Taytùs 3:2 - Ŋwàʼlè ə̀ Fèzhə̀ Mkâyn Mə̂ Fèm

² Tsàyn sê ghənə nə kə ghənə ə wâmnə̀ ə̀ghɛ ə pighe kûmə̀ wùə vîvè, pîza nə ghənə ə ndamə è ndam ə pɔ̂ynèzè, nyi èsoynve sê ghɨghe, tsosə̂ sèngɨŋ sə ghənə̂sè əchi sê nâʼàpî ndè.

Taytùs 3:2 ပူးပေါင်းရင်းမြစ်များ

Matyò 11:29

Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.

Ətefɨ̂aʼ 23:5

Pɔ̂l ə pə̀ynsə̀ sê ghənə nə, “Ghɔnyì ghɨmə, m fe keva nə è nyi wùə èkɔʼsə nə̂ èshyə̀ èngaŋtə kwəynə. Ŋwàʼlè ə̀ Fèzhə̀ pi nə, ‹Kə ò tə wâmnè èghɛ epize kûmə̀ wùə vɛ ə è chisə ghɨghe.›”

1 Kɔlìŋ 6:10

è ghɨ chɔŋə, è ghɨ shiə fɨə, è ghɛ ə ghe mɨə lɨ̀m, m̀ ko, è ghɨ ghɛ ə ghe pofsə zə ə ghɨ̀ghè, è ghɨə chɔŋəghe tə kyi va luʼve elùʼ efɔ̀yn ə Fezhə̀vè.

1 Kɔlìŋ 9:19

M nyi sə mì ə ngɨŋ, vachi àkɔs ə wûə vîkè, pîza mə nə̀yn sə nyi àkɔs se nâʼàpî ndè kè endom se nə̀yn nə zə pɔynə̂ kə ghɨə pomə̂ nâʼà setsɨ̀ setsɨ̀.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 6:1

Ghɔnyì ghɨmə, ə wùə sê ghàyn nə̀yn nâʼàpî pi èkè, ghàyn ghəmɔ̀ʼɔ ghɛ ə Zuʼse ŋwaʼase chisə ghàyn, ghàyn mɔmsə̀ se tyə̀yn endom sê vəyn è pɔ̂ynè. Ə ghàyn piə tyə̀ynə̀, ghàyn e tɔ̂ʼnə̀ è ngɨŋ saynse ə̀ va za, ə nâʼà ghàyn kàʼa pɔŋ pfɨ̀.

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Ɛfesùs 4:31

Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

Filìpây 4:5

Ghàyn chwite ə ghàyn endam nə ghàyn kyi va fɨmsêzè ghâyn ghə̀ ghɨ ghəkɨ̂m. Pɛ̂pɛ ə tɨmsê se pə̀yn.

1 Tèsàlonikà 2:7

Ghàs tè kàʼa ə ghàs ə pfɨfə nâʼà èfɨa sê ghàyn kə ghɨətom ə Klâysghè pîza ghàs ə pɔsə̂ kɨmə̂ kə ndò. Pîza ghàs tè nyîə pɔynə̂ shîŋə̀ kɛ ə ghàs tè nyì ghâsènì kə nyìə vayn ə è tɔ̀ʼnə̀ è ghɔ vəynghe.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.

1 Pità 3:10

E nyi nyî kûmə̀ nə ə nyàʼ ə Ŋwàʼlè ə̀ Fèzhə̀ nə: “Ə wùə kɔ̂ŋɔ̀ sə̂ ndamə àchûŋ, fe kə ghɛ əchûŋghè kyànə̀ sê vəyn shîŋə̀ tekɨ̂m, kə è və wâmnə̀ wâmnè epize, kə è və wâmnə̀ wâmnè akaŋze.

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.

1 Pità 4:4

Zôyn, ghɨ ghɛ ə ghe ke va Zhə̀fè nyi è kaynze nə ghàyn fɨyn va əmɔʼ sə ndamə kə senyam sə mbvɨyn sɛ ə vayn kàʼa chise. Zɨnə mə ə nə̀yn, ghənə ghɛ ə kɛse sè sôylə̀ ghàyn.

2 Pità 2:10

paynpayn ghɛ ə ghe nə̂ ghɛ enyələ ghɛ ə njà sə ewìyn sə ghənə̂sè kyiŋə, chîynə̀ èghɛ zɛ ə Zhə̀fè pì nə ghənə nəyn. Tyə̀ynsè sə akaŋ nə sɨ̂nə̀ fànə̀ va fɨake, zɨtə̂ va ghɛ zhîze sê wùə, ghənə fo pî va kɔʼsêzè sê ghɛ ə ghe nyi ekwùtwəyn kyi èpomsê, ghənə pɨlə sôylə̀ ndò ghənə.

Njût 1:10

Pîza ghɨ ghɨynə sòylə̀ naʼapi èghɛ èkè zɛ ə ə ghənə zɨə ke va. Ghənə nə̂ nâʼàpî èghɛ èkè zɛ ə wiyn ə ghənə̂vè kyiŋə kə se nyam sə mbvɨynse, ə̀ nyi ə̀ghɛ nə ghɨnə mə ə ghe pə̂ è pofsêzè sê ghənə.

Njût 1:8

Kèpi èghɨ famə endom, ghɨ nə ghɨ̂ynə tè nə pi sê wiyn ə ghənə̂vè, tə àtyaʼ ə Pɛ̂pɛke ə ghənə ə tu, sôylə̀ sètsì sɛ ə se nyi ekwùtwəyn pîə nə ghənə ə fe laynəlaynte, te tsâ nə ghənə ə nə̂ ə̀ghɛ nə ghɨ̂yn.