Taytùs 1:2 - Ŋwàʼlè ə̀ Fèzhə̀ Mkâyn Mə̂ Fèm

² Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Taytùs 1:2 ပူးပေါင်းရင်းမြစ်များ

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Ŋwàʼlè ə̀ Mâk 10:17

Njisə̀s ə nə̀ ndo sè ndùə endom, wùə vîvè ə nyɨŋə pə̂ tɨmə ə̀ndzɨs ə və shi ə pfɨfə sê vəyn nə, “Tyə̀ynsè èchùŋ, m nyiə kàʼa ə m nəyn nâʼà ghè se tə kyîə endam zɛ ə ze tə mîə va ə?”

Ŋwàʼlè ə̀ Mâk 10:30

ə è tə̂ faŋə se kyî mpɨəyn èkwùtwəyn è ghɔ nyiə, è tsâmtèsè, è ghə̀nyì, è ghɔynghe è fùʼm̀, kèpî zâ. È nə̀ kyîə èfɨa nə vɨ̂yn ke nâʼà ə mbiə zôyn, ə ghɨghe ə fɨnə nyâplə̀ è vəyn, ə tuʼe tə pəyn, ə è kyi ndam zɛ ə ze tə mîə va.

Njɔyn 10:28

M fo ghənə èndam zɛ ə ze tə mîə va, mə ndzè sə təynse tə kwuə va. Mə wùə vayn kaʼa è kyi fi səynse ə Mì əgho.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 6:54

Ghɨ ghɛ ə zhi wiyn vɨm ə mɨə m̀ndəm mɨ̂m kyi endam mə ze tə mìə va, M tə zômsè ghənə ə fetuʼfe kwuŋsəfe.

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Ətefɨ̂aʼ 15:18

Ə̀ tè nəyn mi kə ghɨghe ə ke ə̀ghɛ nə ghɨ̂yn nâʼà sə mɨ.›”

Ŋwàʼlè ə̀ Pɔ̂l sê ghɨə Lûmghè 1:2

Ə tom èchùŋ zɛ ə Zhə̀fè nyi mə Fe ə tə kɨytê tsɨ̂nè nə zhi tə fo sê ghɨ Vəynghe. È və tə tsàyn se fɨ̀aʼtèsè ghɛ kûmə̀ tom èchùŋ ə̀təyn kè kə nyi mə ə nyàʼ ə Ŋwàʼlè Èŋwaʼa.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 5:4

Kol ətəmze nə̂ ndò ghâsènì e kyi ètsɨsə̂ zɛ ə Zhə̀fè kyiŋə. Tsɨsə̂ nə zɨnə mə ə Zhə̀fè kyiŋə, ə̀ nyi zəynze ə ze nə̂yn ghâsènì e kyi èkwaʼtè nə Zhə̀fè tə nə̂ ndò ghɛ zɛ ə È pì nə È nə̀ nə̂ ndò se ghâsènì.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

1 Tèsàlonikà 2:15

ghɨ Njûs nə ghɨnə ə tə zhwi Pɛ̂pɛ Njisə̀s, è fɨ̀aʼtèsè ə tsə̀fsə̀ kəpi ghàs. Ghənə nə̂ nə Zhə̀fè ə nyɔʼsə̀ ètɔŋ ashìŋə̀ kɛ ə ghənə nə̂ nyiəmə! tɔŋ ə Fezhə̀ və zafə, fɨnə nə̂ nə nâʼàpî ndè ə nyi pàyn ə ghənə!

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

1 Timotì 6:19

Ə ghənə nə̂ nyî, ə ghənə ə ndə̂mə̀ achiə ə ndɛke sê ngɨŋ sə ghənə̂sè, ə ghənə tə nəyn ə nyi kàʼa zhi ndamze, mə ə̀ nyi endam ə səmɔʼze.

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

2 Timotì 2:13

Ə ghâsènì fɨ̀aʼà va se vəyn è təm ə ghasènìghe əkɨ̂m, ə è tə pa nəyn kendò ghɛ zɛ ə è tsɨ̀nè se nə̀yn, kûmə̀ nə È vayn kàʼa ə è tə kwiynsê ngɨŋ ə̂ Vəyn.”

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 17:8

Nyàm èpamə nə zɨ̀yn ə ò tè fe tè nyiə nyi ètwɔ ə shɨŋ ə̀mɔʼɔ̂, pîza zôyn è kɛse va ètwɔ. Zə̂yn tə fɨə kɔʼɔ pə̂ ə epə zɛ ə ze lɔŋɔ tso ndùə za se ndù nə ə pofse zə̂yn. Ghɨ ghɛ ə ndamə ə mbi mə ə tè paʼà nyàʼ zə ghənə ghè ə ŋwàʼlè ə̀ghɨ̀ endamə tsɔ̀fə kə pom mbi tə pə̂ ə nyi èkaynze ezhoghɛ ə nayne nyàm èpamə ə̀təyn kûmə̀ nə zə̂yn tè nyîə nyi ètwɔ ə shɨŋ ə̀mɔʼɔ̂, zôyn è kɛsə̂ va ètwɔ, pîza nyi se tə kɛsə pə̀yn.