Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ŋwàʼlè ə̀ Pɔ̂l sê ghɨə Lûmghè 9:4 - Ŋwàʼlè ə̀ Fèzhə̀ Mkâyn Mə̂ Fèm

4 Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.

အခန်းကိုကြည့်ပါ။ ကော်ပီ




Ŋwàʼlè ə̀ Pɔ̂l sê ghɨə Lûmghè 9:4
61 ပူးပေါင်းရင်းမြစ်များ  

Njisə̀s ə fɨnə pîə nə, “Ghàyn zɨte kwəynsê ngàyn ə̀ mɔʼɔ̂, ‘Wùə vîvè tè kyi eluʼ ə zho ètwɔm ətəyn, ə lò kyîŋə̀ nga mbàyn ə̀təyn, ə tɨmə èpə zɛ kə ə nûʼə̀ ètwɔm ətəyn fɛtə mlɨ̂, ə pɛ àpfɨ̀ə e tsɨ̀ŋnəke əfètə̂ àfùʼ ə ke fo afûʼ ətəynke sê ghɨ nə fɨaʼà, chyâtə̀ fo vəyn è fɨa vɛ ə ve fɨə ətəyn, ə ndò ndûə èkwî.


Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.


Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”


Tsɨ̂nè ə Fezhə̀ nə zɨ̂nə̀ pə̀ sê ghàyn è ghɔyn ghaynghe è ghɨghe əkɨ̂m ghɛ ə ghe nyi ə tendomte tyâtè. Ə̀ nyi əghɨ ghɛ ə Pɛ̂, Zhə̀fè ghâsènì Fe tɔŋɔ nə ghe pəyn sê Vəyn.”


Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.


Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”


M pìə chiva nə Zhə̀fè paʼà nə̀yn ghɛ zɛ ə Fe tè tsɨ̀ne; kûmə̀ nə ə̀ vachi ə ghɨ ə Isìlâyghè əkɨ̂m ə nyi ə ghɨ ə Fezhə̀ghè.


Ghənə kɔʼsə̂ èwiyn pìə nə ghənə nyi əghɨ Ipilùghè. M nyi kepî wùə Ipilù. Ghənə pìə nə ghənə nyi ə ghɨə Isìlâyghè. M nyi kepî wùə Isìlây. Ghənə ghəmɔ̀ʼɔ pìə kəpi nə ghənə nyi əghɨ esas ə ndɛ Aplàghâmzè. M nyi kepî wùə èsas ə ndɛ ə Aplàghâmzè.


Ke nə Zhə̀fè tè fo etsɨ̂nè sê Aplàghâm yî ghâŋfə vəynfe mɔ̀ʼ. Ŋwàʼlè ə Fèzhə̀ pâʼà pì nə, ‘Ghàŋə̀m’ ze tyə̂ nə ghɨə se tsɨ̀, è pɨl pî nə, ‘Ghâŋfè’ ze tyə̂nə̀ nə ə̀ nyì ke wùə èmɔ̀ʼ mə tɔŋtə̂ nə Klâys.


Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.


Kàyn mə shîmè tè nyîə kyi èlwɔ̂ŋ engɨmnəve, è kɨsè luʼve mə ə nəyn nə ə ngɨmnə̂ Fèzhə̀ ətəyn.


Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.


Ə̀ tè nyi epàmə̂ àkòmte apàŋ ə sendzɨske, pfɨ̀ətə̀fè e nyi e tɔŋtə̂ nə, Kàyntè Eluʼ Eŋwaʼ Engaŋtə kwəynəve.


Fɨa vîve tè tyəm etùə àntayntayn nə kɨ̂yn èpɨ̀a kə Zhə̀fè Pom kyi tèghɛ. Ve tè nyì fumə se tyə̀yn nə Zhə̀fè nyiə nyi fumə elùʼ, ghɛ tə ghənə̂tè tè nyi mə tə kɨyte luʼ vɛ ə tè lɛ̀sə̀ fo sepi sə ghɨ̀sè ətəyn. Pîza ə̀ zo vachi àshîŋə̀ se piə paynse əghɛ nə ghɨ̂yn ə̀kɨ̂m.


Ə̀ tè nyì kə ə pɨaʼte fɨa ətəyn endom nə vɨ̂yn, ghɨ èkɔʼsə nə eshyə̀ghè e njiə ndùə nə̂ èfɨ̂aʼ ə ghənə̂zè ə apfɨ̀ə ə pɨəynke, kè tuʼmè m̀kɨ̂m.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ