Ŋwàʼlè ə̀ Pɔ̂l sê ghɨə Lûmghè 9:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ Ghâsènì kàʼa pi nə ghe zo ə? Ghɨ ghɛ ə ghənə tè vachi ə̀ghɨ Njûsghè pɨle nyi chichi ə Zhə̀fè əshi tɔynə̂ epomə̂ zɛ ə ghənə kyi sê Klâys pi kə ghənə tè so va ndyànə̀m sə nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 9:30 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 10:10

Ə̀ nyi epomə̂ ə ghasènìze ə ze nə̂ nə ghâsènì ə nyi chichi ə Zhə̀fè əshi. Ə̀ nyi eghɛ zɛ ə ghâsènì pìə ə ghâsènì echo è pomə̂zè, ə ze nə̂ nə ghâsènì sɔ fɨ.

Ŋwàʼlè ə̀ Pɔ̂l sê ghɨə Lûmghè 10:20

Fɨ̀aʼtè Ìsayà ə tə pomə kepî wàmnə̀ kə Zhə̀fè tè pi. È tè pì ə fètə̂ ghɨ̀ nə, “Ghɨ ghɛ ə tè kyiŋə̀ va mi, ə fe mi. Mə tyə̀yn ngɨŋ zɨm sê ghɨ, mə paʼà tyəmə̂ pfɨfə mi.”

Ŋwàʼlè ə̀ Pɔ̂l sê ghɨə Lûmghè 10:6

Pîza, ghɛ zɛ ə ŋwàʼlè ə̀ Fèzhə̀ pì nə wùə kyi sə̂ nyi wùə ə̀ chichi ətəyn ə Zhə̀fè əshi tɔynə̂ epomə̂ nyi nə, “Ò kiva se pfɨfə ə ghò əfètə̂ təm nə, ə̀ tə kɔʼɔ ndè ekwùtwəyn.” (E za tyə̀nə̀ nə, se njìə Klâys ekwùtwəyn se tsosə pə̀ Vəyn ə chi.)

Ŋwàʼlè ə̀ Pɔ̂l sê ghɨə Lûmghè 3:5

Pîza, ezhoghɛ ze nyi nə ghɛ epi ghɛ ə ghâsènì nə̀ chwìtə̀ ndò àchûŋ nə Zhə̀fè tɔ̀ʼə̀ va wùə vîvè, ə ghâsènì tə pi nə ghɛə? E za nyi nə ghâsènì kàʼa pi nə Zhə̀fè ə nə̀yn tsas se pɔynsə ə ghâsènì ə ghâsènì ətə ə̀ghɛ ə pi ghɛ ə ghâsènì nə̂ ə? (M wâmnə̀ zɨnə̀ è kwaʼtè ə wùə m̀sɔ̀ŋze)

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Ŋwàʼlè ə̀ Pɔ̂l sê ghɨə Lûmghè 4:22

Ə̀ za nyi eghɛ zɛ ə pomə ə Aplàghâmzè tè nəyn Zhə̀fè, Fe ə njìə vəyn kə wùə vɛ ə è nə̀ ghɛ ghɛ ə Fe kyiŋə.

Ŋwàʼlè ə̀ Pɔ̂l sê ghɨə Lûmghè 4:9

E za tyə̀ nə ghɨ ghɛ ə nyi mə ə se nam ə ghənə̂ghè nyì ke ghɛ ə ghe tə kyiə pɔsê nə zɨ̂yn ə Ndàfît pìə mə ghɛ ə nyi ndɔ̀ʼɔ se nam ə ghənə̂ghè tə kyîə kəpî ndò pɔsê ətəynze ə? Ghâsènì nyi mə ə kàynè pi nə ŋwàʼlè ə̀ Fèzhə̀ pi nə, “Aplàghâm ə tə pomə̂ Zhə̀fè, Zhə̀fè ə njìə vəyn kə wùə chichi ə vəyn əshi”

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 9:14

Ghâsènì nə̀ pìə nə ghe zôyn ə? E za nyi nə Zhə̀fè tɔ̀ʼə̀ ndò ghɨə mɔ̀ʼɔghe mə? E va za nâʼà səkɔs!

Ŋwàʼlè ə̀ Pɔ̂l sê ghɨə Lûmghè 9:31

Pîza ghɨə Isìlâyghè tè nyiə so m̀ndyàyn sə̂ chùmtə̀ alâŋ kə ghənə kaʼa nyi chichi ə Zhə̀fè əshi, pîza vayn kàʼa chumte kəynke.

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ngàleshyà 3:24

Nyiəmə, lâŋkè e tɔ̂ʼnə̀ kəndò è ghâsènì se zaʼâ kə Klâys pəyn se nə̀yn nə ghâsènì ə nyi chichi ə Zhə̀fè əshi kûmə̀ èkyî epomə̂zè.

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ɛfesùs 2:12

Kə ghàyn lɛse nə ə tè nyi za, ghàyn e kyi va ghɛze se nə̀yn è Klâys, va anɔ̀yn ə ghɨə Isìlâykè, kyi va ghɛze ə tetsɨ̀nè tɛ ə Zhə̀fè tè fo sê ghənə. Ghàyn tè tsɨ̀nə̀ ndamə kə ndò ə mbi, kwâʼtə̀ va chùŋ zhîzè elùʼ, ke pî va Zhə̀fè.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

1 Timotì 6:11

Pîza ə gho ə wùə Fèzhə̀, tə pfɨyn famə epàmə̂ ə̀ghɛ. Ò mɔ̂msə̀ sə nyi chichi, nə̂ kə nâʼà ə̀ghɛ kə Zhə̀fè kyiŋə, kyi èkyî epomə̂zè, è kɔ̂ŋzè, e wəynsê ewìynze, è ngɨmnêzè.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

1 Pità 4:3

Ghàyn se nyi mə ghàyn ə pofsê shîŋə̀ tsɨəke sə mɨ, ndamə kə ghɨ ghɛ ə̀ vachi ə̀ghɨ Njûsghè. Ghàyn tè ndamə tendamte nyələte, shi ghaynghe e tsɨlə, ghàyn mɨə m̀lɨ̂ m̀ me ko ghàyn ə ndùə elùʼ azhi, ghàyn e nə̂ kə kə sepu, səynə̂ èwiyn èlɨ̀ mə èmɨəm, è ngɨmnê èfɨaʼsèzè ə tendom teghoməte lâŋ ə Fezhə̀kè e pomə̂ va.