Taytùs 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Taytùs 2:3 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:29

Ghənə nyi mə ə lwiyn èkyì tə ghɛ əpi tekɨ̂m kə; ətəm epighe, è fɨə ə shize, nyaŋə əghɨ əmɔ̀ʼɔ, kyi àghə̀ʼ, zhwiə ə̀ghɨ, kɔŋə̀ ètsôs, kɔŋə̀ sə chɔŋtə̂, lɛsə ə̀ghɨ, piə èfim.

Ŋwàʼlè ə̀ Pɔ̂l sê ghɨə Lûmghè 16:2

Ə è pə̀yn sê ghàyn, ghàyn ə fi vəyn ə Zhə̀fè ezə, kə ghɨ ə Fezhə̀ghè, ə fo nâʼàpî ètsâmtè èkè zɛ ə è kyiŋə sê ghàyn. Ghàyn e ke nə è və tsàmtè ghɨghe setsɨ̀, ə tsàmtə̀ kəpi mi.

Ɛfesùs 5:3

Ghàyn nyi nyî nyi ə̀ghɨə Fezhə̀. Kə tə ndəʼ zɨ èghɛ kûmə̀ è chûmtè ə zəyn kɨ̀sə echûmtè ə ndomnèzè, è shiə ə fɨə, è ghɛ nyələ mɔ̀ʼɔ ə ghàyn əfètəyn.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

1 Timotì 3:8

Ghɛ nə ghɨynə m pîə nyî ndùə kəpî sê ghɨ ghɛ ə ghe fɨaʼà ə sendɛ sə Fezhə̀sè. Ghənə kyi sə̂ kyi èndam echûŋzè, wâmnə̀ səmɔʼ, mɨə tsɛ̂sə̀ va lɨ̀m, shi ghe fɨə va ekɛ.

1 Timotì 5:23

Kə ò nə mɨtə kə môm, ò mɨtə eluʼ ə mlɨ̂ kə m̀ mə tsâmtə̀ m̀zaflə̀ mɛ ə m̀ zâŋsə̀ fo ngəʼ ə ghò endwɔ̀.

Taytùs 1:7

Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.

Taytùs 2:4

kə ghənə nyi kàʼa zaʼle zəyn ghɛ ə ghe kwuʼtè malə nə ghənə ə kɔ̂ŋə̀ ə̀ ndom ə ghənə̂ghè è ghɔ ghənə̂ghè,

Ipilù 5:12

Ghàyn fe nyì sə̂ nyi zôyn, zaʼlə̂ ə̀ghɨ è ghɛ Fezhə̀zè pîza wùə pa kyi kendò se zaʼlə ghàyn è ghɛ ə shighe kûmə̀ tom ə̀ Fèzhə̀. Ghàyn pa kyi ke sə̂ nyɔŋɔ èyiyn nyiə kə ghɔyn epɔ. Ghàyn paʼà nyìəm kwəyn sə̂ zhiə èfɨazhiə e twɔve.

Etyə̂yn ə paynsêzè 2:20

Pîza ə̀ zɨnə nyi eghɛ zɛ ə m ghamə̀ ghò sətəyn. O zà Njesepèl wùzhɔyn vɨ̂yn ə è tsà nə zhi nyi fɨ̀aʼtè nyi, tɔynə̂ ə vəyn ezaʼlê, è lesə̂ ə̀ghɨ ghɨmghe fɨaʼa nə ghənə ə nə̂ ə̀ghɛ ə nyələghe kɛsə̂ zhiə èfɨazhiə vɛ ə nyi mə ə fo sə efo sê fɨ̂aʼsèvè.