Ŋwàʼlè ə̀ Pɔ̂l sê ghɨə Lûmghè 9:6 - Ŋwàʼlè ə̀ Fèzhə̀ Mkâyn Mə̂ Fèm

⁶ M pìə chiva nə Zhə̀fè paʼà nə̀yn ghɛ zɛ ə Fe tè tsɨ̀ne; kûmə̀ nə ə̀ vachi ə ghɨ ə Isìlâyghè əkɨ̂m ə nyi ə ghɨ ə Fezhə̀ghè.

Ŋwàʼlè ə̀ Pɔ̂l sê ghɨə Lûmghè 9:6 ပူးပေါင်းရင်းမြစ်များ

Matyò 24:35

Kwutwəynve è chike tə tsɛ̂ ndô pîza, ghɛ zɨme tə ndamə faŋə kə ndò.

Njɔyn 1:47

Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”

Njɔyn 10:35

Ghàs ke ndô nə ghɛ zɛ ə ŋwàʼlè ə Fezhə̀ pìə nyì səmɔʼ, nyi se tə ndamə faŋ; ə nyì sê ghɨ̂yn kə Zhə̀fè tè tɔŋte nə mzhə̀ kə Fe tè tsɛ̀sə tom ə̀ Vəyn se ghənə.

Ŋwàʼlè ə̀ Pɔ̂l sê ghɨə Lûmghè 3:3

Pîza ghɨ ə Njûs yîghe kɔʼsə̂ va Zhə̀fè endom vɛ ə ghənə tè tsɨ̀ne sə̂ kɔʼsə̂ ətəyn. Wùə kàʼa è pfɨf nə, “E za nyi nə se ghənə sə̂ nə̂ va ghɛ zɛ ə ghənə fe nyì sə̂ nə̂ chwìtə̀ nə Zhə̀fè tə pɔŋə nə̂ va ghɛ zɛ ə è tè tsɨ̀ne nə è tə nə̂ ndò ə?”

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.

Ngàleshyà 6:16

Ə Pɔ̂ynè ə Fèzhə̀ è kosê esəynze ə nyi sê ghɨ ghɛ ə chûmtə̀ zaʼlê zɨ̂nə̀, è kɨsè se ghɨ Fezhə̀ ghəkɨ̂m.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

2 Timotì 2:13

Ə ghâsènì fɨ̀aʼà va se vəyn è təm ə ghasènìghe əkɨ̂m, ə è tə pa nəyn kendò ghɛ zɛ ə è tsɨ̀nè se nə̀yn, kûmə̀ nə È vayn kàʼa ə è tə kwiynsê ngɨŋ ə̂ Vəyn.”