Taytùs 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Taytùs 1:1 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

Ɛfesùs 2:8

Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

1 Timotì 2:4

Zhə̀fè kyiŋə nə ghɨ ghəkɨ̂m sɔ, fɨnə kyiŋə kəpî nə ghɨ ghəkɨ̂m kyi ghɛ zɛ ə ze nyi səmɔʼ.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

2 Timotì 2:23

Kə ò nə zɨtə saʼnê ango zɛ ə ghɨə saʼnə̂, ke pîva ghɛ zhîze. Ò ke nə saʼnê nə zɨ̂nə̀ pə̀ kə è zɔ̂zè

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

2 Pità 1:3

Zhə̀fè ə fo nâʼàpî ghè vɛ ə ghâsènì kyi sə̂ kyi kə ghâsènì ə ndamə èndam e zo zɛ ə ze kwəynə. Fe fo efɨa nə vɨ̂yn tɔynə̂ atyaʼ kɛ ə è kyi kə Fezhə̀, è kɨsè kûmə̀ nə ghâsènì nyîə ke vəyn. È tè tɔŋə ghâsènì tɔynə̂ ə vəyn epomsê è chùŋ ə̀ vəyn.

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.