Taytùs 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Taytùs 3:14 ပူးပေါင်းရင်းမြစ်များ

Matyò 21:19

È və fe fèkâʼ fə sefîkfè endom, ə njiə ndûə esâs ə̀təyn pîza ə tàʼa fe atam kyîke fu etûə fèkàʼ ə̀ tsɛ̂ kəva sɛ̂tè ə se pì sê kâʼ fə ətəynfe nə, “Ò tə fɨnə muə va twɔmve!” Kè sə ashìŋə̀, kâʼ fə sèfîkfə təynfe ə zomə.

Matyò 7:19

Ə tə kwə̂ maʼà nâʼà pì fèkâʼ fè kè fɛ ə fe muə va twɔm echûŋvè ə maʼa ewùs.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:8

Ə nə̀ fe èpomsê ə Pɨ̀a vɨ̂mzè ə ghàyn mu twɔmve setsɨ̀. Ə zɨnə mə nəyn ə ghà ə nyi sèchùmtè èpàm sɨmse.

Ətefɨ̂aʼ 18:3

kûmə̀ nə Pɔ̂l tè tàsə kəpi èfɨa è pfɨ̀ sə nyâmsè kə ghənə, e və ke faŋ fɨaʼà yî ghə̀ ghənə.

Ətefɨ̂aʼ 20:35

Mə ə tyə̀yn sê ghàyn ə tendom tèkɨ̂m nə ə ghâsènì fɨ̀aʼà sə ŋaŋ famə endom, ə ghâsènì ə kyi sə tsâmtə̀ ə̀ghɨ ghɛ ə kyi va, ə kɛsə̂ kwaʼtə̀ ə̀ghɛ ghɛ ə Njisə̀s è ngɨŋ ə Vəyn tè pi nə, ‹Saŋnêzè nyi sê wùə vɛ ə è fo, tsɛ̂ kə e nyi sê vɛ ə è fiə kə ndô.›”

Ŋwàʼlè ə̀ Pɔ̂l sê ghɨə Lûmghè 12:13

Nâʼàpî ndè e chyâtə̀ èfɨa vəynve, fo ə̀ghɨ pomə ghɛ ə ghe kiva. Nâʼàpî ndè e fiə ə̀ghɨ motə pə ə və ndɛ.

Ŋwàʼlè ə̀ Pɔ̂l sê ghɨə Lûmghè 15:28

Shîŋə̀ kɛ m mɨsè fɨ̂aʼ nə kɨ̂ynə̀ ə Njèlusalɛ̀m, ə fo èkɛ ə ghənə̂ vɛ ə tsɨte sê ghənə, m ndo fɨ se ndù endaʼ ə Sɨ̀pênzè. Ə̀ nyì fumə ashìŋə̀ ə m tə tyəmə se fe ghàyn.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 4:16

Ə̀ tè nyi pî kə m nyi ə Tèsàlonikà, ghàyn etiynsə̂ ètsâmtè sê mi ə teshìŋə̀ teshìŋə̀.

Filìpây 4:17

M pîə va nyi kûmə̀ nə m kyiŋə nə ghàyn tom mâʼte vîve sê mi. M pɨlə kyiŋə se fe kə Zhə̀fè pɔsə ghàyn fɨnə pɔsə̂ kwəynsə̂.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

2 Tèsàlonikà 3:8

Ghàs tè paʼà zhi fɨa ə wûəkè ə faŋə se ndàʼ. Ghàs tè pɨlə fɨ̀aʼa nâʼà è tyaʼa, èchwì è kɨsè ètuʼve endom se kyî ekɛ kə ndɔ̀ʼɔ ghàs ə pfɨfə èkɛ se ghàyn se zhɔyn efɨa vɛ ə ghàs kyiŋə.

Taytùs 2:8

Ò zaʼlə kə èghɛ zɛ ə ze nyi səmɔʼ kə wùə ə vayn kàʼa è wamne pi kûmə̀ zəynze. Ə ò nə̀yn nyî, ə pàyn sɛse ghomə kûmə̀ nə ghənə nə fɨyn kyi va ghɛe se pi kûmə̀ ghâsènì.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.