1 Jan 1:7 - U TIENU MAAMA TILI 2013

⁷ Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

Gourmanchéma Bible

⁷ Ama ti yaa ye mi yenma nni nani U Tienu wani oba n ye mi yenma nni maama, Ti pia yanyenma leni tiyaba, O Bijua Jesu yaa soama mo baa ŋuudi ti pala Ki ñandi tipo ti *tuonbiadi kuli cain.

1 Jan 1:7 ပူးပေါင်းရင်းမြစ်များ

Pisomi 104:2

A la mi yenma, Nani li liadicianli yeni, Ki dadi ki tandi ti tawadi, Nani li gbandieli caba yeni.

Pisomi 51:2

Li maadi o saawalipualo Natan n den gedi ki laa Davidi, wan den conbi leni Bati-Seba yaa yogunu.

Pisomi 56:13

U Tienu, n baa kuani Min den niani a yaa ñoaniani, Ki padi a po i tuondi pada,

Pisomi 89:15

Mi teginma leni yaa bujiali n tiegi Tie a bali kalikaanu tanpuuli. Li ŋanbili leni i moamoani ye a nintuali.

Pisomi 97:11

Mi yenma yendi bi niteginkaaba, Li pamanli mo ye yaaba Yaa pala n pieni po.

Esayi 2:5

Yinba Jakob buolu, Fii mani tin cuoni O Diedo yenma nni.

Esayi 33:24

Mi diema nni oba kuli ki tua: «Mii pa.» Yaa nibuoli n ye Jerusalemi baa sugili bi tagili po.

Esayi 6:7

O den sii n ñoabu leni li mukuanli yeni ki yedi: «Line sii a ñoacuuna. A tagili ñani, a baa a tuonbiadi sugili.»

Amosi 3:3

Naani nibilie baa taani ki fii sanu Kaa kpa juogi ki dagini li po?

Sakari 13:1

Li Miali Diedo U Paaciamu Kuli Daano yedi: «Landaali, li ñinbunli baa pudi, ki yaa ŋuudi ki ñandi Davidi puoliŋuani leni Jerusalemi yaaba Tuonbiadi leni bi joagindi.

Matie 6:12

Tieni sugili ti tudima po Nani timoko n tieni sugili yaaba n tudi ti po maama yeni.

Jan n diani U Tienu Laabaaliŋamo maama 1:29

Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jan n diani U Tienu Laabaaliŋamo maama 12:35

Jesu den guani ki yedi ba: «Mi yenma da baa yaa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li biigili n da ludi yi. Yua n cuoni li biigili nni naa bani wan caa naani.

Jan n diani U Tienu Laabaaliŋamo maama 5:4

kelima yogunuba maleki yen jiidi ku ñinbuogu yeni niinni ki langidi mi ñima. O yaa langidi ma, yua n kpa kua lienni yen paagi, ba wan pia yaa yianu kuli.]

LOMA YAABA 13:12

Ku ñiagu bii ke li waagi, mi faama nagini. Lanwani, tin landi li biigili yaa tuonbiada, ki nan la mi yenma tuonŋama, nani ti toatiadi yeni.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi, ki gagidi yi, ki teni ke yi tua niteginkaaba o Diedo Jesu Kilisiti yeli leni ti Tienu Fuoma po.

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Efesa 5:8

Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Hebilunba 9:14

Lanwani li yaa tie yeni, laa pia kuli tama, ke Kilisiti yaa soama n baa ŋanbi ba ki cie. U Tienu Fuoma yaama n ye yaa yogunu kuli paalu po, wani Kilisiti den puni o yuli U Tienu, nani yaa padili n ki pia joagindi yeni. O soama yeni baa ŋuudi ki ŋanbi ti pala siedi leni yaa tuona n baa cuani mi kuuma, ke tin yaa tuuni U Tienu yua n ye ki fo po.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

1 Pieri 1:19

Ama, o den daa ki faabi yi leni Kilisiti yaa soama, yaama n pia mayuli hali boncianla, ki tie nani ban padi yaa pebiga n ki pia poadoba kuli yaama maama yeni.

1 Jan 1:3

Tin laa ki go gbadi yaala ti wangi lane, Ki bua yimo n yaa pia yanyenma leni ti, Nani tin pia yaa yanyenma leni Baa Leni o Bijua Jesu Kilisiti maama yeni.

1 Jan 1:5

Tin den gbadi yaa maama o kani, Ki wangi yi tie, Ke U Tienu tie mi yenma. Li biigili naa ye o niinni ba waamu.

1 Jan 5:6

Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani.

1 Jan 5:8

Lani n tie U Tienu Fuoma Yua, mi ñima leni mi soama, ke bani bonbitaa yeni kuli siedo tie yenma.

2 Jan 1:4

N pali den mangi boncianla min den laa ke a bila siiga bi tianba cuoni i moamoani nni, nani Baa U Tienu n bili ti po maama.

3 Jan 1:4

Yaala n mangi n pali ki cie tie, min yaa gba ke n bila ŋua i moamoani.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,

Mi Doagidima 12:11

Bi den paadi o, Kelima ki Pebiga soawulima Leni bi siedi maama po. Laa siedinba den luni bi miana, Hali kaa jie ba mi kuuma.

Mi Doagidima 7:14

N den guani ki yedi o: «Canbaa, fini n bani!» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga soama nni, ki pendi a.