Ŋwàʼlè ə̀ Pɔ̂l sê ghɨə Lûmghè 8:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə wùə ndə̀m təm ə vəynghe əghɛ ə senjà se wìynse, ə è tə kwu. Pîza ə wùə ndə̀m təm ə vəynghe ətə ə̀ghɛ ə sezuʼ sə Fezhə̀sè, ə è tə kyî èndam zɛ ə ze tə mîə va è kɨsè pɔ̂ynè.

Ŋwàʼlè ə̀ Pɔ̂l sê ghɨə Lûmghè 8:6 ပူးပေါင်းရင်းမြစ်များ

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

Ŋwàʼlè ə̀ Pɔ̂l sê ghɨə Lûmghè 6:21

Ə̀ nyi chùŋ èkè zɛ ə ghàyn tè kyi kə ghàyn tè nə ghɛ ghɛ ə ghe pə̂ èghomə̂zè zôyn fumə ashìŋə̀? Ghɛ zɛ ghɛ nə ghɛ mə pə̂ e zɨynze nyi ekwu.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 7:11

Pi ə tə tsɛ̀ epàmə àlàŋ, lɛsə̂ mi, mə nə̀ pi, pi ə̀təyn ə zhwiə mi.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

Ŋwàʼlè ə̀ Pɔ̂l sê ghɨə Lûmghè 8:27

Zhə̀fè fe ndzɨsə ndò təm ə ghasènìghe, ke èghɛ zɛ ə zuʼse kwaʼtə̀ kûmə̀ nə zuʼse tsə̂mə̀ ndò ə ghɨə Fezhə̀ghè elùʼ endom vɛ ə Zhə̀fè kyiŋə.

Ŋwàʼlè ə̀ Pɔ̂l sê ghɨə Lûmghè 8:7

Ghɨ ghɛ ə ghe ndamə kə njà sewìynse kyiŋə nyi sèpàyn sə Fezhə̀sè, kûmə̀ nə ghənə ndə̂mə̀ va lâŋ ə Fezhə̀kè, mə ə vayn kaʼa ndəʼ ndəm kəynke.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 6:8

Ə̂ wùə zho ke fɨa kɛ ə ke fɔmə ə və senjà sewìynse, ə è tə kwi ke èkwu, mə ə wùə zho fɨa kɛ ə Zuʼse kyiŋə, ə è tə kwi ke èndam zɛ ə ze tə mîə va.