Taytùs 2:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̀ nyi afùʼ ə Fèzhə̀ nə kɨ̂yn ə ke zaʼlə ghâsènì nə ə maʼa ndam zɛ ə ndamə mə ə ke va Zhə̀fè chûmtə̀ èfɨa ə mbive. Ghâsènì kyi se ndam famə ə mbi èpi nyi ètɔf eghaʼâzè, nyi chichi, nə̂ èghɛ zɛ ə Zhə̀fè kyiŋə

Taytùs 2:12 ပူးပေါင်းရင်းမြစ်များ

Matyò 12:32

Ə̂ pîə pîndè ghɛ epize kûmə̀ Va Wùə, Zhə̀fè kàʼa fe lɛ̀sè fo vəyn, pîza mə ə pìə pîndè ghɛ epize kûmə̀ Sezuʼ se ŋwaʼase, ə fe tə tàʼa lɛ̀sə fo vəyn zôyn, pî ashìŋə̀ kɛ ə ke nyi se pə̀yn ə shi.”

Matyò 16:24

Njisə̀s ə ke pì sê chùmtè èpàm sə vəynse nə, “Ə nâʼà pîndè ə ghàyn ə fètəyn kyiŋə se chùmtə Mi, ə è və kyi se lɛ̀sè ə ngɨŋə̂ vəyn, ə è pɨ̀aʼà wâmnè ə vəynke ə è chùmtè Mi.

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Tom èchùŋ kè kə Lûk tè nyaʼ 1:75

nyi ke ə̀ghɨə və, tyəm ke chichi ə ve shi se zaʼâ kə tuʼ mə̂ ghâsènìm tə kɔʼ mi.

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 6:25

Kə ghɨ ətəynghe tè fe Njisə̀s apàs enjwì əmɔ̀ʼɔke, ghənə ə pìə sê Vəyn nə, “Tyə̀ynsè, ò pə̀yn zɨ̂yn fa ə?”

Ətefɨ̂aʼ 24:16

Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 6:19

M pîə ə̀ghɛ nə ghɨ̂yn nâʼà ə̀kɨ̂m kə wùə msɔ̀ŋ, kûmə̀ nə ghàyn kə əghɨ msɔ̀ŋghe tɔ̂ʼɔ̀ zɨə kêva. Sə shi ghàyn tè fo sengɨŋ saynse kə ekɔ̂s, nə̂ ə̀ghɛ ə pighe è kɨsè ghɛ ə teliŋghe, nə̂ ndûə kə ə̀ghɛ ə pighe. Zôyn ghàyn kyi se fo sengɨŋ saynse əkɨ̂m kə ekɔ̂s, sə nə̂ ə̀ghɛ kə Zhə̀fè kyiŋə, ə zɨnə nəyn ə ndam zaynze ə nyi è ŋwaʼze.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Ɛfesùs 1:4

Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Kòlosè 1:22

Pîza zôyn, tɔynə̂ ekwu zɛ ə Va vəyn Klâys tè kwu kə wùə m̀sɔ̀ŋ ə awâmnè, Zhə̀fè ə nə̀yn nə ghàyn ə nyi sèsoyn sə vəynse. Zhə̀fè tè nəyn zamə kə ghàyn ə nyi elùʼ vɛ ə è nyi, nyi ə̀ghɨ eŋwaʼghe, kyi va ndi ə̀ pi zhizè ə ghàyn ewìyn, vayn ko ghàyn è tsas zhîze.

1 Tèsàlonikà 4:7

Kûmə̀ nə Zhə̀fè tè paʼà tɔŋə ghâsènì nə ə nə̂ ə̀ghɛ ə nyələghe è wiyn ə ghasènìve. Pîza Fe tè tɔŋɔ nə ghâsènì ə ndamə èndam eŋwaʼze.

1 Tèsàlonikà 4:9

M fe nə ghàs kyi va sə̂ fɨnə nyâʼà èghɛ sê ghàyn kûmə̀ endom vɛ ə ghàyn kyi sə̂ kɔ̂ŋɔ̀ ə̀ghɨ ə pomə mɔ̀ʼɔ ghətəyn. Zhə̀fè ngɨŋ ə̀ vəyn ə zaʼlê ghàyn kə ghàyn kyi sə̂ kɔ̂ŋɔ̀ sèngɨŋ saynse.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

1 Timotì 6:9

Pîza ghɨ ghɛ ə ghe kɔ̂ŋɔ̀ sə̂ nyi ə̀ghɨ kɛghe pfɨ̂ə njiə ndò əfètə̂ èmɔ̀m, ə ko ghənə əfètə̂ àtam əghɛ ngô tsɨəghe, è kɨsè əfètə̂ àtam əghɛ ə tsɨə ghɛ ə ghe kaʼa ə ghe ndəmse ghənə, nyiəmə ə ghənə zɨ tsôsvè nâʼà sə ŋaŋ.

2 Timotì 3:12

Ə̀ kɔ̀ŋə̀ pîndè sə ndamə èndam ə Fezhə̀zè kaʼke amɔ̀ʼ yî Klâys Njisə̀s, ə kyi se tə tsə̂fsè ə vəyn.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Ipilù 8:11

Wùə sê ghənə tə nə̂ ə è və zaʼlə̂ va ə və mɔʼɔ̂ pî se pì sê kɔ ə ghənə̂vè nə, ‘Ghàyn ke Pɛ̂pɛ.’ Kûmə̀ nə ghənə əkɨ̂m tə nə̂ ə ke mi, se zhə̀tə kə wùə etətə̂ ə ghənə ə fètəyn se nduə fɨ ə wûə èghaʼâ.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 2:6

Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Njût 1:18

Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”

Etyə̂yn ə paynsêzè 14:12

Zɨnə mə tyə̂nə̀ nə ghɨə Fezhə̀ kyi sə̂ kyi ekol ətəmze, əghɨ ghɛ ə ndə̂mə̀ saʼ tə Fezhə̀tè, pomə sê Njisə̀s è təm ə ghənə̂ghè əkɨ̂m.