Taytùs 2:13 - Ŋwàʼlè ə̀ Fèzhə̀ Mkâyn Mə̂ Fèm

¹³ kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Taytùs 2:13 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 26:64

Njisə̀s ə pə̀ynsə̀ vəyn nə, “Kè kə ò pì, pîza m tsâ sê ghàyn əkɨ̂m nə, se zhə̀tə ndù zôyn se ndù əshi, ghàyn tə fe Vâ Wùə ə è və tsɨs ə ekɔyn etwɔ ə pɛ̀ ètwɔʼ ekɨ̂mvè. Ə ghàyn fe ə è və tsɨs tso pə̂ etûə sèmbàʼ se kwùtwəynse.”

Ŋwàʼlè ə̀ Mâk 14:62

Njisə̀s ə pə̀ynsə̀ ə pìə nə, “Ə̀ nyi ke nâʼà mi. Ghàyn tə fe Va Wùə, è ve tsɨs ekɔyntwɔ ə Pɛ̀-Atyaʼ-Akɨ̂mkè. Ghàyn tə fe Vəyn ə è Və tso pə̀ əfètə̂ sèmbàʼ ekwùtwəyn.”

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Ətefɨ̂aʼ 24:15

M kyi kepî èkwaʼtè èghɨ sê Zhə̀fè kə ghɨ ghɨ̀nə kyi, te nyi nə, ghɨ ghəkɨ̂m kɨ̀sə ghe chûŋə̀ kɨ̀sə ghe pighe tə kɛsə̂ zômə̀.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 5:5

Ə ghâsènì kyi kwâʼtèzè, ə ghâsènì tə tàʼa fɨ è gho zomghe kûmə̀ nə Zhə̀fè ə tyə̀yn se ghâsènì kə Fe tɔ̂ʼɔ̀ kɔŋə̀ ghâsènì, kə È nə̀yn kɔ̂ŋ ə Vəyn zɛ ze nji ə ghâsènì əfètə̂ təm. È nəyn zɨnə mə kə È fo Zuʼse Ŋwaʼa vəynse sê ghâsènì.

Ŋwàʼlè ə̀ Pɔ̂l sê ghɨə Lûmghè 8:18

M njîə va nə tsôs vɨ̀yn ə ghâsènì fe zôyn fa ashìŋə̀ nyì nâʼà eghɛ zhîze, ə ghâsènì fɨ̀aʼnè vəynve è pomsê zɛ ə tə tyə̂nə̀ paynsə̂ sê ghâsènì ashìŋə̀ kɛ ə ke nyi se tə pə̀yn.

1 Kɔlìŋ 1:7

Ze ə nə̀yn nə ghàyn tə faŋə va se fiə nâʼàpi èpɔse èkè zɛ Zuʼse ə Fezhə̀sè fo kə ghàyn lɨmtə shîŋə̀ kɛ ə Pɛ̂pɛ ə̀ ghâsènì Njisə̀s Klâys tə tyə̂nə̀ paynsə̂ ngɨŋə̂ vəyn ətəyn.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

2 Tèsàlonikà 2:8

Ə tsɨ̂sè wùə nə vɨnə endom, ə wùə ə̀təm ə pi nə vɨnə pfɨ̀ŋə̀ fɨ ə ndayn. Pîza shîŋə̀ kɛ ə Pɛ̂pɛ Njisə̀s Klâys tə kɛsə pə̂, è tə pî nə ə tyəmse ghɛ ə vəynghe nəghe, ə tyəmse kendò, tɔynə̂ endom vɛ ə Klâys tə nə̂ ə è və panə nyaynə̂ ətəyn, ə è nəyn ə è və kyi va tyaʼ kyîke.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 4:1

Ə Zhə̀fè əshi è Klâys Njisə̀s vɛ ə ghənə tə saʼa ghɨ ghɛ ə ghe ndamə è ghɛ ə ghe nyi mə ghə kwu, è kɨsè nə Klâys pə̀ sə̂ nyi fɔ̀yn sê mbi èkɨ̂m, m pîə se ghò è tyaʼa nə,

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.

Taytùs 3:4

Pîza, shîŋə̀ kɛ ə Zhə̀fè mə ə̀ za nyi Sɔ̀zà tè tyəyn tɔʼnè ə vəynze, è kɔ̂ŋ ə Vəynze,

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.