Mi Kpanjama 6:25

Ŋan da tuo a yama n kua o niinni kelima o ŋamu po, Ki da tuo o nunnualima n tulini a.

Danieli 4:30

Lanyogunu liga, li bonla yeni den tieni Nebukanesa. Bi den deli ki ñani o bi nisaaliba siiga. O den ŋmani ti muadi nani i ne yeni. Ku mangu den soangidi o gbanandi. O yudi den yabidi nani jiebani kobidi yeni, o niñadi mo den noadi ki foagidi nani ti bonyugiditi taajenbiñadi yeni.

Mi Coadima 11:34

Bi den yini laa kaanu Kibiroti-Hataafa, kelima bi den piini lankane, ki nanmiadiga n den cuo yaaba, ke bi kpe.

Mi Coadima 11:4

U nankodu den cuo bi nilanba, yaaba n den ye Isidayeli yaaba siiga. Ba Isidayeli yaaba moko den mua ki tua: «Ŋme n baa pa ti ti nandi tin ŋmani?

Matie 4:8

Sutaani go den gedini o yaa juali n kpedi hali boncianla yuli po, ki waani o ŋanduna diema kuli leni mi kpiagidi,

Matie 5:28

Ama mini n yedi yi, ke yua n noanli pua ke o yama kua o niinni, o conbi leni o o pali nni no yo.

Luki 4:5

Sutaani den gedini o yaa kaanu n kpedi ki teni ke o laa ŋanduna diema kuli yenma,

LOMA YAABA 13:14

Yin la o Diedo Jesu Kilisiti yaa tagu nani li liadili yeni, ki da cedi yi gbanandi bonbuakaala n diedi yi.

1 Korenti 10:6

Lani kuli tie ti po li bonbangikaala, ki bua ki tuodi ki bangi ti, ke tin da bua yaala n bia nani bani yeni.

Galati 5:17

O nisaalo gbanandi n bua yaala nia leni U Tienu Fuoma n bua yaala. U Tienu Fuoma n bua yaala mo nia leni ti gbanandi n bua yaala. Li bonliedila yeni koani leni biyaba, ki teni ke yii fidi ki tiendi yin bua yaala.

Galati 5:24

Yaaba n tie Kilisiti yaaba joani ti gbanandi, ti yantiali leni ti bonbuakaala li dapoanpoanli po.

Efesa 2:3

Tikuli den kpa tie yeni, ki tiendi nani laa niba n tiendi maama moala, ki ŋua ti gbanandi bonbuakaala, ki tiendi ti gbanandi leni ti yantiana n bua yaala kuli. Bi den mali ti ke ti tie U Tienu pali n be yaaba yaa po, nani bi nisaaliba kuli yeni.

Titi 2:12

Li bangi ti ke tin paadi leni U Tienu yiema leni ŋanduna bonbuakaala, ki yaa ye ŋanduna na niinni leni li yantiaŋanli, ki tiendi yaala n tiegi, ki fangi U Tienu,

Titi 3:3

Timoko den kpa tie yanluodanba, niyiekaaba leni bi niyaadikaaba. Ti gbanandi bonbuaka-biadila buoli kuli den die ti. Ti den pia ku tugutongu leni li nunponbiadili, ki tie lan pundi ban yaa nani yaaba, ki go nani ti lieba mo.

Jaki 3:15

Laa yanfuoma buolu naa tie yaama n ñani tanpoli. Ama mi tie ŋanduna yaama, ki go tie ti gbanandi yaama, ki ñani mu cicibiadimu kani.

Jaki 4:16

Ama moala yi maadi mi japaamaama, ki kpiagidi yi yula. Yi yaa kpiagidi yi yula yeni, li tie yaa bonla n bia.

Josue 7:21

N den laa ti fagidi siiga kpaligolikaŋanbu, ke bu ñani Mesopotami diema po leni ŋanjilifa kujapiena kobilie leni wula bonmunmunli, ke li kpiagu pundi kilo boagidima. N den laa lani kuli, ke n yama kua lienni, ke n taa. Likuli wuo tinga nni n gbandieli siiga, ke ŋanjilifa ye li tiipo.»

1 Pieri 1:14

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

2 Pieri 2:10

O buudi cuonu n baa cuo yaaba ki cie, tie yaaba n ŋua bi gbanandi bonbuakaala yaala n joagini, ki go fali o Diedo bali. Laa bangi-faadanba pia ti japaadi leni yaa tuli n pa, kaa jie, ki sugidi ba malekinba yaaba n pia ti kpiagidi.

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.