Taytùs 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ ə sɔ̀zâ ghâsènì, ə̀ va chi kûmə̀ èghɛ echûŋ zhize kə ghâsènì tè nəyn, pîza ə̀ tè nyì ke kûmə̀ èkosê esəyn ə Vəynze. È və tə shù tsɨsè pisə ghasènìse, ə nə̀ nə tɔynə̂ ə Sezuʼ se Ŋwaʼase, ə ghâsènì kyi ndam efeze kə ghɨ ghɛ ə piə pə̂yn ke ndô ghənə.

Taytùs 3:5 ပူးပေါင်းရင်းမြစ်များ

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Tom èchùŋ kè kə Lûk tè nyaʼ 1:50

Sə̂yn e ko vəynze nyi naʼapi sê ghâŋfèkè fɛ fe fânə̀ vəyn.

Tom èchùŋ kè kə Lûk tè nyaʼ 1:54

È və Pɨ̀əytè tsɨ̀nè əvəynze sê wùfɨaʼa vəyn, mə za nyi əghɨə Isìlâyghè, è və kyi səyn koe sê ghənə

Tom èchùŋ kè kə Lûk tè nyaʼ 1:72

Fe nə̀yn əghɛ nə ghɨ̂yn se tyə̀yn esəyn ko ə vəynze sê pɨ̀a ə ghâsènì ghə shiə, se fɨnə tyə̀yn nə fe pa kwâʼtə̀ kə ndò tsɨ̂nè ə vəynze sê ghənə.

Tom èchùŋ kè kə Lûk tè nyaʼ 1:78

Ə̀ tə nə̂ esəyn eko èghaʼâ ə Fèzhə̀ fə ghasènìfe kə zhwi nə zɨnə mə payn ə ghâsènì ətu.

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

Ŋwàʼlè ə̀ Pɔ̂l sê ghɨə Lûmghè 11:6

Chitê ə vəyn nə zɨ̂yn nyi kûmə̀ àfùʼ ə Vəynke, ə̀ vachi kûmə̀ èghɛ zhîze kə ghənə nyi mə ə nə̀yn. Ə ze fə nyi nə Zhə̀fè chitə̂ ə̀ghɨ kûmə̀ eghɛ zhîze kə ghənə nyi mə ə nə̀yn, mə fùʼ ə Vəynke ə fɨyn kiva zhɨynze.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 3:28

Ghâsènì ə fe nə wùə nyi chichi ə Zhə̀fè ə shi kûmə̀ èpomə̂ ə vəyn sê Njisə̀s ə̀ vachi kûmə̀ è ndə̂m ə vəyn zə alàŋzè.

Ŋwàʼlè ə̀ Pɔ̂l sê ghɨə Lûmghè 4:5

Pîza ə wùə tàʼa fɨ̂aʼ ə ndə̀mə̀ ə və təm nə, kə zhi pomə Zhə̀fè, nə zɛ mə tə nə̂ ə zhi ə nyi chichi ə Zhə̀fè əshi, ə Zhə̀ fɛ ə fe nə̂ nə ghɨ pighe ə nyi chichi ə və shi, È nə̀ njiə vəyn kə wùə vɛ ə è nyi chichi ə Zhə̀fè əshi kûmə̀ nə è və pomə̂ vəyn.

Ŋwàʼlè ə̀ Pɔ̂l sê ghɨə Lûmghè 9:11

Ə̀ tè nyi tsɔ̀fə kə ə piə ghɔyn nə ghɨ̂yn, mə ghənə paʼà nyìəm kê se nə chùŋ kɨ̀sə pi, Zhə̀fè ə tsà se Lèpekà nə, “Vayn èndumə tə nə̂ ə è və nyi wùə àfɨ̀aʼ sê vayn etətə̂” Zhə̀fè tè nəyn zɨnə mə kə ze ə nyi nə ə̀ nəyn zhi nə vayn emɔ̀ʼ ə nyi ə və mɔ̀ʼɔ etyə̀. Ə̀ tè nyi ə vəyn ekɔ̀ŋ se chitê ə wùə vɛ ə è kɔ̀ŋə̀, ə̀ vachi kûmə̀ ə̀ghɛ ghɛ ə wùə təyn tè nəyn.

Ŋwàʼlè ə̀ Pɔ̂l sê ghɨə Lûmghè 9:16

Nyiəmə, fɨa kɛ ə Zhə̀fè chitê kiva ghɛ zhîze se nə̀yn. Ghɛ ghe əkɨ̂m vachi kè kə ghâsènì ghɨ msɔ̀ŋghe kyiŋə, nə̂. Pîza ə̀ nyi ke kûmə̀ èkosê esəyn ə Fezhə̀zè ə È nə̀ nâʼà pi èghɛ èkè zɛ ə è kɔ̀ŋə̀ se nə̀yn.

Ŋwàʼlè ə̀ Pɔ̂l sê ghɨə Lûmghè 9:30

Ghâsènì kàʼa pi nə ghe zo ə? Ghɨ ghɛ ə ghənə tè vachi ə̀ghɨ Njûsghè pɨle nyi chichi ə Zhə̀fè əshi tɔynə̂ epomə̂ zɛ ə ghənə kyi sê Klâys pi kə ghənə tè so va ndyànə̀m sə nyi chichi ə Zhə̀fè əshi.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ɛfesùs 2:4

Pîza, Zhə̀fè nyîə kosə̂ èsəyn sê ghɨ nâʼà sə ŋaŋ fɨnə kɔ̂ŋɔ̀ ə̀ghɨ nâʼà sə ŋaŋ.

Ɛfesùs 4:23

Ə tè zaʼle nə ghàyn maʼa ndamə emɨ nə zɛ ə pɨlə kwâʼtə̀ èndom efeve.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

Kòlosè 3:10

Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Taytùs 3:4

Pîza, shîŋə̀ kɛ ə Zhə̀fè mə ə̀ za nyi Sɔ̀zà tè tyəyn tɔʼnè ə vəynze, è kɔ̂ŋ ə Vəynze,

Ipilù 10:22

Kə ze nyi nyî, ə ghâsènì pəyn paʼsê ə Zhə̀fè ə ngwùŋ è təm ə səmɔʼghe, èkyî epomə̂ ə səmɔʼze, è təmghe mə ə shù zosê ə tə̂ ghɛ ghɛ ə ghe saʼa ghâsènì, è wîyn mə ghasènîəm mə ə shù ə mmò mə̂ èzomè.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Ipilù 6:6

mə ə ghənə kɛse mâʼà kyî epomə̂ ə ghənə̂zè, ə ze ə pɔynə̂ va se nə̀yn nə ghənə kɛse kwiynê, kûmə̀ nə ghənə fɨyn payntê Va Fèzhə̀ awâmnè ə ghomsə̂ vəyn ə ghɨghə shi sə fe.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Pità 2:10

Ghàyn tè va əghɨə Fezhə̀ sə shi, pîza sè nyi zôyn. Zhə̀fè tè kosə̂ va sə̂yn sê ghàyn pîza sè kosə̂ zôyn nâʼà sə ŋaŋ.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.