Taytùs 1:4 - Ŋwàʼlè ə̀ Fèzhə̀ Mkâyn Mə̂ Fèm

⁴ M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.

Taytùs 1:4 ပူးပေါင်းရင်းမြစ်များ

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Ŋwàʼlè ə̀ Pɔ̂l sê ghɨə Lûmghè 1:12

Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

2 Kolìŋ 12:18

Mə tè chyatê Taytùs nə è pəyn fe ghàyn, ə tomə kəpi ànyì və mɔ̀ʼɔ yî vəyn. E za nyi nə Taytùs tè lese ndô ghàyn ə fiə àfɨa mə? Ghâsè vəyn tè nə̂ kə va ghɛghe eghɨ, kyi ke ekwâʼtè èmɔ̀ʼ ə?

2 Kolìŋ 2:13

pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

2 Kolìŋ 4:13

Ə nyàʼ ə Ŋwàʼlè ə Fèzhə̀ nə, “M wâmne kûmə̀ nə mə pomə̂.” Kèpî èghɨ tɔynə̂ epomə̂, ghàs wàmnə̀ kəpî kûmə̀ nə ghàs ə pomə̂.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.

2 Kolìŋ 8:16

Zɔ̀ŋnèkè ndùə sê Zhə̀fè kə fe nə̀yn Taytùs nə è və kyi èkɔ̂ŋ ətəyn se tsàmtè ə ghàyn kèpi endom vɛ ə ghàs kyi.

2 Kolìŋ 8:23

Sê Taytùs, ə̀ nyi wùə vɛ ə ghasè vəyn fɨaʼà əmɔʼ se tsàmtè ə ghàyn. Sê ghɔnyì əmɔ̀ʼɔ ghɛ ə ndûə yighə̀ vəyn, ghənə nyi ə ghɨ ghɛ ə chɔʼte ə sendɛ sə Fezhə̀sè. Ghənə nyîə pə̂ èpomsêzè sê Klâys.

2 Kolìŋ 8:6

Ə̀ za nyi eghɛ zɛ ə ghàs tè chyate Taytùs vɛ ə è tè zhə̀te fɨ̂aʼ kɨ̀nə̀ nə è ndu èshike èfɨaʼ ətəynke, nə è tsamte ghàyn ə è mɨse fɨ̂aʼ afùʼ nə zɨnə mə ə è tè zhə̀te.

Ngàleshyà 2:3

Taytùs tè nyi kepî ghasè vəyn pîza ə tàʼa kàyn nə ə kyi se se ənam ə vəynghe pî kə̂ è tè nyi wùə Nglêk.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 1:2

Zhə̀fè, ə Pɨ̀a sê ghâsènì yî Pɛ̂pɛ Njisə̀s Klâys fo ghàyn fùʼkè è pɔ̂ynè.

Kòlosè 1:2

Ghàs nyaʼ ŋwàʼlè nə zɨ̀yn nyi sê ghàyn ghɨə Fezhə̀ ghɛ ə ghe nyi endaʼ ə Kòlosèzè. Ghàyn nyì ghâyn ghə̀ Klâys chûmtə̀ vəyn è təm ghaynghe əkɨ̂m. Ə Zhə̀fè pɨ̀a ə̀ ghâsènì fo ghàyn èfùʼkè, è pɔ̂ynè.

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

Taytùs 1:3

Zhə̀fè ə tə nə̀yn nə ghɨghe ke tom ə̀ vəyn kè ashìŋə̀ kɛ ə Fe tè kyiŋə. Zhə̀fè Sɔ̀zà ə̀ ghâsènì ə tè tsɛ̀sè lâŋkè nə ə fo tom ə̀təyn sè mi ə mə ndaʼà.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

2 Pità 2:20

Ə ghɨə nyi mə ə tə fɨə əghɛ mbighe tsɛ tɔynə̂ ekê ə Pɛ̂pɛ ə̀ ghâsènì Njisə̀s Klâys, ə fɨnə kɛsə̂ ndûə njiə əghɛ ə mbighe, ghe ə ko ghənə kə atam mə ghənə vayn kɛsə fɨ, ə ndamtə ghɨ̀ ətəynghe ə pofə tsɛ̂ kə te tè nyì chi sə shi.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

1 Njɔyn 5:14

Ə ghâsènì tyəm ə Zhə̀fè əshi ə pfɨfə nâʼàpî ghè endom vɛ ə è kyiŋə ə ghâsènì ə ke nə è nə̀ zɨə ndò sê ghâsènì.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.