Ŋwàʼlè ə̀ Pɔ̂l sê ghɨə Lûmghè 9:22 - Ŋwàʼlè ə̀ Fèzhə̀ Mkâyn Mə̂ Fèm

²² E nyi kepî eghɨ səmɔʼ kə Zhə̀fè nə̀yn. Fe tè kɔ̀ŋ se tyə̀yn nə Fe nyɔʼsə̀ etɔŋ ə fɨnə kɔ̂ŋɔ̀ se nə̀yn nə ghɨ fe tyaʼa Vəynke. Ə̀ za nyi eghɛ zɛ ə Fe tè ngəse kol ə̀təm è ghɨ vəyn ghɛ ə ghe tè nəyn nə è və nyɔʼsə̀ ètɔŋ. Ghɨ nə ghɨnə mə tè kyi ndô sə kyi èpɔynsê.

Ŋwàʼlè ə̀ Pɔ̂l sê ghɨə Lûmghè 9:22 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 9:17

Ə nyàʼ ə ŋwàʼlè ə̀ Fèzhə̀ nə Zhə̀fè tè pì sê fɔ̀yn Felò nə, “M tè ndəm ghô sə fɔ̀yn, kə m kaʼa m nji ghô ə m tyəyn tyaʼ kɨmke ətəyn è kɨsè nə zə zɨme kwi nga mbi èkɨ̂m.”

Ŋwàʼlè ə̀ Pɔ̂l sê ghɨə Lûmghè 9:20

Pîza, Ò nyi nâʼà ndè, ə gho wùə m̀sɔ̀ŋ sə̂ pfɨfə èghɛ ə Zhə̀fè echo ə? Tɔ̀yn èchaʼ vayn kàʼa è pfɨf sê wùə vɛ ə è tè pom zə̂ynzè nə “Ò tè pom zayn mi nyiə?”

Ŋwàʼlè ə̀ Pɔ̂l sê ghɨə Lûmghè 9:21

Piə wùə vɛ ə è pomə tɔ̀ynsè kɔ̀ŋ ə è nji toʼ èchaʼ ə è momte, ə è chyase ə è pom tɔ̀yn sepɛ̀ ətəyn, ə emɔ̀ʼ ə nyi mə ə kwə̂ynə̂ ətəyn shîŋə̀ kɛ ə ghɛ eghaʼè nyi, zə mɔ̀ʼɔ e nyi mə ə kwəynə̂ ətəyn nâʼàpî ashìŋə̀ àkè.

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!

1 Tèsàlonikà 5:9

Ghâsènì kyi sə̂ kɨ̂ŋtə̂ nyî kûmə̀ nə Zhə̀fè tè pâʼà chɔʼ ghâsènì se saʼa ghâsènì se fɨnə pɔynse, pîza nə ghâsènì kyi sɔzaze tɔynə̂ ə Pɛ̂pɛ ə̀ ghâsènì Njisə̀s Klâys,

2 Timotì 2:20

Ə fètə̂ ndɛ è ghaʼâ, kwaŋve nə ve nyi ndò, kwaŋ ə lɔpàvè e nyi ə tekyì ə tekyì. Vîve nyi mə ə fɛte è ngôl, vîve nyi mə ə fɛte è silvà, è vîve mə ə tsɨ è kàʼm̀, è vîve mə ə pom è chaʼe. Vîve nyi mə ə fɨaʼà kə ətəyn ə kàyntè mtuʼ me ghaʼâm, Vîve nyi mə ə fɨaʼà ətəyn nâʼàpî zɨ̂yn zə.

1 Pità 2:8

Ə fɨyn nyâʼ kèpi ə Ŋwàʼlè ə̀ Fèzhə̀ nə: “Ə̀ nyi echi, zɛ ə ghɨ tyamtə̂ ətəyn, ə nyi ànayn, kɛ ə ke tə nə̂ nə ghənə pfɨ.” Ghɨ nə̂ tyamtə̂ ətəyn kûmə̀ nə ghənə zɨtə̂ va tom ə̀ Fèzhə̀, ə nyi èghɛ zɛ ə Zhə̀fè tè nyi mə fe ə ndə̀m nə ghənə ə nə̂.

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.