Taytùs 1:8 - Ŋwàʼlè ə̀ Fèzhə̀ Mkâyn Mə̂ Fèm

⁸ È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Taytùs 1:8 ပူးပေါင်းရင်းမြစ်များ

Tom èchùŋ kè kə Lûk tè nyaʼ 2:25

Ə̀ tè nyi zâ wùə vîvè e nyi ə Njèlusalɛ̀m, zə vəynze e nyi Simyòn, Zuʼse Ŋwaʼase e nyi ə və tu, è ndamə kə nâʼà chichi, njiə àshîŋə̀ se fɨ̂aʼ efɨaʼ ə Fezhə̀e. È tè lɨmtə kə etuʼ vɛ kə̂ Pɛ̂pɛ tə zə̂sə̀ shîəm mə ghɨə Isìlâym̀ ətəyn,

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

1 Tèsàlonikà 2:10

Ghàyn nyi setsɛ̀ èsaʼ sasse, Zhə̀fè e nyi kepî tsɛ̀ èsaʼ vâsvè nə, ghɛ ghàs ghe nəghe sê ghàyn ghɨ poməghe tè nyîə zo, nyi chichi, kyi va ləʼke.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

2 Timotì 3:3

Ghənə tə nə̂ ə kyi va təm ə chûŋghè, lɛ̂sə̀ fo va ghɨghe, pìə ə̀ghɛ piə kûmə̀ ə̀ghɨ, pîə ə̀ghɛ nyi ke epɨaʼtêzè se nò, ndamə kə kə senyam, ghənə tə nə̂ ə pânə̀ èghɛ echûŋzè.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

1 Njɔyn 3:14

Ghâsènì ke ndô nə ghâsènì ə tɛ tsɛ tyaʼa ekwuke, kyi èndam zɛ ə ze tə mîə va, kûmə̀ èkɔ̂ŋ zɛ ə ghâsènì kyi sê ghɔnyì ə ghasènìghe. Wùə vɛ ə è kɔ̀ŋɔ̀ va ghɔnyiə vəynghe pa nyi ke etyə̂ àtyaʼ ə ekwuke.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.