Taytùs 2:2 - Ŋwàʼlè ə̀ Fèzhə̀ Mkâyn Mə̂ Fèm

² Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

Taytùs 2:2 ပူးပေါင်းရင်းမြစ်များ

Ŋwàʼlè ə̀ Mâk 5:15

ə pə̀ fe Njisə̀s. Wùə vɛ è tè kyi nɔ̂yn ə tepamə̂ tə satàyn nə tɛ e tsɨs kepî fumə mə è və màʼ ndzɨse, nyi ke nâʼà ə vəyn etɔf. Ghɨ ətəyn ghə fe zâ ə fànə̀.

Tom èchùŋ kè kə Lûk tè nyaʼ 8:35

Ə zɨə za ə fɨə ndùə se fe eghɛ zɛ ə ze kyâyn. Ghənə pə̀ fe Njisə̀s ə fɨnə fe wùə vɛ ə pamə̂ tə satàyntè tɛ fè fɨ ə vəyn ewìyn, è tsɨs ə və shi, mə è və maʼ ndzɨse sè nyi ke nâʼà ə vəyn etɔf. Ghɨ təynghe ə fe zâ sè fânə̀.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

1 Kɔlìŋ 9:25

Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

2 Kolìŋ 5:13

Tɔf zasze pâʼà tə ndo kə ghɨə mɔ̀ʼɔ pîə. Ə ze nyi mə ze ə tə pî ndò, ə nyi ke kûmə̀ Fèzhə̀. Mə ghàs nyì pî ə ghàs etɔf, ə nyi sə ghàyn ə chùŋ.

Ngàleshyà 5:23

kyi engɨmnê, ke se kyiə sengɨŋ. Lâŋ kyîke kwiynsə̂ va nâʼà èghɛ èmɔ̀ʼ əfètəyn ə̀ghɛ nə ghɨ̂yn.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

1 Tèsàlonikà 5:6

Kə ghɛ ətəyn se nyi nyî, ghâsènì kyi va sə̂ tsɨ̂ynə̀ pɨənə̂ kə kə ghɨ mɔʼɔ, ghâsènì kyi sə̂ pɨl tsɨs pfɨ̂tə̀, fɨnə kyîə sèngɨŋ sə ghasènìse.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

1 Timotì 1:10

ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

1 Timotì 1:14

Pɛ̂pɛ ə ghâsènì tè nyîə kyi ə̀təm ə chûŋə̀ sê mi. È və tə nə̀yn kepî nə m pomə sê vəyn è kɨsè sə kɔ̂ŋə̀ ə̀ghɨ ə mɔ̀ʼɔghe kûmə̀ nə m tè nyì sə afɨa àmɔ̀ʼ ghasè Klâys Njisə̀s.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 3:4

Ə̀ kyi sə̂ nyi wùə fɛtə tɔ̂ʼnə̀ è ghɨə vəyn ghə ndɛghe. È kyi sə̂ nyi wùə ghɔ vəynghe ngɨmnə̂ vəyn, fɨnə zɨə se vəyn əghɛ ə̀kɨ̂m.

1 Timotì 3:8

Ghɛ nə ghɨynə m pîə nyî ndùə kəpî sê ghɨ ghɛ ə ghe fɨaʼà ə sendɛ sə Fezhə̀sè. Ghənə kyi sə̂ kyi èndam echûŋzè, wâmnə̀ səmɔʼ, mɨə tsɛ̂sə̀ va lɨ̀m, shi ghe fɨə va ekɛ.

1 Timotì 5:1

M pìə sê ghò nə kə ò nə nə̂ ò wàmnə̀ sê wùə ndumə sə atyaʼ. Ə ò wàmnə̀, ò njìə kə nâʼà vəyn kə pɨ̀a vɛ̂vè. Ò piə ò nə̀ èghɛ sê kwuŋte, ndumə̂ tsɛ̂ ghənə, ò njìə ghənə kə ə ghɔnɛ̂ghe ndômə̀ghè.

Taytùs 1:13

Ghɛ nə zɨnə mə nyi səmɔʼ. E za tyə̀nə̀ nə ò kyi se zɔ̀ sê ghənə nâʼà è tyaʼa kə ghənə pomə è tyaʼke sê ghɛ zɛ ə ze nyi səmɔʼ,

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

Filemùyn 1:9

pîza m nə̀ chyatə kə ghò kûmə̀ nə ò nyiə kɔŋə̀ mi, è ghɨə pomə mɔ̀ʼɔghe. Ə mi Pɔ̂l, m wâmnə̀ se ghò kə wùə ndumə ə ndɛ ə̀chaʼ kûmə̀ nə m fɨaʼà se Njisə̀s Klâys.

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

2 Pità 1:6

Famə ə ghàyn etɔf, famə ə ghàyn e kyîə sèngɨŋze, ghàyn e kyi kepî èwəynsê, wəynsə kə va ndô pîza fɨnə ndamə èndam zɛ ə ze nə̂ Zhə̀fè e saŋnə̂,