Ŋwàʼlè ə̀ Pɔ̂l sê ghɨə Lûmghè 9:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Nyiəmə, fɨa kɛ ə Zhə̀fè chitê kiva ghɛ zhîze se nə̀yn. Ghɛ ghe əkɨ̂m vachi kè kə ghâsènì ghɨ msɔ̀ŋghe kyiŋə, nə̂. Pîza ə̀ nyi ke kûmə̀ èkosê esəyn ə Fezhə̀zè ə È nə̀ nâʼà pi èghɛ èkè zɛ ə è kɔ̀ŋə̀ se nə̀yn.

Ŋwàʼlè ə̀ Pɔ̂l sê ghɨə Lûmghè 9:16 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 4:8

Ndə̂plè ə nə̀ Njisə̀s ə ndûə È etûə pfɨ̀yn è tyàfə ə tyə̀nə̀ tèndâʼà tə mbite tekɨ̂m è ghaʼ zɛ ə ze nyi ətəyn,

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Njɔyn 3:8

Fofa tsɛ̂ nâʼà pî elùʼ èkè vɛ ə ke kɔ̂ŋə̀, ò zɨə kə ke tsɛ̂ pîza vayn tsàyn eluʼ vɛ ə ke ndô pə̂ ətəyn è luʼ vɛ ə ke ndûə ətəyn. E nyi kepî zamə sê nâʼàpî ndè vɛ ə piə vəyn ə Sezuʼ sə Fezhə̀sè.”

Ŋwàʼlè ə̀ Pɔ̂l sê ghɨə Lûmghè 9:11

Ə̀ tè nyi tsɔ̀fə kə ə piə ghɔyn nə ghɨ̂yn, mə ghənə paʼà nyìəm kê se nə chùŋ kɨ̀sə pi, Zhə̀fè ə tsà se Lèpekà nə, “Vayn èndumə tə nə̂ ə è və nyi wùə àfɨ̀aʼ sê vayn etətə̂” Zhə̀fè tè nəyn zɨnə mə kə ze ə nyi nə ə̀ nəyn zhi nə vayn emɔ̀ʼ ə nyi ə və mɔ̀ʼɔ etyə̀. Ə̀ tè nyi ə vəyn ekɔ̀ŋ se chitê ə wùə vɛ ə è kɔ̀ŋə̀, ə̀ vachi kûmə̀ ə̀ghɛ ghɛ ə wùə təyn tè nəyn.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ɛfesùs 2:8

Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.