Taytùs 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ È kyi sə̂ nyi wùə mə è və fɛte kyî tom èchùŋ zɛ ə è nyi səmɔʼ zɛ ə zaʼlə sê vəyn kə è və ke se zaʼle əghɨ è ghɛ ghɛ ə Zhə̀fè kyiŋə, fɨnə nə̂ nə ghɨ ghɛ ə ghe kwiynsə̂ tom nə zɨnə̀ ke nə ghənə nyîə nə̂ pofsə̂.

Taytùs 1:9 ပူးပေါင်းရင်းမြစ်များ

Ətefɨ̂aʼ 18:28

Tɔynə̂ èsaʼnê eghaʼâ zɛ ə Àpolòs tè kyi, è tè saʼnə̂ zhiə kə ndò ghɨə Njûsə̀ əfètə̂ ànɔ̀yn esaʼnəke mə è tyə̀ paynsə̂ ə ndayn nə Njisə̀s nyi vɛ ə chɔʼ ndə̂m.

1 Kɔlìŋ 14:24

Pîza mə ghàyn əkɨ̂m tsà tom ə̀ Fèzhə̀, wùə mə è paʼà pomə Zhə̀fè, kɨ̀sə wùə vɛ ə è zɨə keva ə njiə pə̂, ə ghɛ zɛ ə ghàyn pìə, ə ze nəyn ə ghənə ke nə ə nyi əghɨ ghɛ ə nə̂ ghɛ ə pighe è kɨsè nə ə ghənə faŋ sə̂ nə̂ kə pi, ə Zhə̀fè tə pɔynsê ghənə,

1 Tèsàlonikà 5:21

Ghàyn e pɨlə kyâʼsə̀ ə̀ghɛ ə̀kɨ̂m ghɛ ə ghɨə pîə nə Zuʼse Ŋwaʼase ə tyə̀yn se ghənə se fe nə sə tyə̀yn mə se paʼà tyə̀nə. Ə ze nyi səmɔʼ, ghàyn pomə̂ sê ghənə,

2 Tèsàlonikà 2:15

Ghàs e sè pìə sê ghàyn ə ghɔnyìə nə, ghàyn kyi ke ndò pomə̂ zaynze, kə ghàyn pomə nə wùə nəyn, ə ghàyn za zaʼlê ə səmɔʼ zɛ ə ghàs tè zaʼle sê ghàyn za ə fɨnə nyâʼà sê ghàyn ə ŋwàʼlè.

1 Timotì 1:10

ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

1 Timotì 1:19

Fɛte kyi kyî epomə̂ zɛze achûŋ, ə kyîə èkwaʼtè zɛ ə ze saʼa va təm ghɛghe. Ghɨ mɔʼɔ ghə kwiynsê se zɨtê eghɛ zɛ ə ghənə ke nə ə̀ nyi eghɛ chichi. Kûmə̀ nyiəmə, ghənə fɨyn kyi va kyî epomə̂zè sê Klâys.

1 Timotì 4:9

Ghɛ zɨ̀nə ə kwûʼ pî nyi eghɛ mə ə mbasə̂ pîə ndò zəynze əfètə̂ ə̀ghɨ̀ ə poməghe, ghàyn e ke nə ze ndɨŋ nyi səmɔʼ, e za nyi nə pîndè kàʼa è pomə zəynze mə è mə̀ʼnə̀ chîəva ndô.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

2 Timotì 1:13

Fɛte kyi ghɛ ə səmɔʼ ghɨnə̀ m zaʼlə sê ghò kə chwìə kə ò chumte, ə faŋə ekyî epomə̂zè, è kɔ̂ŋ zɛ ə ghâsènì kyi kaʼke amɔ̀ʼ è Klâys Njisə̀s.

2 Timotì 2:2

Njì zaʼlê zɛ ə ò tè zɨə kə m zaʼlə ə ghɨə tsɨəghe əshi, ə fo tsosə̂ se ghɨ ghɛ ə ò samsə̂ mə ghənə kaʼa zaʼlê ghɨə mɔ̀ʼɔghe.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

2 Timotì 3:14

Pîza se ghò, faŋke ə səmɔʼ zɛ ə tè zaʼle sê ghò, o pomə̂ zə̂ynzè sə ŋaŋ. Ò nyîə ke ə̀ghɨ ghɛ ə tè nyi setyə̀ynsè sɛse.

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Taytùs 2:1

Pîza sê ghò ə Taytùs, ò kyi sə̂ zaʼlə kə èghɛ zɛ ə ze nyi səmɔʼ.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.

Etyə̂yn ə paynsêzè 2:25

M pìə kə nə, ghàyn fɛte kyî èpomə̂ zaynze se zaʼâ kə m kɛse pəyn.

Etyə̂yn ə paynsêzè 3:11

Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.