Ŋwàʼlè ə̀ Pɔ̂l sê ghɨə Lûmghè 8:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Zhə̀fè tè nəyn zɨnə mə kə ghɨ ghɛ ə ghe chûmtə̀ va tyaʼa ghɛ ewìynke, pîza pɨlə chumtə̀ ə̀ghɛ atyaʼ ə sezuʼ sə Fezhə̀sè, ghənə tə nə̂ ə nə̂ ə̀ghɛ chichi eghɨ kə lâŋkè kyiŋə nə ghənə nəyn.

Ŋwàʼlè ə̀ Pɔ̂l sê ghɨə Lûmghè 8:4 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Ŋwàʼlè ə̀ Pɔ̂l sê ghɨə Lûmghè 2:26

Ə ghɨ ghɛ ə̀ va əghɨ ə Njûsghè, nyi ndɔ̀ʼɔ se nam ə ghənə̂ghè, kɔʼsə̂ èghɛ zɛ ə lâŋkè pìə, ə Zhə̀fè faŋ zayn se njì ə ghənə kə ghɨ ghɛ ə nyi mə ə se nam ə ghənə̂ghè ə?

Ŋwàʼlè ə̀ Pɔ̂l sê ghɨə Lûmghè 3:31

Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.

2 Kolìŋ 10:2

M chyatə̂ ghàyn nə kə ghàyn nəyn, ə m nə pəyn, ə mə pɨa ə ghàyn ətu. M ke ndô nə m kaʼa m pɨa nâʼà sə ŋaŋ sê ghɨ ghɛ ə ghe pìə za nə ghàs ndamə kə ghɨ mbiə.

2 Kolìŋ 10:3

E nyi ke nâʼà səmɔʼ nə ghàs ndamə ə mbi pîza nô va endom vɛ ə ghɨ ə mbighe nô ətəyn.

Ngàleshyà 5:16

M kyiŋə se pì sê ghàyn nə, ghàyn za Zuʼse Ŋwaʼase, ə sə chisə̂ ghàyn. Ə ghàyn nə̀yn nyi, ə ghàyn ə fɨnə nə̂ va ghɛghe ə njà èwìyn kyiŋə.

Kòlosè 1:22

Pîza zôyn, tɔynə̂ ekwu zɛ ə Va vəyn Klâys tè kwu kə wùə m̀sɔ̀ŋ ə awâmnè, Zhə̀fè ə nə̀yn nə ghàyn ə nyi sèsoyn sə vəynse. Zhə̀fè tè nəyn zamə kə ghàyn ə nyi elùʼ vɛ ə è nyi, nyi ə̀ghɨ eŋwaʼghe, kyi va ndi ə̀ pi zhizè ə ghàyn ewìyn, vayn ko ghàyn è tsas zhîze.

Ipilù 12:23

Ghàyn ə pə̀yn elùʼ azhi əghɨ ghɛ ə ghe nyi kə ghɔ Fezhə̀ ghə shighe, ə ghɨ ghɛ ə nyi mə nyàʼ zə ghənə̂ghè ekwùtwəyn. Ghàyn ə pə̀yn ə Zhə̀fè ə shi Fɛ ə fe saʼa ghɨghə əkɨ̂m è kɨsè nə ghàyn ə pə̀yn se ghɨə chûŋ ghɛ ə tè kwu pîza Zhə̀fè ə nə̀ nə ghənə ə nyi chichi.

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

Etyə̂yn ə paynsêzè 14:5

Ə pâʼà tyəmə̂ kê ghənə kə əghɨ ewamə nə akaŋghe, kyi va tsasze.