Taytùs 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ò pɨ̂əytə̀ ə̀ghɨ poməghe nə ghənə tsose ngɨŋsə ghənə̂sè əchi ə zɨə sê ngômnàyn, è ghɨə ngômnàynghe. Ghənə kyi va sə̂ tɛ è tuve, nyi è pɨaʼtêzè shîŋə̀ tekɨ̂m se nə̀yn eghɛ zɛ ə ze nyi achûŋ.

Taytùs 3:1 ပူးပေါင်းရင်းမြစ်များ

Matyò 22:21

Ghənə ə pə̀ynsə̀ nə, “Ə̀ nyi zə Kaysàzè.” Njisə̀s ə ke pì sê ghənə nə, “Ghàyn fo sê Kaysà fɨa vɛ ə kyi Kaysà, ə fo sê Zhə̀fè fɨa vɛ ə kyi Fezhə̀.”

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

1 Timotì 2:2

Ghàyn e lotə̂ paynsə̂ tsə̂mə̀ tso sê fɔ̂yntè è kɨsè ghɨə mɔ̀ʼɔ ghɛ ə ghe chisə ghɨghe kə ghâsènì ə ndamə è pɔ̂ynè, fanə̀ va ghɛ zhîze, kə ghâsènì ə nyi kàʼa ə ngɨmnə̂ Fèzhə̀, fɨnə nə̂ kə èghɛ zɛ ə è kyiŋə nə ghâsènì ə nə̂.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

2 Timotì 1:6

Kûmə̀ zɨ̂nə mə, m pɨ̂əytə̀ ghò nə ò kɛse tɨ̂msè èfo zɛ ə Zhə̀fè tè fo sê ghò kə m tè ndəm gho ghɨmə ə ghò tu.

2 Timotì 2:14

Pɨ̀əyte ghɨ ghɛghe è ghɛ zɨ̀nə̀, ə fo fɨ̀as se ghənə ə Zhə̀fè əshi nə kə ghənə ə pîə ə̀ghɛ saʼnə̂. Zɨnə mə nə̂ va tsâmtè zhîze, pîza ze pɨlə pofsə̂ kə ə̀ghɨ ghɛ ə zɨtə saʼnê ətəynze.

2 Timotì 2:21

Ə̂ nə̀yn nâʼàpî ndè ngɨŋə̂ vəyn sə̂ zo endom kə ghɛ əpi nə ghɨ̂nə̀ ə va ə vəyn ewìyn, ə Zhə̀fè nji vəyn sə nə̂ kàyntè ə̀ghɛ kûmə̀ nə è nyi èŋwaʼze, kyi m̀kɔʼnè se pɛ̀ èfɨ̀aʼ ə vəyn kûmə̀ nə è və màʼà ngɨŋə̂ vəyn sə̂ nyi wufɨ̀aʼa sê Vəyn, nyi èpɨaʼtêzè sə̂ nə̂ nâʼà tèkyì te fɨ̂aʼ techûŋ tekɨ̂m.

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

2 Pità 1:12

Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

Njût 1:5

Pî kə ghàyn kàyne ke ə̀ghɛ nə ghɨnə mə, m kyiŋə se fɨnə Pɨ̀əytè ə ghàyn nə Pɛ̂pɛ ə shɨŋ ə̀ mɔ̀ʼɔ zhîzè ə tè fɨse ghɨə Isìlây ghè ə ngəʼ endaʼ ə Enjìpzè, pîza epàm ətəyn ə pofsə̂ ə̀ghɨ ə Isìlây ghɛ ə ghe tè tàʼa pomə̂ se vəyn.