Taytùs 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ è kɨsè nə ghənə kyi va se chɔŋ sê pɛ̀ efɨ̀aʼ ə ghənə̂ghè. Ghənə kyi sə̂ pɨlə tyə̂nə̀ sê pɛ̀ efɨ̀aʼ ə ghənə nə ghənə nyi ə ghɨfɨaʼə chûŋə̀ mə pɛ̀ efɨ̀aʼ kàʼa e samse. Nyiəmə, ə tendom tèkɨ̂m, ə ghənə nəyn ə ghɨghe fe nə zaʼlêzè kûmə̀ Fezhə̀ sɔ̀zà ə̀ ghâsènì nyîə tsɔ̂fə̀.

Taytùs 2:10 ပူးပေါင်းရင်းမြစ်များ

Matyò 24:45

Njisə̀s ə fɨnə pfɨfə nə, “Wùə èfɨ̀aʼa vɛ è zɨə pɛ̀ efɨ̀aʼ ə̀ vəyn fɨnə tɔfə nyi vɨ̀yn və? Ə̀ nyi vɛ ə pɛ̀ efɨaʼ ə̀ vəyn pî è ndùə èkwî, è və ndə̀mə̀ nə è və nyi àtu sê ghɨ mɔ̀ʼɔ, fo èfɨazhiəve sê ghɨə ashìŋə̀ kɛ ə ghənə kyiŋə.

Matyò 5:16

Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Tom èchùŋ kè kə Lûk tè nyaʼ 1:47

fɨnə saŋnə̂ sê Zhə̀fè, ə sɔ̀zà vɨ̂mvè.

Tom èchùŋ kè kə Lûk tè nyaʼ 1:80

Va Sàkàlyâ nə vɨ̂yn ə ndəmə̂ tɛ ə vəyn epomə̂. È tè ndam endaʼ ashəshəe se zaʼâ etuʼ vɛ è tyə̀yn ngɨŋ ə vəyn sê ghɨə Isìlây ghè.

Tom èchùŋ kè kə Lûk tè nyaʼ 16:10

Ə wùə fɛte kyiə ghɛ̂lə̀ me tətə̂m, ò fo əghɛ e ghaʼa, ə è fɛte kyi kepî za. È nyi mə è vâyn kàʼa è kyi ghɛ̂lə̀ me tətə̂m, ò fo naʼapi əghɛ e ghaʼa, è vâyn fɛtə̂ kyi.

Njɔyn 12:6

È tè paʼà wàmnè nyi kûmə̀ nə è tè kyi èkwâʼtè se tɔ̀ʼnè è ghɨ afɨfə. Ə̀ tè nyi kûmə̀ nə è tè nyi wùə chɔŋɔ, ə̀ ndə̂mə̀ vəyn shəyn èkɛ, faŋa va se njiə vîve ətəyn se nə̀yn eghɛ vəynze kɔ̀ŋzè ətəyn.

1 Kɔlìŋ 4:2

Nâʼà eghɛ e tɛ zɛ ə kyiŋə se ghɨə fɨaʼa ə təynghe nyi nə, ghənə fɨaʼà sê pɛ̀ èfɨaʼ ə̀ ghənə è təm ə ghənə̂ghè əkɨ̂m.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

1 Timotì 5:17

Ə kyi sə̂ kɔʼsə fɨnə ndaʼà zɔmtə̂ sè chəʼ sɛ ə se fɛtə nə̂ fɨ̂aʼ ə ghənə̂zè, paynpayn ghɛ ə ghənə ndâʼà tom fɨnə zaʼlə̂ ə̀ghɨ̀,

1 Timotì 6:1

Ghɨ ghɛ ə ghe fɨaʼà kə ekɔ̂s kyi sə̂ fo èkɔʼsê eghaʼazè sê pɛ̀ efɨ̀aʼ ə ghənə̂ghè, kə wùə vîvè ə vayn kàʼa è wamne ghɛ epize kûmə̀ èzə ə Fezhə̀zè, è zaʼlê ə ghasènìze.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

Taytùs 1:3

Zhə̀fè ə tə nə̀yn nə ghɨghe ke tom ə̀ vəyn kè ashìŋə̀ kɛ ə Fe tè kyiŋə. Zhə̀fè Sɔ̀zà ə̀ ghâsènì ə tè tsɛ̀sè lâŋkè nə ə fo tom ə̀təyn sè mi ə mə ndaʼà.

Taytùs 3:4

Pîza, shîŋə̀ kɛ ə Zhə̀fè mə ə̀ za nyi Sɔ̀zà tè tyəyn tɔʼnè ə vəynze, è kɔ̂ŋ ə Vəynze,

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.