Taytùs 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Zhə̀fè ə tə nə̀yn nə ghɨghe ke tom ə̀ vəyn kè ashìŋə̀ kɛ ə Fe tè kyiŋə. Zhə̀fè Sɔ̀zà ə̀ ghâsènì ə tè tsɛ̀sè lâŋkè nə ə fo tom ə̀təyn sè mi ə mə ndaʼà.

Taytùs 1:3 ပူးပေါင်းရင်းမြစ်များ

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Ŋwàʼlè ə̀ Mâk 13:10

Pîza tsɔfə kə mbi mi, ə kyi se tsâ tom èchùŋ sê ndaʼ tə mbi tekɨ̂m.

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 1:47

fɨnə saŋnə̂ sê Zhə̀fè, ə sɔ̀zà vɨ̂mvè.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 17:26

Zhə̀fè tè pom ke wùə èmɔ̀ʼ sə shi, nâʼà ghɨ ndaʼà tèkɨ̂m ə fɨə ke sê wùə nə vɨ̂yn èmɔ̀ʼ ə nə̀ nə ghənə ə ndamə tɔynə̂ kə tâŋ tə mbi tekɨ̂m. Fe ə tə fɨ̀aʼnè shîŋə̀ kɛ kə ghɨ nə ghɨ̂yn ndam ə chi, è luʼ tɛ kə ghənə nə ndamə ətəyn.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ŋwàʼlè ə̀ Pɔ̂l sê ghɨə Lûmghè 5:6

Shîŋə̀ kɛ ghâsènì tè kyi pîva tyaʼâ femɔ̀ʼ se tsàmtə sengɨŋ sə ghasènìse, Klâys tè kwu ə ghâsènì ghɨ pighe elùʼ ashìŋə̀ kɛ ə Zhə̀fè tè ndəm.

1 Kɔlìŋ 9:17

Ə m nə̂ fɨ̂aʼ zɨmze mə ə̀ kɔŋ mi sə̂ nə̂, ə nyi nə ə kyi sə̂ ndàʼà mi; pîza m nə̀ nə̂ kə kûmə̀ nə ə̀ nyi eghɛ, m kyi ke se nə̀yn, mə ə̀ fo Fezhə̀ èfɨaʼ ətəynze nə mə nə̂.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Ɛfesùs 2:17

E za tyə̀nə̀ nə Klâys tè pəyn ə tsâ tom ə pɔ̂ynè kè sê ghɨ ghəkɨ̂m. È tè tsàyn sê ghàyn ghɛ ə ghàyn tè paʼsə va sê Zhə̀fè, ə fɨnə tsâ kəpî sê ghàs ghɛ ə tè paʼsə.

Filìpây 1:13

Nâʼà sèsokə̀ʼ sɛ ə se tsɨ̀ŋnə̀ tɔʼ sèkɨ̂m, è ghɨ fa nâʼà ə̀kɨ̂m ke ndô nə m nyi ə ndɛ̂ ə̀ chaʼ kûmə̀ nə m fɨaʼà sê Klâys.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

1 Timotì 2:3

Zɨnə mə nyîə tsɔ̂fə̀ nə̂ nə Zhə̀fè, mə za nyi sɔ̀zà ə ghâsènì, ə saŋnə̂.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.

Taytùs 2:10

è kɨsè nə ghənə kyi va se chɔŋ sê pɛ̀ efɨ̀aʼ ə ghənə̂ghè. Ghənə kyi sə̂ pɨlə tyə̂nə̀ sê pɛ̀ efɨ̀aʼ ə ghənə nə ghənə nyi ə ghɨfɨaʼə chûŋə̀ mə pɛ̀ efɨ̀aʼ kàʼa e samse. Nyiəmə, ə tendom tèkɨ̂m, ə ghənə nəyn ə ghɨghe fe nə zaʼlêzè kûmə̀ Fezhə̀ sɔ̀zà ə̀ ghâsènì nyîə tsɔ̂fə̀.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Etyə̂yn ə paynsêzè 14:16

Nyiəmə, è və vɨ̀ŋə̀ fènyi fə vəynfe, ə kwìə èfɨa vɛ ə ve tè nyi mə ve ə kweyn se kwì ə chi.