Taytùs 3:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Taytùs 3:3 ပူးပေါင်းရင်းမြစ်များ

Matyò 21:29

Vâyn endômə̀ ə̀təyn ə pə̀ynsə̀ nə, ‘M kɔ̂ŋə̀ va se səʼ. Pîza ə nə̀ kɛsə̂ kwiynə̂ èkwâʼtè ə vəynze ə səʼə.

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Njɔyn 8:34

Njisə̀s ə pìə sê ghənə nə, “M tsâ se ghàyn səmɔʼ nə, nâʼàpî ndè vɛ è nə̀ pi nyi àkɔ̂s sê pi.

Ŋwàʼlè ə̀ Pɔ̂l sê ghɨə Lûmghè 11:30

Sê ghàyn ghɨ ghɛ ə̀ vachi ə̀ghɨ ə Njûsghè, ghàyn tè zɨə tsɛ̂ va Zhə̀fè, pîza zôyn e nyi mə Fə kose səyn sê ghàyn kûmə̀ nə ghɨ Njûsə̀ ə tè tə se zɨ sê Vəyn.

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Kòlosè 1:21

Shîŋə̀kè tè nyì ndô kɛ ə ghàyn tè nyì ndu sə aghaf sê Zhə̀fè, nyi sèpàyn sə Vəynse kûmə̀ əghɛ əpi ghɛ ə ghàyn tè nə̂, è ndom vɛ ə ghàyn tè kwàʼtə ətəyn.

Kòlosè 3:7

Ə̀ nyi ə kyì əghɛ ghɨ̂nə̀ ə ghàyn tè nə̂ sə shi, shîŋə̀ kɛ ə ghàyn tè nyi etyə̂ ə̀ghɛ ghɛ ə njà sewìynse tè kyiŋə.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

2 Timotì 3:6

Ghɨ mɔ̀ʼɔ nyi ə ghənə əfètəyn, kwîə njiə əghɨghe ə sendɛ, lesə̂ ə̀zəyn ghɛ ə ghe nyi mə nə̀yn tsɛ̂sè ghɛ piə sè kyi va təmghe se tɛ faŋ eghɛ, sè nyi mə ə̀ kwaʼtè tə ghənə̂tè chisə̂ kə pi.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Taytùs 2:12

Ə̀ nyi afùʼ ə Fèzhə̀ nə kɨ̂yn ə ke zaʼlə ghâsènì nə ə maʼa ndam zɛ ə ndamə mə ə ke va Zhə̀fè chûmtə̀ èfɨa ə mbive. Ghâsènì kyi se ndam famə ə mbi èpi nyi ètɔf eghaʼâzè, nyi chichi, nə̂ èghɛ zɛ ə Zhə̀fè kyiŋə

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 13:14

Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.

Etyə̂yn ə paynsêzè 18:2

È zə pɨa pìə nâʼà è kyə̀ e tɛ nə, “È zə pfɨ̀! Papilɔ̀yn èghaʼâ ə pfɨ̀. È zə pə̀yn sə elùʼ vɛ ə pamə̂ tə satàyntè ndamə ətəyn, eluʼ vɛ zuʼse pise ndə̂ ətəyn è kɨsè luʼ vɛ nɨ̂ŋ mɛ ə pânə̀ mə̂ynə̀m ndə̀ ətəyn, è kɨsè luʼ vɛ ə nyam sɛ ə se zo va e pânə̀ səynse ndə̂ ətəyn.