Taytùs 2:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Taytùs 2:15 ပူးပေါင်းရင်းမြစ်များ

Matyò 7:29

È tè zaʼlə va kə setyə̀ynsè sə alàŋsè, pîza, zaʼlê ə Vəynze e pɨl kyi àtyaʼ.

Ŋwàʼlè ə̀ Mâk 1:22

Zaʼlê ətəynze ə nə̀, choze ə zomə ghənə kûmə̀ nə è tè zaʼlə va kə setyə̀ynsè sə alàŋsè. È tè zaʼlə kə nâʼà kə wùə vɛ è kyi tyaʼa.

Ŋwàʼlè ə̀ Mâk 1:27

Ghɨ ətəynghe tè nyi è kaynze, kyì e pfɨfə sê kyì nə, “Ə̀ nyi ekyì eghɛ èkè nyiə? Ə̀ nyi ekyì ezaʼlê efe èkè zɨ̂nə̀ ə? È kàyntə̀ ə̀ghɛ è tyaʼa, nâʼàpî sêzuʼ sepise, se nə̂ kə ke è pìə.”

Tom èchùŋ kè kə Lûk tè nyaʼ 4:36

Ghənə tè nyi è kaynze, kyi e pfɨfə sê kyi nə, “È fè wàmnə̀ zayn nyiə? È kàyntè əghɛ, zuʼ se pi se e fɨə kəndò ə ghɨghe ewiyn kûmə̀ atyaʼ kɛ ə è kyi.”

1 Kɔlìŋ 16:11

Kə wùə vîvè tə chɨ̂ynè vəyn pîza ghàyn kyi se pɨlə tsàmtə vəyn nə è ndu è fɨaʼa vəynke əshi è pɔ̂ynè ə è kɛse pəyn se mi kûmə̀ nə m lɨmtə̂ vəyn ghasè ghɨə poməghe.

1 Timotì 5:20

Ə̂ nə̀yn pîndè pi, ə zɔ̂ sê vəyn kè ə ndayn kə ghɨ mɔʼɔghe zɨ ə fànə̀ sə̂ pɔŋɔ nə̂ pi.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

Taytùs 1:13

Ghɛ nə zɨnə mə nyi səmɔʼ. E za tyə̀nə̀ nə ò kyi se zɔ̀ sê ghənə nâʼà è tyaʼa kə ghənə pomə è tyaʼke sê ghɛ zɛ ə ze nyi səmɔʼ,

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.