Taytùs 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Chəʼ kyi sə̂ nyi wùə mə è kyi va ləʼke; è kyi sə̂ kyi ke zhwi emɔ̀ʼ, ghɔ vəynghe e kyi sə nyi ə̀ghɨ epoməghe, mə ə ke va ghənə kə ghɔyn ghɛ ə ghe tsəfə, tɛ ètuke.

Taytùs 1:6 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:5

Ə̀ tè nyì kə Fɔ̀yn Ɛlɔ̀t tè saʼa Njòndyâ, wùə èkɔʼsə nə̂ èshyə̀ vîvè e nyi fu, e tɔŋtə̂ nə Sàkàlyâ, ə wùə ètɔ̀ŋ ə ndɛ̂ Àpinjàvè, kyi zhwi mə è fɨ kepî etɔ̀ŋ ə ndɛ ə̀ Ɛlɔ̀t, zə vəynze e nyi Ɛ̀lisapɛ̀t.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

1 Timotì 3:12

Nâʼàpî wùə è fɨaʼa èkè ə ndɛ̂ Fèzhə̀ kyi sə̂ kyi ke wùzhɔyn emɔ̀ʼ, fɨnə tɔ̂ʼnə̀ è ghɔ vəynghe è sas ə ndɛ vəynze nâʼà àchûŋ.

Taytùs 1:10

M piə nyi kûmə̀ nə ghɨ tsɨəghe ə ghàyn əfètəyn zɨtə va, tsɨnə̀ wâmnə̀ kə tèwâmnè tezomte, fɨnə lesə̂ ə ghɨ. Ghɛ nə ghɨnə mə tsɨ̂ə ə fètəyn ə̀ghɨ ghɛ ə ghe pîə zûŋsə̀ nə wùə kàʼa è kyi ke èsɔzaze ezhoghɛ ə se nam ə vəynghe.