Taytùs 2:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ò zaʼlə kə èghɛ zɛ ə ze nyi səmɔʼ kə wùə ə vayn kàʼa è wamne pi kûmə̀ zəynze. Ə ò nə̀yn nyî, ə pàyn sɛse ghomə kûmə̀ nə ghənə nə fɨyn kyi va ghɛe se pi kûmə̀ ghâsènì.

Taytùs 2:8 ပူးပေါင်းရင်းမြစ်များ

Ŋwàʼlè ə̀ Mâk 12:17

Njisə̀s ə ke pì nə, “Ghàyn fo sê Kaysà fɨa kɛ ə̀ kyi Kaysà, ə fo se Zhə̀fè fɨa kɛ ə̀ kyi Fezhə̀.” Wâmnè ə vəynze ə nə̀, choze ə zomə ghənə.

Ŋwàʼlè ə̀ Mâk 12:28

Tyə̀ynsè alâŋ vîvè tè nyì fu ə zɨə kə ghənə saʼnə̂ ghɛ. È və fe nə Njisə̀s ə tɔ̀ʼ pə̂ynsè ghɨə Sandùsîə, ə ke pfɨf sê Njisə̀s nə, “Ə̀ nyi alâŋ àkè əfètə̂ èlwɔ̀ŋ èkɨ̂m ə ke tsɛ̂ lwɔ̂ŋvè ekɨ̂m ə?”

Ŋwàʼlè ə̀ Mâk 12:32

Tyə̀ynsè àlâŋ nə vɛ ə pìə sê Njisə̀s nə, “Ò pə̀ynse ke nâʼà eghɨ ə Tyə̀ynsè. Ò pì ke nâʼà səmɔʼ nə Zhə̀fè nyì ke fèmɔ̀ʼ, Zhə̀ fîfe fɨyn va ə̀ tsɛ̂ kə va vəyn.

Ŋwàʼlè ə̀ Mâk 12:34

Njisə̀s ə fe nə tyə̀ynsè èsaʼ nə vɨ̂yn ə pə̀ynsè ètɔfe, ə pîə sê vəyn nə, “Ghaf efɔ̀ynə Fezhə̀kè fɨnə tyâfə̀ va sê ghò.” Epàm ətəyn, wùə ə tàʼa fɨnə mɔ̀msè se pfɨf eghɛ sê Njisə̀s.

Tom èchùŋ kè kə Lûk tè nyaʼ 13:17

Kə è wàmnè nyi ə ghomsə̂ sèpàyn sə vəynse. Tsɨ̀tsɨ̂ə ghɨ̀ fu tè nyiə saŋnə kûmə̀ əghɛ ə kayntə ghɛ ə̀kɨ̂m ə è tè nə̀yn.

2 Tèsàlonikà 3:14

Ə wùə kwiynse nə zhi nə̂ va ghɛ zɛ ə ghàs nyàʼ sê ghàyn fâ ŋwàʼlè, ghàyn ə ndə̀mə̀ èshi ə vəyn ewìyn. Kə ghàyn ə nə kɨŋnə ghɛghe ghâyn ghə ghənə kə ghənə ə ghomə̂.

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.